|
|
 |
| (GMT+08:00)
2006-04-15 18:20:06
|
 |
|
ຝ່າຍແຜ່ນດິນໃຫຍ່ປະກາດນະໂຍບາຍແລະມາດຕະການທີ່ເພີ່ມທະວີການຮ່ວມມືດ້ານການກະສິກຳລະຫວ່າງສອງຝັ່ງ
cri
ຕາມຂ່າວCRI,ວັນທີ15ເມສາຢູ່ທີ່ປັກກິ່ງ,ທ່ານເຊິນຢຸນລິນ ຫົວໜ້າຫ້ອງການວຽກງານໄຕ້ຫວັນຂອງສູນກາງພັກກອມມູນິດຈີນໄດ້ຮັບສິດປະກາດວ່າ,ຝ່າຍແຜ່ນດິນໃຫຍ່ຈະໃຊ້ນະໂຍບາຍແລະມາດຕະການຫຼາຍຂໍ້ທີ່ເພີ່ມທະວີການຮ່ວມມື ດ້ານການກະສິກຳລະຫວ່າງສອງຝັ່ງ.
ໃນເວລາປະກາດນະໂຍບາຍແລະມາດຕະການຢູ່ທີ່ເວທີປາໄສເສດຖະກິດການຄ້າສອງຝັ່ງທີ່ອັດລົງໃນມື້ນີ້,ທ່ານເຊິນຢຸນລິນເວົ້າວ່າ,ແຕ່ວັນທີ1ພຶດສະພາປີນີ້ເປັນຕົ້ນໄປ,ຈະເພີ່ມຊະນິດໝາກໄມ້ໄຕ້ຫວັນທີ່ອະນຸມັດເຂົ້າຕະຫຼາດແຜ່ນດິນໃຫຍ່ພາຍຫຼັງໄດ້ຜ່ານການກວດຄຸນນະພາບແລະກວດພະຍາດແລ້ວນັ້ນຈາກ18ຊະນິດຂຶ້ນເປັນ22ຊະນິດ,ເປີດໃຫ້ຜັກ11 ຊະ ນິດທີ່ຜະລິດຢູ່ໄຕ້ຫວັນສົ່ງຂາຍຢູ່ແຜ່ນດິນໃຫຍ່,ແລະຍົກເວັ້ນພາສີ;ຍົກເວັ້ນພາສີແລະອຳນວຍຄວາມສະດວກໃນການກວດຄຸນນະພາບແລະກວດພະຍາດໃຫ້ແກ່ສັດນ້ຳຈຳນວນໜຶ່ງທີ່ສົ່ງອອກຈາກໄຕ້ຫວັນ;ຈັດຕັ້ງວິສາຫະກິດແລະຂະແໜງການທີ່ກ່ຽວຂ້ອງໄປຊື້ຜະລິດຕະພັນກະສິກຳຢູ່ໄຕຫວັນໃນເວລາອັນເໝາະສົມ;ເປີດຊ່ອງທາງສະດວກໃຫ້ການຂົນສົ່ງຜະລິດຕະພັນກະສິກຳໄຕ້ຫວັນເປັນຕົ້ນ.ນອກນີ້,ຍັງຈະເພີ່ມເຂດຮ່ວມມືທົດລອງກະສິກຳສອງຝັ່ງຊ່ອງແຄບທີ່ຕັ້ງຢູ່ແຜ່ນດິນໃຫຍ່ນັ້ນຈາກ5ແຫ່ງຂຶ້ນເປັນ7ແຫ່ງ.
|
|
|
