|
ປະທານສະມາຄົມຊຸກຍູ້ການໂຮມຈີນເຂົ້າເປັນເອກະພາບກັນໂດຍສັນຕິຂອງໄທຕີລາຄາຢ່າງຕັ້ງໜ້າຕໍ່ຂໍ້ສະເໜີ4ຂໍ້ຂອງທ່ານປະທານຫູຈິນທາວກ່ຽວກັບການຂະຫຍາຍການພົວພັນລະຫວ່າງສອງຝັ່ງ
cri
ຕາມຂ່າວCRI,ວັນທີ21ເມສາ,ທ່ານວາງຈື້ມິນ ປະທານສະມາຄົມຊຸກຍູ້ການໂຮມຈີນເຂົ້າເປັນເອກະພາບກັນໂດຍສັນຕິຂອງໄທໄດ້ຕີລາຄາຢ່າງຕັ້ງໜ້າຕໍ່ຂໍ້ສະເໜີ4ຂໍ້ກ່ຽວກັບການຊຸກຍູ້ການພົວພັນລະຫວ່າງສອງຝັ່ງຊ່ອງແຄບໄຕ້ຫວັນໃຫ້ຂະຫຍາຍຕົວໂດຍສັນຕິທີ່ທ່ານຫູຈິນທາວປະທານປະເທດຈີນສະເໜີອອກມາໃນຫວ່າງມໍ່ໆນີ້.
ມື້ດຽວກັນ,ຢູ່ທີ່ບາງກອກ,ທ່ານວາງຈືມິນໄດ້ເວົ້າຕໍ່ສື່ມວນຊົນວ່າ,ໃນເວລາພົບປະທ່ານລຽນຈ້ານ ປະທານກິຕິມະສັກພັກກົກມິນຕັງຈີນຢູ່ທີ່ປັກກິ່ງໃນວັນທີ16ເມສານີ້,ທ່ານປະທານຫູຈິນທາວໄດ້ວາງຂໍ້ສະເໜີ4ຂໍ້,ອັນໄດ້ສະແດງໃຫ້ເຫັນອີກເທື່ອໜຶ່ງເຖິງຄວາມເອົາໃຈໃສ່ຢ່າງຫຼວງຫຼາຍແລະນະໂຍບາຍສະເໝີຕົ້ນສະເໝີປາຍຂອງລັດຖະບານຈີນທີ່ມີຕໍ່ການໂຮມສອງຝັ່ງເປັນເອກະພາບກັນໂດຍສັນຕິ.
ທ່ານເຫັນວ່າ,ເວທີປາໄສເສດຖະກິດການຄ້າລະຫວ່າງສອງຝັ່ງໄດ້ສິ້ນສຸດລົງຢ່າງຈົບງາມແລະມາດຕະການສຳຄັນ15ລາຍທີ່ລັດຖະບານຈີນປະກາດນັ້ນໄດ້ສະແດງໃຫ້ເຫັນວ່າ,ເວລາໃດ,ລັດຖະບານຈີນກໍໄດ້ພິຈາລະນາເຖິງພີ່ນ້ອງຮ່ວມຊາດໄຕ້ຫວັນ,ໄດ້ວາງຜົນປະໂຫຍດສູງສຸດຂອງພວກເຂົາເຈົ້າໄວ້ຢູ່ໃນຖານະອັນດັບໜຶ່ງ.
|
|
