|
ຄຸນນະພາບຂອງຢາຖູແຂ້ວທີ່ມີລາຄາ1ຢວນກັບອັນທີ່ມີລາຄາ23ຢວນນັ້ນຕ່າງກັນບໍ່ຫຼາຍ
cri
|
ທ່ານຜູ້ຟັງ, ຫວ່າງມໍ່ໆນີ້, ສະມາຄົມຜູ້ບໍລິໂພກປັກກິ່ງໄດ້ດຳເນີນການທົດລອງປຽບທຽບຕໍ່ຜະລິດຕະພັນຢາຖູແຂ້ວ64ຊະນິດທີ່ຜະລິດຈາກວິສາຫະກິດ28ຫຼັງໃນແຖບປັກກິ່ງ, ທຽນສິນແລະຊຽງໄຮເປັນຕົ້ນ, ຜົນການທົດລອງສະແດງໃຫ້ເຫັນວ່າ, ຄຸນນະພາບຂອງຢາຖູແຂ້ວທີ່ມີລາຄາ1ຢວນກັບອັນທີ່ມີລາຄາ23ຢວນນັ້ນບໍ່ມີຄວາມແຕກຕ່າງກັນຢ່າງເດັ່ນຊັດ.
ການທົດລອງປຽບທຽບເທື່ອນີ້ລວມທັງຢາຖູແຂ້ວທຳມະດາ, ຢາຖູແຂ້ວທີ່ມີສານຟລູອໍແລະຢາຖູແຂ້ວແບບມີຢາຈີນປົນໃສ່ເປັນຕົ້ນ, ມີລາຄາແຕ່1ຢວນຫາ23ຢວນ, ຜົນການທົດລອງສະແດງໃຫ້ເຫັນວ່າ, ເຖິງວ່າລາຄາຂອງຢາຖູແຂ້ວເຫຼົ່ານີ້ແຕກຕ່າງກັນກໍຕາມ, ແຕ່ຄຸນນະພາບຂອງຜະລິດຕະພັນເຫຼົ່ານີ້ບໍ່ມີຄວາມແຕກຕ່າງກັນຢ່າງເດັ່ນຊັດ.
ຜູ້ບໍລິໂພກຜູ້ໜຶ່ງເວົ້າຢ່າງກົງໄປກົງມາວ່າ, ນາງເຫັນຕະຫຼອດມາວ່າຢາຖູແຂ້ວທີ່ອ່າວແພງນັ້ນຈະມີຄຸນນະພາບດີກວ່າແລະມີປະສິດທິຄຸນສູງກວ່າ, ປະຈຸບັນ, ສະມາຄົມຜູ້ບໍລິໂພກປັກກິ່ງມີຄວາມເວົ້າໃໝ່ແລ້ວ, ນາງຈະພິຈາລະນາຄືນໃໝ່ກ່ອນ, ແຕ່ພ້ອມກັນນັ້ນ, ນາງກໍກ່າວວ່ານາງຍັງຄົງເຊື່ອໃຈຜະລິດຕະພັນທີ່ມີຊື່ສຽງ.
ກ່ຽວກັບເລື່ອງນີ້, ສະມາຄົມຜູ້ບໍລິໂພກປັກກິ່ງໄດ້ປະກາດຄຳເຕືອນການບໍລິໂພກວ່າ: ຜູ້ບໍລິໂພກທີ່ບໍ່ມີພະຍາດຊ່ອງປາກແລະພະຍາດແຂ້ວນັ້ນ, ຢ່າເລືອກເອົາຢາຖູແຂ້ວທີ່ມີປະສິດທິຄຸນເຫຼົ່ານີ້ຢ່າງຫຼັບຫູຫຫຼັບຕາ. ຜູ້ບໍລິໂພກທີ່ມີພະຍາດຊ່ອງປາກ, ຢ່າເຊື່ອການໂຄສະນາຂອງຢາຖູແຂ້ວທີ່ມີປະສິດທິຄຸນຕ່າງໆ, ຄວນໄປປິ່ນປົວຢູ່ໂຮງໝໍທັນທະແພດກ່ອນ, ໃຫ້ທາງໂຮງໝໍແນະນຳໃຊ້ຢາຖູແຂ້ວທີ່ຖືກກັບອາການຂອງຕົນ.
|
|
