|
ຕາມຂ່າວCRI: ວັນທີ 20 ເມສາຢູ່ທີ່ປັກກິ່ງ, ທ່ານຫຼີວໂທ້ ຫົວໜ້າຫ້ອງການວຽກງານປ້ອງກັນແລະປົວແປງຂີ້ຊາຍຂອງກົມປ່າໄມ້ແຫ່ງຊາດຈີນກ່າວວ່າ, ລັດຖະບານຈີນຈະໃຊ້ມາດຕະການສັງລວມປ້ອງກັນແລະປົວແປງຂີ້ຊາຍປົວແປງສະພາບແວດລ້ອມຊີວະພາບດີໃຫ້ຂຶ້ນ.
ແຕ່ປີນີ້ມາ, ເຂດພາກເໜືອຈີນໄດ້ປະສົບອາກາດຂີ້ຝຸ່ນຂີ້ຊາຍໂດຍທົ່ວໄປ, ປັກກິ່ງຍັງໄດ້ປະສົບພາຍຸຂີ້ຊາຍຫຼາຍເທື່ອ. ໃນງານຊຸມນຸມນັກຂ່າວທີ່ກະຊວງການຕ່າງປະເທດຈີນຈັດຂຶ້ນສຳລັບເລື່ອງນີ້, ທ່ານຫຼີວໂທ້ກ່າວວ່າ, ລັດຖະບານຈີນຈະປ້ອງກັນແລະປົວແປງຂີ້ຊາຍຕາມກົດໝາຍ, ຫ້າມບໍ່ໃຫ້ປ້ຳໄມ້ທົວທີບ,ປ່ອຍລ້ຽງສັດທົ່ວທີບແລະຖາກຖາງທົ່ວທີບຢ່າງເຄັ່ງຄັດ, ຟື້ນຟູພົມພືດທຳມະຊາດ; ຈະເພີ່ມພົມພືດຕົ້ນໄມ້ຕົ້ນຫຍ້າຢູ່ເຂດທີ່ເໝາະແກ່ການປົວແປງ; ພ້ອມກັນນັ້ນ, ເຮັດໃຫ້ກົນໄກນະໂຍບາຍດີກວ່າເກົ່າ, ສ້າງສະຖານະພາບທີ່ທົ່ວປວງຊົນພ້ອມກັນປະຕິບັດໜ້າທີ່ປ້ອງກັນແລະປົວແປງຂີ້ຊາຍ.
|
