|
ການສຳຫຼວດປະຊາມະຕິພາຍໃນເກາະໄຕ້ຫວັນສະແດງໃຫ້ເຫັນວ່າ,ເວທີປາໄສເສດຖະກິດການຄ້າສອງຝັ່ງໄດ້ຮັບການຢືນຢັນ
cri
ຕາມຂ່າວສານຊິນຮວາ,ຜົນການສຳຫຼວດປະຊາມະຕິສະບັບຫຼ້າສຸດທີ່ສື່ມວນຊົນໄຕ້ຫວັນປະກາດໃນວັນທີ21ເມສາສະແດງໃຫ້ເຫັນວ່າ,ມວນຊົນໄຕຫ້ວັນສ່ວນຫຼາຍໄດ້ຢືນຢັນໝາກຜົນຂອງເວທີປາໄສເສດຖະກິດການຄ້າສອງຝັ່ງ,ເຫັນວ່າ,.ນີ້ແມ່ນເລື່ອງດີສຳລັບການພັດທະນາເສດຖະກິດຂອງໄຕ້ຫວັນ.
ບົດລາຍງານການສຳຫຼວດວິເຄາະແລ້ວຊີ້ອອກວ່າ,ມວນຊົນພາຍໃນເກາະໄຕ້ຫວັນສ່ວນຫຼາຍເຫັນວ່າ,ອາທິດແລ້ວນີ້,ທ່ານຫູຈິນທາວ ເລຂາທິການໃຫຍ່ສູນກາງພັກກອມມູນິດຈີນແລະທ່ານລຽນຈ້ານ ປະທານກິຕິມະສັກພັກກົກມິນຕັງຈີນພົບປະເປັນເທື່ອທີສອງພ້ອມດ້ວຍຝ່າຍແຜ່ນດິນໃຫຍ່ປະກາດນະໂຍບາຍ15ລ້າຍທີ່ມີຜົນດີຕໍ່ໄຕ້ຫວັນນັ້ນໄດ້ສ່ອງແສງໃຫ້ເຫັນເຈດຕະນາດີຂອງແຜ່ນດິນໃຫຍ່,ເຈົ້າໜ້າທີ່ໄຕ້ຫວັນຄວນທຳປະຕິກິລິຍາທີ່ມີເຈດຕະນາດີເຊັ່ນດຽວກັນ.ນອກນີ້,ຜູ່ຖືກສຳຫຼວດສ່ວນຫຼາຍຍັງເຫັນວ່າ,ການສ້າງການພົວພັນໄປມາຫາສູ່ກັນດ້ານເສດຖະກິດອັນດີງາມກັບແຜ່ນດິນໃຫຍ່ນັ້ນແມ່ນມີຜົນດີຕໍ່ເສດຖະກິດໄຕ້ຫວັນ,ແລະກໍແມ່ນທິດ ທີ່ໄຕ້ຫວັນຄວນພະຍາຍາມໃນໄລຍະປັດຈຸບັນ.
|
|
