ຝ່າຍຕຳຫຼວດອິສຣາແອນເຂົ້າສູ່ສະພາວະລະມັດລະວັງລະດັບສູງສຸດເພື່ອປ້ອງກັນການຫຼອນໂຈມຕີແບບກໍ່ການຮ້າຍ
cri
ຕາມຂ່າວCRI,ວັນທີ18ເມສາ,ຝ່າຍຕຳຫຼວດແລະກອງທະຫານປ້ອງກັນຄວາມປອດໄພຂອງອິສຣາແອນໄດ້ເຂົ້າສູ່ສະພາວະລະມັດລະວັງລະດັບສູງສຸດ,ເພື່ອປ້ອງກັນບໍ່ໃຫ້ເກີດເຫດການຫຼອນໂຈມຕີແບບກໍ່ການຮ້າຍອີກ.
ໂທລະພາບອິສຣາແອນລາຍງານວ່າ,ອິສຣາແອນຈະແຕ່ງກຳລັງຕຳຫຼວດທັງໝົດໃນທົ່ວປະເທດ,ຕັ້ງບ່ອນກວດກາຊົ່ວຄາວຢູ່ຕາມເສັ້ນທາງສຳຄັນຕ່າງໆ,ພ້ອມທັງເພີ່ມທະວີການລາດຕະເວນຢູ່ສະຖານທີ່ສາທາລະນະ.
ກອງທະຫານອິສຣາແອນຍັງຈະອັດຕັນເຂດປາເລັສຕິນຢ່າງຮອບດ້ານແລະຊອກຈັບຜູ່ປະກອບອາວຸດປາເລັສຕິນ.
ນອກນີ້,ຂ່າວແຈ້ງວ່າ,ວັນທີ18ເມສາ,ທ່ານອາຮາເມັດ ໂຄສົກອົງການຈີຮັດປາເລັດສຕິນໄດ້ຂົ່ມຂູ່ວ່າ,ອົງການດັ່ງກ່າວຈະແຕ່ງ70ຄົນໄປກໍ່ການຫຼອນໂຈມຕີດ້ວຍການລະເບີດແບບຂ້າໂຕຕາຍໃນແດນອິສຣາແອນ.ທ່ານຍັງກ່າວວ່າ,ການຫຼອນໂຈມຕີຢູ່ເມືອງເຕລາວິຟ ເມື່ອວັນທີ17ເມສາພຽງແຕ່ແມ່ນໝາກຜົນທຳອິດຂອງອົງການຈີຮັດເທົ່ານັ້ນ.
ວັນທີ17ເມສາ, ຢູ່ເຕລາວິຟ ເມືອງໃຫຍ່ກວ່າໝູ່ຂອງອິສຣາແອນໄດ້ເກີດເຫດການຫຼອນໂຈມຕີດ້ວຍການລະເບີດແບບຂ້າໂຕຕາຍ,ຢ່າງໜ້ອຍເຮັດໃຫ້9ຄົນຕາຍ,40ກວ່າຄົນບາດເຈັບ.
|
|