|
|
 |
| (GMT+08:00)
2006-04-20 18:38:56
|
 |
|
ກອງປະຊຸມຜູ່ຊ່ຽວຊານຕ້ານການກໍ່ການຮ້າຍສາກົນຈັດຂຶ້ນຢູ່ຟີລິບປິນ
cri
ຕາມຂ່າວCRI,ກອງປະຊຸມຜູ່ຊ່ຽວຊານຕ້ານການກໍ່ການຮ້າຍສາກົນທີ່ຈະຈັດຂຶ້ນເປັນເວລາ3ມື້ໄດ້ໄຂຂຶ້ນຢູ່ແຂວງເຊບູ ພາກກາງຟີລິບປິນໃນວັນທີ20ເມສາ.ຜູ່ແທນທີ່ຮ່ວມປະຊຸມຫຼາຍຮ້ອຍຄົນຈາກ50ກວ່າປະເທດແລະເຂດແຄວ້ນຂອງອາຊີປາຊີຟິກແລະເອີລົບຈະຄົ້ນຄວ້າຫາລືສະຖານະການຕ້ານການກໍ່ການຮ້າຍສາກົນ.
ຕາມຝ່າຍທາງການຟີລິບປິນທີ່ເປັນເຈົ້າພາບຈັດກອງປະຊຸມແນະນຳວ່າ,ກອງປະຊຸມເທື່ອນີ້ຕົ້ນຕໍຈະຫາລືຫົວຂໍ້5ຂໍ້ເຊັ່ນເພີ່ມທະວີພື້ນຖານຕ້ານການກໍ່ການຮ້າຍ,ຊອກຫາວິຖີທາງຕ້ານການກໍ່ການຮ້າຍທີ່ຖືກກັບສະພາບຕົວຈິງ,ເພີ່ມທະວີການປະສານງານລະຫວ່າງພາກພື້ນເປັນຕົ້ນ.ຈຸດປະສົງແມ່ນເພື່ອຫາລືຈະດຳເນີນການຮ່ວມມືລະຫວ່າງຊາດຢ່າງບັງເກີດຜົນແນວໃດໃນບັນຫາຕ້ານການກໍ່ການຮ້າຍ,ໃນຂະນະທີ່ຕ້ານການກໍ່ການຮ້າຍນັ້ນ,ປົກປ້ອງວັດທະນະທຳດັ້ງເດີມຂອງບັນດາປະເທດບໍ່ໃຫ້ຖືກທຳລາຍເປັນຕົ້ນ.
ນອກນີ້,ຂ່າວແຈ້ງວ່າ,ໃນເວລາກອງປະຊຸມເທື່ອນີ້ອັດລົງ,ມີຫວັງຈະຕົກລົງເອກກະສານໝາກຜົນຄືສັນຍາເຊບູ,ວາງກະຕິກາທີ່ກ່ຽວຂ້ອງໃຫ້ແກ່ການຮ່ວມມືລະຫວ່າງຊາດເພື່ອຕ້ານການກໍ່ການຮ້າຍໃນພາຍໜ້າ.
|
|
|
