|
ຫ້ອງໂຄຈອນຍານອະວະກາດ ເສີນໂຈ່ວເລກ6ຂອງຈີນໝູນເດີນ180ມື້ຢ່າງປອດໄພ
cri
ຕາມຂ່າວສານຊີນຮວາ,ນັບຮອດວັນທີ15ເມສາ,ຫ້ອງໂຄຈອນຍານອະວະກາດ ເສີນໂຈ່ວເລກ6ຂອງຈີນໄດ້ໝູນເດີນ180ມື້ຢ່າງເປັນປົກກະຕິ,ໄດ້ບິນອ້ອມໜ່ວຍໂລກ2900ກວ່າຮອບ.
ວັນທີ12ຕຸລາປີ2004,ຍານອະວະກາດບັນທຸກຄົນ ເສີນໂຈ່ວເລກ6ທີ່ຈີນຄົ້ນຄວ້າຜະລິດເອົາເອງໄດ້ເຂົ້າສູ່ອະວະກາດຢ່າງສຳເລັດຜົນ.ວັນທີ17,ຫ້ອງກັບຄືນແລະຫ້ອງໂຄຈອນຂອງຍານອະວະກາດເສີນໂຈ່ວເລກ6ໄດ້ແຍກກັນ,ເມື່ອໄດ້ສຳເລັດລາຍການທົດລອງທຸກປະການຢູ່ອະວະກາດຢ່າງສະດວກແລ້ວ,ນັກບິນອະວະກາດສອງຄົນໄດ້ກັບຄືນສູ່ໜ້າດິນນຳຫ້ອງກັບຄືນຢ່າງປອດໄພ.ຫ້ອງໂຄຈອນຍານອະວະກາດເລີ່ມໝູນເດີນຢູ່ຕາມໂຄຈອນ.ໃນເຄິ່ງປີຜ່ານມາ,ຕົວເລກວັດແທກຄວບຄຸມທຸກລາຍສະແດງໃຫ້ເຫັນວ່າ,ຫ້ອງໂຄຈອນເຮັດວຽກເປັນຢ່າງດີ,ເຄື່ອງທົດລອງວິທະຍາສາດທີ່ບັນທຸກຢູ່ນຫ້ອງໂຄຈອນນັ້ນໝູນເດີນຢ່າງເປັນປົກກະຕິ,ໄດ້ເກັບເອົາຕົວເລກວິທະຍາສາດແລະໝາກຜົນນຳໃຊ້ຕົວຈິງເປັນຈຳ ນວນຫຼວງຫຼາຍ,ອັນໄດ້ສ້າງພື້ນຖານອັນໜັກແໜ້ນໃຫ້ແກ່ໂຄງການຊອກຄົ້ນດວງພະຈັນທີ່ຈີນຈະດຳເນີນໃນພາຍໜ້າ.
ຜູ້ຊ່ຽວຊານທີ່ກ່ຽວຂ້ອງກ່າວວ່າ,ປັດຈຸບັນ,ລະບົບຕ່າງໆຂອງຫ້ອງໂຄຈອນໝູນເດີນຢ່າງເປັນປົກກະຕິ,ກະວ່າຍັງສາມາດໝູນເດີນ100ມື້.
|
|
