|
ສະບາຍດີ,ທ່ານຜູ້ຟັງທີ່ໂຄລົບ,ຊົມເຊີຍທ່ານຮັບຟັງລາຍການ"ຂົວອາກາດ".ຫວ່າງມໍ່ໆນີ້,ທ່ານສົມໄພ ວິໄລສັກທີ່ພາກວິຊາ ພາສາລາວ-ສື່ສານມວນຊົນ ຄະນະອັກສອນສາດ,ມະຫາວິທະຍາໄລແຫ່ງຊາດໄດ້ຝາກຈົນໝາຍມາຍັງພວກເຮົາ,ໃນຈົດໝາຍ,ທ່ານຂຽນວ່າ:ຂ້າພະເຈົ້າຊື່ສົມໄພ ວິໄລສັກ ທັງແມ່ນໜຶ່ງໃນສະມາຊິກເພື່ອນມິດຜູ້ຟັງໃນລາຍການວິທະຍຸສາກົນແຫ່ງປະເທດຈີນຂອງພວກທ່ານຜ່ານມາແລ້ວເປັນເວລາ11ປີ.ຂ້າພະເຈົ້າຄິດສະເໝີວ່າ,ພວກເຮົາຢູ່ແຜ່ນດິນຕິດຈອດກັນ,ຟັງຂ່າວຄາວເຊິ່ງກັນແລະກັນ ຟັງແລ້ວຄິດວ່າ ພວກເຮົາຢູ່ບໍ່ໃກ້ແລະບໍ່ໄກກັນປານໃດ.ດັ່ງຄຳບູຮານເພິ່ນວ່າ:"ຫົວໃຈຢູ່ໃກ້ແຕ່ກາຍນັ້ນພັດຢູ່ໄກ".ທຸກວັນນີ້ຂ້າພະເຈົ້າໄດ້ຍິນສຽງຂອງພວກທ່ານທາງລາຍການເປັນປະຈຳ ແລະ ຕິດຕາມອ່ານຂ່າວວາລະສານຈຳປາ(ຄຸນມິງ)ເຮັດໃຫ້ຂ້າພະເຈົ້າມີຄວາມຮູ້ຕໍ່ປະເທດຈີນຫຼາຍຂຶ້ນອີກ.
ໃນວາລະປີໃໝ່ລາວ,ຂ້າພະເຈົ້າໃນນາມສ່ວນຕົວແລະຄອບຄົວຂອງຂ້າພະເຈົ້າຂໍຝາກຄຳອວຍພອນ ມາຍັງທ່ານໃນພະແນກຂ່າວພາສາລາວ ໂດຍສະເພາະຝາກມາຍັງທຸກທ່ານໃນວິທະຍຸປັກກິ່ງສາກົນຂອງພວກທ່ານ ຈົ່ງມີແຕ່ຄວາມສຸກຄວາມຈະເລີນ,ປາຖະໜາສິ່ງໃດຂໍໃຫ້ໄດ້,ປີໃໝ່ຈົ່ງມີແຕ່ສຸຂະພາລະ ອາຍຸວັດທະນະ ຕະຫຼອດກາລະນານ - ປີໃໝ່ນີ້ແລະປີຕໍ່ໆໄປດ້ວຍ.
ຂອບໃຈທ່ານສົມໄພ ວິໄລສັກທີ່ເອົາໃຈໃສ່ແລະສະໜັບສະໜູນລາຍການຂອງພວກເຮົາ,ແລະຫວັງຢ່າງຈິງໃຈວ່າລາຍການຂອງພວກເຮົາຄົງມີຜົນດີຕໍ່ວຽກງານແລະຊີວິດການເປັນຢູ່ຂອງທ່ານ,ນະທີ່ນີ້,ພວກເຮົາຂໍມອບເພງມ່ວນໆເພງໜຶ່ງໃຫ້ທ່ານ,ເພງນີ້ຊື່ວ່າ"ເປີ່ນຜາວ",ແປວ່າ"ແລ່ນ",ໃນປີໃໝ່ນີ້ຂໍໃຫ້ທ່ານຈົ່ງມີຊີວິດອັນສຸກສັນ,ພ້ອມກັນນັ້ນ,ພວກເຮົາກໍ່ອວຍພອນໃຫ້ເພື່ອນມິດທຸກຄົນທີ່ຕິດຕາມລາຍການຂອງພວກເຮົາຕະຫຼອດມາຄືທ່ານສົມໄພ ວິໄລສັກຈົ່ງປະສົບແຕ່ຄວາມຢ່າງສະດວກແລະຜົນສຳເລັດໃນວຽກງານແລະຄອບຄົວມີຄວາມສຸກໃນຕະຫຼອດປີໃໝ່.
|
