|
|
 |
| (GMT+08:00)
2006-04-19 15:15:41
|
 |
|
ສື່ມວນຊົນພົ້ນທະເລຕີລາຄາຢ່າງຕັ້ງໜ້າຕໍ່ເວທີປາໄສເສດຖະກິດການຄ້າສອງຝັ່ງຊ່ອງແຄບໄຕ້ຫວັນ
cri
Author: shuo
ຕາມຂ່າວສານຊິນຮວາ:ຫຼາຍມື້ມານີ້,ສື່ມວນຊົນພົ້ນທະເລທະຍອຍກັນພິມບົດຄວາມ,ຕີລາ ຄາຢ່າງຕັ້ງໜ້າຕໍ່ເວທີປາໄສເສດຖະກິດການຄ້າສອງຝັ່ງຊ່ອງແຄບໄຕ້ຫວັນທີ່ຈັດຂຶ້ນຢູ່ທີ່ປັກກິ່ງໃນຫວ່າງແລ້ວນີ້ແລະການພົບປະລະຫວ່າງທ່ານຫູຈິນທ່າວ ປະທານປະເທດຈີນກັບທ່ານລຽນຈັ້ນ ປະທານກິຕິມະສັກພັກກົກມິນຕັງຈີນ,ໂດຍເຫັນວ່າຄຳປາໄສຂອງທ່ານຫູຈິນທ່າວແລະມາດຕະການໃຫ້ຄວາມສະດວກພິເສດຕ່າງໆທີ່ຈີນອຳນວຍແກ່ໄຕ້ຫວັນໄດ້ສ່ອງແສງໃຫ້ເຫັນຄວາມເອົາໃຈໃສ່ຢ່າງແທ້ຈິງຂອງແຜ່ນດິນໃຫຍ່ທີ່ມີຕໍ່ປະຊາຊົນໄຕ້ຫວັນ,ກຳລັງປອດໄສຂອງແຜ່ນດິນໃຫຍ່ແລະໄຕ້ຫວັນໄດ້ເລີ່ມມີການຮ່ວມມືທີ່ບັງເກີດຜົນແລ້ວ.
ໜັງສືພິມກົມເມີຊັນດ໌ຂອງຣັດເຊຍພິມບົດຄວາມຂຽນວ່າ,ການພົວພັນດ້ານເສດຖະກິດການຄ້າລະຫວ່າງແຜ່ນດິນໃຫຍ່ກັບໄຕ້ຫວັນຈີນພວມຂະຫຍາຍຕົວຢ່າງວ່ອງໄວ,ໄດ້ລື່ນກາຍລະດັບການເມືອງລະຫວ່າງສອງຝັ່ງຢ່າງຫຼວງຫຼາຍ.
ໜັງສືພິມພາສາຈີນຫຼາຍສະບັບຂອງອິນໂດເນເຊຍລ້ວນແຕ່ໄດ້ພິມບົດຄວາມແລະຮູບຖ່າຍທີ່ກ່ຽວຂ້ອງຢ່າງລຽນຕິດໃນໜ້າສຳຄັນຂອງໜັງສືພິມ,ມີເນື້ອໃນອຸດົມສົມບູນ,ປະຈັກຕາຄົນທີ່ສຸດ.ໜັງສືພິມຢາກາກຕາພົສດ໌ພາສາອັງກິດໄດ້ບັນລະຍາຍສະພາບທ່ານຫູຈິນທ່າວພົບກັບທ່ານລຽນຈັ້ນ,ແລະໄດ້ຄາດຄະເນອະນາຄົດຂອງການພົວພັນລະຫວ່າງສອງຝັ່ງ.
ໜັງສືພິມຊິງສຽນຢື້ປ້າວຂອງໄທພິມບົດຄວາມໂດຍຊີ້ອອກວ່າ,ຂໍ້ສະເໜີສີ່ຂໍ້ກ່ຽວກັບການຂະຫຍາຍການພົວພັນສອງຝັ່ງໂດຍສັນຕິຂອງທ່ານຫູຈິນທ່າວໄດ້ວາດພາບອະນາຄົດອັນເປັນປະຫວັດການໃໝ່ຂອງສອງຝັ່ງຊ່ອງແຄບ.ສື່ມວນຊົນໄທຍັງຊີ້ອອກວ່າ,ການແລກ ປ່ຽນແລະການອາໄສເຊິ່ງກັນແລະກັນດ້ານເສດຖະກິດລະຫວ່າງສອງຝັ່ງໄດ້ກາຍເປັນທ່ວງທ່າຂະຫຍາຍຕົວທີ່ຕ້ອງເປັນໄປ.
|
|
|
