|
ທ່ານມາອີ່ງຈີວກ່າວວ່າ ໝາກຜົນຂອງເວທີປາໄສເສດຖະກິດການຄ້າລະຫວ່າງສອງຝັ່ງແມ່ນຂອງປະຊາຊົນໄຕ້ຫວັນ ຫວັງໃຫ້ເຈົ້າໜ້າທີ່ຈົ່ງຕິດຕາມຊຸກຍູ້
cri
Author: cai
ຕາມຂ່າວສານຊີນຮວາ:ຕອນຄ່ຳວັນທີ 16 ເມສາ,ພັກກົກມີນຕັງຈີນໄດ້ປະກາດຂ່າວເລົ່າຕໍ່ຄຳເວົ້າຂອງທ່ານມາອີ່ງຈີວ ປະທານພັກດັ່ງກ່າວວ່າ,ໝາກຜົນຂອງເວທີປາໄສເສດຖະກິດການຄ້າລະຫວ່າງສອງຝັ່ງແມ່ນຂອງປະຊາຊົນໄຕ້ຫວັນ 23 ລ້ານຄົນ,ຫວັງໃຫ້ເຈົ້າໜ້າທີ່ພັກມີນຈີ້ນຕັງຈົ່ງຕິດຕາມຊຸກຍູ້.
ຕາມສື່ມວນຊົນໄຕ້ຫວັນແຈ້ງຂ່າວວ່າ,ພັກກົກມີນຕັງຈີນຊີ້ອອກວ່າ,ມາດຕະການໃຫ້ສິດທິພິເສດແກ່ໄຕ້ຫວັນ 15 ລາຍທີ່ຝ່າຍແຜ່ນດິນໃຫຍ່ຈີນປະກາດໃນເວທີປາໄສເສດຖະກິດການຄ້າລະຫວ່າງສອງຝັ່ງນັ້ນ,ຍ່ອມຈະນຳເອົາໂອກາດໃໝ່ມາໃຫ້ເສດຖະກິດໄຕ້ຫວັນທີ່ໄດ້ຢຸດສະງັກມາເປັນເວລາຫຼາຍປີແລ້ວນັ້ນ,ໃຫ້ປະຊາຊົນໄຕ້ຫວັນມີໂອກາດປະກອບອາຊີບຫຼາຍຂຶ້ນ.ນອກນີ້,ແຜ່ນດິນໃຫຍ່ໄດ້ປະກາດວິທີຄຸ້ມຄອງພົນລະເມືອງໄປທ່ອງທ່ຽວຢູ່ໄຕ້ຫວັນ,ນີ້ຈະເຮັດໃຫ້ຂະແໜງການບໍລິການຂອງໄຕ້ຫວັນມີໂອກາດການຄ້າກວມລວມຫຼາຍຂຶ້ນ.ເວົ້າລວມແລ້ວ,ໝາກຜົນຂອງເວທີປາໄສເສດຖະກິດການຄ້າລະຫວ່າງສອງຝັ່ງ,ຈະກາຍເປັນພື້ນຖານທີ່ສອງຝັ່ງຊ່ອງແຄບໄຕ້ຫວັນສ້າງການພົວພັນເສດຖະກິດການຄ້າທີ່ແໜ້ນແຟ້ນກວ່າເກົ່າ,ແລະເຮັດໃຫ້ໄຕ້ຫວັນໄດ້ຊົມໃຊ້ໝາກຜົນຂອງແຜ່ນດິນໃຫຍ່ໃນການພັດທະນາເສດຖະກິດ.
ພັກກົກມີນຕັງກ່າວເນັ້ນວ່າ,ຍັງມີຫຼາຍນະໂຍບາຍຕ້ອງການໃຫ້ເຈົ້າໜ້າທີ່ຈັດຕັ້ງປະຕິບັດ,ຫວັງໃຫ້ເຈົ້າໜ້າທີ່ພັກມີນຈີ້ນຕັງຈົ່ງເປັນຜູ້ຊຸກຍູ້ການຮ່ວມມືລະຫວ່າງສອງຝັ່ງໃນວຽກງານສອງຝັ່ງໃນອະນາຄົດ.
|
|
