|
|
 |
| (GMT+08:00)
2006-04-17 20:19:57
|
 |
|
ຈີນພັດທະນາໂທລະສັບມືຖື30ໂດລາແລະຄອມປິວເຕີ100ໂດລາໃຫ້ແກ່ຊາວກະສິກອນ
cri
ຕາມຂ່າວສານຊີນຮວາ,ຈີນຈະຊັກນຳວິສາຫະກິດພັດທະນາໂທລະສັບມືຖື30ໂດລາແລະຄອມປິວເຕີ100ໂດລາເພື່ອເປີດກວ້າງຄວາມຕ້ອງການຂອງຊົນນະບົດໃນການຊົມໃຊ້ຂໍ້ມູນຂ່າວສານ,ຊຸກຍູ້ອຸດສາຫະກຳຂໍ້ມູນຂ່າວສານໃຫ້ພັດທະນາ.
ວັນທີ17ເມສາ,ໃນກອງປະຊຸມທີ່ຈັດຂຶ້ນຢູ່ນະຄອນຈີນານແຂວງສ່ານຕົ່ງຈີນ,ຜູ້ຮັບຜິດຊອບທີ່ກ່ຽວຂ້ອງຂອງກະຊວງອຸດສາຫະກຳຂໍ້ມູນຂ່າວສານຈີນກ່າວວ່າ,ອັດຕາເຜີຍແຜ່ໂທລະສັບຢູ່ຊົນນະບົດອັນໄພສານຂອງຈີນຍັງບໍ່ທັນສູງເທື່ອ,ຄວາມຕ້ອງການດ້ານໂທລະຄົມຂອງຊາວກະສິກອນກໍບໍ່ໄດ້ຮັບການຕອບສະໜອງ,ມູນເຫດຕົ້ນຕໍກໍແມ່ນຍ້ອນຜະລິດຕະພັນເອເລັກໂຕຼນິກທີ່ລາຄາຖືກ ຄຸນນະພາບດີ ສະດວກແລະໃຊ້ຕົວຈິງໄດ້ທີ່ຊາວກະສິກອນຈີນຕ້ອງການໃນສະເພາະໜ້ານີ້ນັ້ນຂ້ອນຂ້າງໜ້ອຍ.ສ່ວນການເພີ່ມທະວີການພັດທະນາຕະຫຼາດຊົນນະບົດ ຈະສ້າງຕະຫຼາດທີ່ກວ້າງອອກກວ່າເກົ່າໃຫ້ແກ່ອຸດສາຫະກຳໂທລະຄົມ.ດັ່ງນັ້ນ, ກະຊວງອຸດສາຫະກຳຂໍ້ມູນຂ່າວສານຈຶ່ງສົ່ງເສີມແລະສະໜັບສະໜູນໃຫ້ອົງການຄົ້ນຄວ້າວິທະຍາສາດ ແລະໂຮງງານຜະລິດອຸປະກອນພັດທະນາລະບົບແລະຜະລິດຕະພັນທີ່ສອດຄ່ອງກັບຈຸດພິເສດຂອງຊົນນະບົດແລະໃຫ້ຊາວກະສິກອນໃຊ້ສະດວກ.
|
|
|
