|
ຈີນຫວັງໃຫ້ບັນດາຝ່າຍທີ່ກ່ຽວຂ້ອງຮັກສາຄວາມອົດກັ້ນໃນບັນຫານີວເຄຼຍຂອງອີຣານ
cri
ຕາມຂ່າວສານຊິນຮວາ,ວັນທີ15ເມສາ,ຢູ່ເຕເຮລານ,ທ່ານຊຸຍທຽນຄາຍ ຜູ່ຊ່ອຍລັດຖະມົນຕີການຕ່າງປະເທດຈີນທີ່ຢ້ຽມຢາມເຮັດວຽກຢູ່ອີຣານກ່າວວ່າ,ຈີນຫວັງໃຫ້ບັນດາຝ່າຍທີ່ກ່ຽວຂ້ອງຈົ່ງຮັກສາຄວາມອົດກັ້ນໃນບັນຫານີວເຄຼຍຂອງອີຣານ,ຫຼີກເວັ້ນການໃຊ້ການກະທຳທີ່ອາດຈະພາໃຫ້ສະຖານະການເລື່ອນຂັ້ນຕື່ມອີກ.
ທ່ານຊຸຍທຽນຄາຍຊີ້ອອກວ່າ,ການແກ້ໄຂບັນຫານີວເຄຼຍຂອງອີຣານໃຫ້ດີດ້ວຍການເຈລະຈາແລະວິຖີທາງການທູດນັ້ນຍັງຄົງແມ່ນການເລືອກເອົາທີ່ດີກວ່າໝູ່,ເຊິ່ງສອດຄ່ອງກັບຜົນປະໂຫຍດຂອງບັນດາຝ່າຍ.ທ່ານກ່າວວ່າ,ຫວັງໃຫ້ບັນດາຝ່າຍທີ່ກ່ຽວຂ້ອງທຳຄວາມພະຍາຍາມຢ່າງມີລັກສະນະສ້າງສັນ,ສ້າງບັນຍາກາດແລະເງື່ອນໄຂອັນຈຳເປັນໃຫ້ແກ່ການຟື້ນຟູການເຈລະຈາບັນຫານີວເຄຼຍຂອງອີຣານໂດຍໄວ.
|
|
