|
ທ່ານລົງຢົງທູກ່າວວ່າລັດທິປົກປ້ອງການຄ້າກໍເໝືອນດັ່ງການຜິດກະຕິກາດ້ວຍເຈດຕະນາຮ້າຍໃນການແຂ່ງຂັນບານເຕະ
cri
ຕາມຂ່າວສານຊິນຮວາ,ໃນເວລາໃຫ້ສຳພາດຕໍ່ນັກຂ່າວ ໃນວັນທີ20ເມສາ,ທ່ານລົງຢົງທູ ເລຂາທິການໃຫຍ່ເວທີປາໄສອາຊີໂປອາວກ່າວວ່າ,ລັດທິປົກປ້ອງການຄ້າກໍເໝືອນດັ່ງການຜິດກະຕິກາດ້ວຍເຈດຕະນາຮ້າຍໃນການແຂ່ງຂັນບານເຕະ,ນີ້ແມ່ນຜິດປົກກະຕິ,ຕ້ອງແກ້ໄຂບັນຫາໂດຍຜ່ານຈາກການຕໍ່ວ່າຕໍ່ຂານຢ່າງເຄັ່ງຂຶມ.
ຄຽງຄູ່ກັບບໍລິມາດການຄ້າຂອງຈີນເພີ່ມຂຶ້ນ,ການວິວາດກັນດ້ານການຄ້າທີ່ແນໃສ່ຈີນກໍໄດ້ເພີ່ມຫຼາຍຂຶ້ນຢ່າງບໍ່ຢຸດຢັ້ງ.ພ້ອມກັນນັ້ນ,ລັດທິປົກປ້ອງການຄ້າສາກົນໄດ້ປະກົດມີທ່ວງທ່າທີ່ເງີຍຫົວຂຶ້ນຄືນໃໝ່.ເງົາມືດແຫ່ງການວິວາດກັນດ້ານການຄ້າແຜ່ນແພລະຫວ່າງຈີນອາເມລິກາແລະລະຫວ່າງຈີນສະຫະພາບເອີລົບໃນປີກາຍນີ້ຍັງບໍ່ທັນຫາຍໄປ,ປີນີ້,ບັນຫາອັນດຽວກັນໄດ້ປະກົດຕົວອີກໃນຂົງເຂດຜະລິດຕະພັນໂທລະພາບສີ,ເກີບ,ເຄື່ອງອາໄຫຼ່ແລະຊີກສ່ວນລົດຍົນເປົນຕົ້ນ,ອັນໄດ້ລົບກວນວິສາຫະກິດທີ່ກ່ຽວຂ້ອງຂອງຈີນຢ່າງຫຼວງຫຼາຍ.
ຕາມແນະນຳວ່າ,ກອງປະຊຸມປະຈຳປີຂອງເວທີປາໄສອາຊີໂປອາວຄັ້ງນີ້ທີ່ຈະຈັດຂຶ້ນໃນວັນທີ21ເມສາກໍຈະຫາລືການແກ້ໄຂບັນຫາວິວາດກັນດ້ານການຄ້າ.
|
|
