ຕາມ​ຂ່າວສານ​ຊິນ​ຮວາ: ວັນ​ທີ 19 ​ເມສາ, ທ່ານ​ສື​ວານ​ເຜີງ ຫົວໜ້າ​ສະຫະສະມາຄົມ​ອຸດສາຫະກຳ​ຫຸ້ມ​ຫໍ່​ຈີນ​ກ່າວ​ວ່າ, ປີ2005, ຍອດ​ມູນ​ຄ່າ​ຜະລິດ​ຕະພັນ​ອຸດສາຫະກຳ​ຫຸ້ມ​ຫໍ່​ຂອງ​ຈີນ​​ໄດ້​ບັນລຸ 50 ຕື້​ໂດ​ລາ​ສະຫະລັດ, ​ໄດ້​ຕອບ​ສະໜອງ​ຄວາມ​ຕ້ອງການການ​ບໍລິການ​ຄົບຊຸດ​ຂອງ​ສິນຄ້າ​ຂາຍຍ່ອຍ​ໃນ​ການ​ບໍລິ​ໂພ​ກຂອງສັງຄົມ​ພາຍ​ໃນ​ປະ​ເທດແລະ​ສິນຄ້າ​ສົ່ງ​ອອກ​ໃນຂຶ້ນ​ພື້ນຖານ.

​ໃນ​ກອງ​ປະຊຸມ​ກ່ຽວ​ກັບ​ການ​ຫຸ້ມ​ຫໍ່​ໂລກ​ປີ2006​ທີ່​​ໄຂຂຶ້ນ​ຢູ່​ປັກ​ກິ່ງ​ໃນ​ວັນ​ທີ 19 ​ເມສາ, ທ່ານ​ສື​ວານ​ເຜີງກ່າວ​ວ່າ, ອຸດສາຫະກຳ​ຫຸ້ມ​ຫໍ່​ຂອງ​ຈີນ​ໄດ້​ຈໍ່​ຕົວ​ຂຶ້ນ​ເປັນ​ລະບົບ​ອຸດສາຫະກຳ​​ທີ່​ເປັນ​ອິດ​ສະລະ​ແລະ​ຄົບ​ຖ້ວນ​ທີ່​ຖືເອົາ​ເຈ້ຍ ປຼາສຕິ​ກ ​ໂລຫະ ​ແກ້ວ ​ເຄື່ອງ​ຈັກພິມ​ຈຳ​ໜ່າຍ​ແລະ​ເຄື່ອງ​ຈັກ​ຫຸ້ມ​ຫໍ່​ເປັນ​ຜະລິດ​ຕະພັນ​ຕົ້ນ​ຕໍ, ຍອດ​ມູນ​ຄ່າ​ຜະລິດ​ຕະພັນ​ອຸດສາຫະກຳ​ຫຸ້ມ​ຫໍ່​​ໄດ້​ກວມ​ມາດຕາ​ສ່ວນ2,2%ຂອງGDP​ໃນ​ປີ​2005.

ກອງ​ປະຊຸມ​ກ່ຽວ​ກັບ​ການ​ຫຸ້ມ​ຫໍ່​ເທື່ອ​ນີ້​ຈະ​ດຳ​ເນີນເປັນ​ເວລາ 2 ມື້, ຫົວ​ຂໍ້​ຂອງ​ກອງ​ປະຊຸມ​​ແມ່ນ"​ເຕັກນິກ​ວິທະຍາສາດ ການອະນຸລັກ​ສິ່ງ​ແວດ​ລ້ອມ ການ​ຮ່ວມ​ມື ການ​ພັດທະນາ", ສະມາ​ຊິກ​ຂອງ​ອົງການ​ຫຸ້ມ​ຫໍ່​ຂອງໂລກ​100ກວ່າ​ຄົນ​ທີ່​ມາ​ຈາກ25​ປະ​ເທດ​ແລະ​ພາກ​ພື້ນ​ແລະ​ຜູ່​ແທນ​ເຂດ​ໃນ​ຈີນ500​ກວ່າ​ຄົນ​ໄດ້​ເຂົ້າ​ຮ່ວມ​ກອງ​ປະຊຸມ.