ຕາມ​ຂ່າວCRI, ຕອນ​ເຊົ້າ​ວັນ​ທີ18​ເມສາ, ກອງ​ປະຊຸມ​​ໃຫຍ່​ຜູ້​ແທນ​ທົ່ວ​ປະ​ເທດ​ຄັ້ງ​ທີ10​ຂອງ​ພັກ​ກອມ​ມູນິດ​ຫວຽດນາມ​ໄດ້​ຈັດ​ຂຶ້ນ​ຢູ່​ຮາ​ໂນ​ຍ ນະຄອນຫຼວງ​ຫວຽດນາມ.

ໃນ​ພິທີ​ໄຂ​ກອງ​ປະຊຸມ, ທ່ານ​ເຈິ​ນດຶກ​ເລືອ​ງ ປະທານ​ປະ​ເທດຫວຽດນາມ​ໄດ້​ກ່າວ​ຄຳ​ປາ​ໄສ​ໂດ​ຍຊີ້​ອອກ​ວ່າ, ກອງປະຊຸມ​ຄັ້ງ​ນີ້​ຈະ​ເລືອກ​ຕັ້ງ​ຄະນະ​ນຳ​ຊັ້ນ​ສູງຂອງ​ພັກ​ກອມ​ມູນິດ​ຫວຽດນາມ​ຊຸດ​ໃໝ່, ​ແລະຖອດ​ຖອນ​ບົດຮຽນທາງ​ບວກ​ແລະທາງ​ລົບ​​ໃນ​ອະດີດຕະການ​ທີ່​ຜ່ານ​ມາ, ກຳນົດ​ທິດທາງ​, ​ເປົ້າ​ໝາຍ​ແລະ​ໜ້າ​ທີ່ພັດທະນາ​ເສດຖະກິ​ດສັງຄົມ​ຂອງ​ຫວຽດ​ນາມ​ໃນ​5​ປີ​ຂ້າງ​ໜ້າ.

ຕາມ​ໄດ້​ຊາບ, ກອງ​ປະຊຸມ​ຄັ້ງ​ນີ້​ຈະ​ຈັດ​ເປັນ​ເວລາ8ມື້, ມີ​ຜູ້​ແທນ​ປະມານ1200​ຄົນ​ທີ່​ມາ​ຈາກ​ແຫ່ງ​ຕ່າງໆ​ທົ່ວ​ປະ​ເທດ​ຫວຽດນາມ​​ເຂົ້າຮ່ວມ​.

ທ່ານນົງຕຶກແໝງ ເລຂາທິການໃຫຍ່ສູນກາງພັກກອມມູນິດຫວຽດນາມກ່າວຄຳປາໄສ
ໃນພິທີໄຂກອງປະຊຸມ