|
ຮອງປະທານາທິບໍດີອິນໂດເນເຊຍກ່າວວ່າ ຍິນດີຕ້ອນຮັບວິສາຫະກິດຈີນຍິ່ງຫຼາຍໄປລົງທຶນພັດທະນາທຸລະກິດຢູ່ອິນໂດເນເຊຍ
cri
ຕາມຂ່າວສານຊີນຮວາ,ຕອນຄ່ຳວັນທີ18ເມສາ,ຢູ່ທີ່ຊຽງໄຮ້,ໃນເວລາພົບປະທ່ານເຊີນລຽງຢູ ເລຂາຄະນະພັກນະຄອນຊຽງໄຮ້,ທ່ານຢູຊຸຟ ຄານລາ ຮອງປະທານາທິບໍດີອິນໂດເນເຊຍກ່າວວ່າ,ຍິນດີຕ້ອນຮັບວິສາຫະກິດຈີນຍິ່ງຫຼາຍໄປລົງທຶນພັດທະນາທຸລະກິດຢູ່ອິນໂດເນເຊຍ.
ທ່ານຢູຊຸຟເວົ້າວ່າ, ອິນໂດເນເຊຍສຸດທີ່ເອົາໃຈໃສ່ນຳການພົວພັນເສດຖະກິດການຄ້າກັບຈີນ,ຫວັງວ່າເພີ່ມທະວີການຮ່ວມມືກັບຈີນໂດຍສະເພາະແມ່ນກັບຊຽງໄຮ້ໃນດ້ານພະລັງງານ ກຳລັງໄຟຟ້າແລະການທ່ອງທ່ຽວເປັນຕົ້ນ.ທ່ານກ່າວວ່າ, ອິນໂດເນເຊຍພວມສຸມກຳລັງພັດທະນາເສດຖະກິດ,ຫວັງຢາກຖອດຖອນເອົາ ບົດຮຽນອັນລ້ຳຄ່າຂອງຈີນໃນການສ້າງສາເສດຖະກິດແລະການກໍ່ສ້າງພື້ນຖານໂຄງລ່າງໃນເຂດພິເສດ.
ທ່ານເຊີນລຽງຢູເວົ້າວ່າ,ໃນຫຼາຍປີມານີ້,ເສດຖະກິດຂອງຊຽງໄຮ້ພັດທະນາຢ່າງວ່ອງໄວ,ເຊື່ອວ່າຈະມີວິສາຫະກິດຈີນຫຼາຍກວ່າເກົ່າເດີນອອກຈາກປະເທດຕົນ,ໄປລົງທຶນພັດທະນາທຸລະກິດ ຕັ້ງໂຮງງານຢູ່ແຫ່ງອື່ນໆຂອງໂລກຊຶ່ງລວມທັງອິນໂດເນເຊຍ.
ທ່ານຢູຊຸຟ ຄານລາແມ່ນເດີນທາງມາຮອດຊຽງໄຮ້ໂດຍຍົນສະເພາະໃນຕອນບ່າຍວັນທີ18ເມສາ.
|
|
