|
|
 |
| (GMT+08:00)
2006-04-15 18:06:48
|
 |
|
ທ່ານເຈິນເຕິກເລືອງ ປະທານປະເທດຫວຽດນາມຫວັງເລັ່ງລັດການຮ່ວມມືຢູ່ເຂດ ຊາຍແດນຫວຽດນາມຈີນ
cri
ຕາມຂ່າວສານຊີນຮວາ,ວັນທີ14ເມສາຢູ່ຮາໂນຍ,ທ່ານເຈິນເຕິກເລືອງ ປະທານປະເທດຫວຽດນາມກ່າວວ່າ,ຫວັງໃຫ້ສອງຝ່າຍພະຍາຍາມຊຸກຍູ້ການກໍ່ສ້າງ"ສອງຊ່ອງທາງແລະໜຶ່ງວົງ"ລະຫວ່າງຫວຽດນາມກັບຈີນ (ສອງຊ່ອງທາງໝາຍເຖິງຄຸນມິງ-ເຫີໂຄວ-ລາວໄກ່-ຮາໂນຍ-ໄຫຟົງ,ແລະນານນິງ-ພິງຊຽງ-ລັງ ເຊິງ-ຮາໂນຍ-ໄຫຟົງ,ພ້ອມວົງເສດຖະກິດອ່າວພາກເໜືອ),ເລັ່ງບາດກ້າວສຳຫຼວດ ປັກຫຼັກໝາຍເສັ້ນຊາຍແດນ,ແລະຈັດງານເອັກສໂປຈີນ-ອາຊຽນຄັ້ງທີ3ໃຫ້ດີ.
ທ່ານກ່າວວ່າ,ການສ້າງສາສອງຊ່ອງທາງໜຶ່ງວົງແມ່ນມາດຕະການຍຸດທະສາດສຳຄັນທີ່ຜູ້ນຳຈີນຫວຽດນາມໄດ້ກ້າວເຖິງຂັ້ນເປັນເອກະສັນກັນ,ມີຄວາມໝາຍສຳຄັນຕໍ່ການສ້າງສາທັນສະໄໝຂອງຫວຽດນາມ.ຫຼັງຈາກເຄືອຂ່າຍຄົມມະ ນາຄົມ"ສອງຊ່ອງທາງວົງໜຶ່ງ"ສ້າງຂຶ້ນສຳເລັດ,ຈະຊັກນຳການພັດທະນາຂອງ ສອງຝ່າຍໃນດ້ານອຸດສາຫະກຳ ການຄ້າແລະການທ່ອງທ່ຽວ.
ກ່ຽວກັບບັນຫາສຳຫຼວດເສັ້ນຊາຍແດນ,ທ່ານເຈິນເຕິກເລືອງຫວັງໃຫ້ສຳເລັດວຽກງານດັ່ງກ່າວກ່ອນປີ2008ຕາມເວລາກຳນົດ,ສ້າງຊາຍແດນຈີນຫວຽດນາມໃຫ້ເປັນເຂດທີ່ໄວ້ເນື້ອເຊື່ອໃຈກັນ ໝັ້ນຄົງຍາວນານແລະເສດຖະກິດຈະເລີນສິວິໄລ.ທ່ານຍັງກ່າວວ່າ,ຫວຽດນາມຍິນດີພ້ອມກັນກັບຈີນຈັດງານເອັກສໂປຈີນອາຊຽນໃຫ້ດີ.
|
|
|
