|
ທ່ານຫູຈິນທ່າວເດີນທາງໄປຮອດວໍຊິງຕັນ,ສືບຕໍ່ຢ້ຽມຢາມອາເມລິກາທາງລັດຖະກິດ
cri
Author: shuo
ຕາມຂ່າວCRI:ວັນທີ19ເມສາເວລາທ້ອງຖິ່ນ,ທ່ານຫູຈິນທ່າວ ປະທານປະເທດຈີນໄດ້ເດີນທາງໄປຮອດວໍຊິງຕັນ ນະຄອນຫຼວງອາເມລິກາ,ສືບຕໍ່ຢ້ຽມຢາມອາເມລິກາທາງລັດຖະກິດ.
ຢູ່ວໍຊິງຕັນ,ທ່ານປະທານຫູຈິນທ່າວຈະເຂົ້າຮ່ວມພິທີຕ້ອນຮັບທີ່ທ່ານປະທານາທິບໍດີບຸສຈັດຂຶ້ນເພື່ອເປັນກຽດແກ່ທ່ານທີ່ຢ້ຽມຢາມ,ແລະເຈລະຈາກັບທ່ານບຸສ,ພົບປະຜູ້ນຳອື່ນໆຂອງອາເມລິກາ,ແລກປ່ຽນຄວາມເຫັນກ່ຽວກັບການພົວພັນສອງຝ່າຍພ້ອມດ້ວຍບັນຫາພາກພື້ນ ສາກົນທີ່ສົນໃຈນຳກັນ.
ພາຍຫຼັງຢ້ຽມຢາມວໍຊິງຕັນແລ້ວ,ທ່ານຫູຈິນທ່າວຍັງຈະໄປກ່າວປາຖະກະຖາຢູ່ມະຫາວິທະຍາໄລເຢວລ໌.
ຫວ່າງແລ້ວນີ້,ໃນເວລາຮັບການສຳພາດຮ່ວມຂອງນັກຂ່າວຈີນແລະອາເມລິກາ,ທ່ານລິຊາດ ເລວິນ ອະທິການບໍດີມະຫາວິທະຍາໄລເຢວລ໌ເວົ້າວ່າ,ທ່ານຮູ້ສຶກຕື່ນເຕັ້ນແລະມີກຽດທີ່ສຸດທີ່ທ່ານ ປະທານຫູຈິນທ່າວໄດ້ເລືອກເອົາມະຫາວິທະຍາໄລເຢວລ໌ເປັນບ່ອນກ່າວປາຖະກະຖາ,ທ່ານເຫັນວ່າ,ທັງນີ້ເປັນຂີດໝາຍສະແດງໃຫ້ເຫັນວ່າ,ທ່ານປະທານຫູຈິນທ່າວ ລັດຖະບານຈີນແລະປະຊາຊົນຈີນເອົາໃຈໃສ່ນຳການສຶກສາ.ທຸກຄົນໃນໂຮງຮຽນລ້ວນແຕ່ຄອງຄອຍທ່ານປະທານຫູຈິນທ່າວມາຢ້ຽມຢາມ.
|
|
