|
ທ່ານຫູຈີນທາວກ່າວລື້ມວ່າ,ຄຳໝັ້ນສັນຍາຂອງແຜ່ນດິນໃຫຍ່ທີ່ມີຕໍ່ພີ່ນ້ອງຮ່ວມຊາດໄຕ້ຫວັນບໍ່ຫ່ອນຈະປ່ຽນແປງຍ້ອນສະຖານະການປັ່ນປ່ວນແລະມີຄົນລົບກວນ
cri
Author: da
ຕາມຂ່າວCRI: ວັນທີ 16 ເມສາ ຢູ່ປັກກິ່ງ ທ່ານຫູຈິນທາວ ເລຂາທິການໃຫຍ່ສູນກາງພັກກອມມູນິດຈີນກ່າວລື້ມວ່າ,ແຜ່ນດິນໃຫຍ່ປະເທດຊາດຈະປະຕິບັດຕາມຄຳໝັ້ນສັນຍາທຸກລາຍທີ່ມີຕໍ່ພີ່ນ້ອງຮ່ວມຊາດໄຕ້ຫວັນນັ້ນຢ່າງຈິງໃຈ,ບໍ່ຫ່ອນຈະມີການປ່ຽນແປງໃດໆຍ້ອນສະຖານະການປັ່ນປ່ວນແລະມີຄົນລົບກວນ.
ທ່ານຫູຈິນທາວແມ່ນໃຫ້ທັດສະນະດັ່ງກ່າວໃນເວລາພົບປະທ່ານລຽນຈ້ານ ປະທານກິຕິມະສັກພັກກົກມິນຕັງຈີນທີ່ນຳພາຄະນະຜູ້ແທນມາເຂົ້າຮ່ວມເວທີປາໄສເສດຖະກິດການຄ້າສອງຝັ່ງ.ທ່ານເວົ້າວ່າ,ທະແນມແຕ່ແມ່ນເລື່ອງ ທີ່ພົວພັນເຖິງຜົນປະໂຫຍດຂອງພີ່ນ້ອງຮ່ວມຊາດໄຕ້ຫວັນນັ້ນ,ກໍຕ້ອງປະຕິບັດຕໍ່ຢ່າງຈິງຈັງ;ທະແນມແຕ່ແມ່ນຄຳໝັ້ນສັນຍາທີ່ມີຕໍ່ພີ່ນ້ອງຮ່ວມຊາດໄຕ້ຫວັນນັ້ນ,ກໍລ້ວນແຕ່ຕ້ອງປະຕິບັດຕາມຢ່າງຕັ້ງໜ້າ.
ໃນເວທີປາໄສເສດຖະກິດການຄ້າສອງຝັ່ງທີ່ອັດລົງໃນວັນທີ 15 ເມສາ,ຝ່າຍແຜ່ນດິນໃຫຍ່ໄດ້ປະກາດນະໂຍບາຍແລະມາດຕະການ 15 ລາຍເຊິ່ງລວມທັງເປີດຕະຫຼາດຜະລິດຕະພັນກະສິກຳຕໍ່ໄຕ້ຫວັນຕື່ມອີກ.
ໃນເວລາພົບປະ ທ່ານຫູຈິນທາວຍັງໄດ້ວາງຂໍ້ສະເໜີ 4 ຂໍ້ກ່ຽວກັບການຂະຫຍາຍການພົວພັນລະຫວ່າງສອງຝັ່ງ,ກ່າວເນັ້ນວ່າຍຶດໝັ້ນ"ຄວາມຮັບຮູ້ຄືກັນປີ 1992"ເຊິ່ງສ່ອງແສງໃຫ້ເຫັນຫຼັກການຈີນດຽວ,ສະແຫວງຫາຄວາມສຸກໃຫ້ແກ່ພີ່ນ້ອງຮ່ວມຊາດຢູ່ສອງຝັ່ງ,ລົງເລິກການແລກປ່ຽນແລະການຮ່ວມມືທີ່ຕ່າງຝ່າຍຕ່າງມີຜົນປະໂຫຍດແລະຊະນະທັງສອງຝ່າຍ,ດຳເນີນການຫາລືກັນຢ່າງສະເໝີພາບລະຫວ່າງສອງຝັ່ງ.
ທ່ານລຽນຈ້ານເວົ້າວ່າ,ພີ່ນ້ອງຮ່ວມຊາດຢູ່ສອງຝັ່ງຄວນເພີ່ມທະວີການຮ່ວມມືກັນໃຕ້ສະພາບແວດລ້ອມສັນຕິພາບ,ບັນລຸເປົ້າໝາຍໃຫ້ສອງຝັ່ງຈະເລີນຮຸ່ງເຮືອງພ້ອມກັນແລະຊະນະທັງສອງຝ່າຍ.
|
|
