ຈີນອາເມລິກາເຊັນແຜນການຮ່ວມມືກ່ຽວກັບໂຄງການພາສາແລະວັດທະນະທຳຈີນ
cri
ຕາມຂ່າວສານຊິນຮວາ, ວັນທີ19ເມສາ, ຢູ່ທີ່ນິວຢອກ, ຫ້ອງການໜ່ວຍນຳພາການສິດສອນພາສາຈີນຕໍ່ຕ່າງປະເທດແຫ່ງຊາດຈີນກັບສະພາມົນຕີມະຫາວິທະຍາໄລອາເມລິກາໄດ້ເຊັນແຜນການຮ່ວມມືກ່ຽວກັບໂຄງການພາສາແລະວັດທະນະທຳຈີນສະບັບໜຶ່ງເປັນເວລາ5ປີ.
ຕາມແຜນການດັ່ງກ່າວ, ເພື່ອແກ້ໄຂບັນຫາທີ່ຄູສອນພາສາຈີນໃນໂຮງຮຽນອາເມລິກາຂາດເຂີນຢ່າງໜັກໜ່ວງ, ໃນ3ປີຂ້າງໜ້າ, ຈີນຈະແຕ່ງຄູ150ຄົນໄປສິດສອນຢູ່ໂຮງຮຽນມັດທະຍົມອາເມລິກາຊົ່ວຄາວ, ແລະອອກທຶນອຸດໜູນນັກຮຽນອາເມລິກາ300ຄົນທີ່ຍິນດີສອນພາສາຈີນນັ້ນເສັງເອົາໜັງສືຢັ້ງຢືນຄຸນວຸດທິຄູສອນພາສາຈີນຂອງອາເມລິກາ, ເພື່ອຮັບປະກັນໃຫ້ໂຄງການດັ່ງກ່າວດຳເນີນຕໍ່ໄປໄດ້ຫຼັງຈາກຄູຈີນກັບຄືນປະເທດແລ້ວ.
ໃນພິທີລົງນາມ, ທ່ານຄາສຕັນ ຄາເປີຕັນ ປະທານສະພາມົນຕີມະຫາວິທະຍາໄລອາເມລິກາກ່າວວ່າ, ໂຄງການດັ່ງກ່າວມີຜົນດີຕໍ່ນັກຮຽນອາເມລິກາ, ມີຜົນດີຕໍ່ອາເມລິກາແລະມີຜົນດີຕໍ່ໂລກໃນສະຕະວັດທີ21.
|
|