|
ການລ້ຽງສັດກາຍເປັນຈຸດຮຸ່ງໃໝ່ທີ່ພາໃຫ້ຊາວກະສິກອນຈີນມີລາຍໄດ້ເພິ່ມຂຶ້ນເລື້ອຍໆ
cri
Author: min
ຕາມຂ່າວCRI: ປະຈຸບັນ, ລາຍໄດ້ດ້ານການລ້ຽງສັດໄດ້ກວມເອົາປະມານ 20% ຂອງລາຍໄດ້ເງິນສົດຂອງຊາວກະສິກອນຈີນ, ໃນເຂດລ້ຽງສັດສຳຄັນຈຳນວນໜຶ່ງ, ຕົວເລກດັ່ງກ່າວໄດ້ກາຍເຄິ່ງແລ້ວ, ການລ້ຽງສັດໄດ້ກາຍເປັນຈຸດຮຸ່ງໃໝ່ທີ່ພາໃຫ້ຊາວກະສິກອນຈີນມີລາຍໄດ້ເພີ່ມຂຶ້ນຢ່າງຕໍ່ເນື່ອງ.
ຕາມແນະນຳ, ປະຈຸບັນ, ຈີນມີຊາວກະສິກອນ 100 ກວ່າລ້ານຄົນປະກອບອາຊີບລ້ຽງສັດ, ມູນຄ່າຜະລິດຂອງການລ້ຽງສັດໄດ້ກວມ 35% ຂອງຍອດມູນຄ່າການຜະລິດກະສິກຳ, ແຕ່ແບບວິທີການຜະລິດຂອງການລ້ຽງສັດຂອງຈີນຍັງອ່າວຫຼ້າຫຼັງ, ໃນການພັດທະນາການລ້ຽວສັດກໍ່ປະເຊີນກັບບັນຫາຕ່າງໆ, ຄື ທົ່ງຫຍ້າແບກຫາບເກີນຄວາມສາມາດເປັນຕົ້ນ. ກ່ຽວກັບເລື່ອງນີ້, ທ່ານນິວຕຸ້ນເວົ້າວ່າ, ເພື່ອເຮັດໃຫ້ການລ້ຽງສັດກາຍເປັນແຫຼ່ງລາຍໄດ້ອັນໝັ້ນທ່ຽງຂອງຊາວກະສິກອນ, ຈີນຈະສ້າງລະບົບແຜ່ແນວພັນດີແບບໃໝ່ຢ່າງແຂງແຮງ, ເພີ່ມຄວາມແຮງໃນການສ້າງແລະຮັກສາທົ່ງຫຍ້າ, ພັດທະນາອົງການເສດຖະກິດຮ່ວມມືວິຊາສະເພາະການລ້ຽງສັດຢ່າງແຂງແຮງ, ຍົກສູງລະດັບຈັດຕັ້ງຊາວກະສິກອນແລະຊາວລ້ຽງສັດເຂົ້າສູ່ຕະຫຼາດ.
|
|
