|
ຕາມຂ່າວCRI: ວັນທີ 21 ເມສາ ຢູ່ທີ່ເຊີແນວ, ອົງການການຄ້າໂລກໄດ້ສິ້ນສຸດການສຳຫຼວດພິຈາລະນານະໂຍບາຍການຄ້າຂອງຈີນຄັ້ງທຳອິດ. ທ່ານເອກອັກຄະລັດຖະທູດໂກລົມບີ ປະທານກອງປະຊຸມສຳຫຼວດພິຈາລະນາໄດ້ສະຫຼຸບໂດຍຊີ້ອອກວ່າ, ແຕ່ຈີນເຂົ້າເປັນສະມາຊິກອົງການການຄ້າໂລກ 4 ປີປາຍມານີ້, ໄດ້ປະກອບສ່ວນອັນສຳຄັນເຂົ້າໃນການພັດທະນາເສດຖະກິດແລະການຄ້າຂອງໂລກ.
ຂ່າວແຈ້ງອີກວ່າ, ໃນການສຳຫຼວດພິຈາລະນາເທື່ອນີ້, ຄະນະຜູ່ແທນຈີນໄດ້ຕັ້ງໜ້າຮັບຟັງການຕີລາຄາຂອງບັນດາສະມາຊິກອົງການການຄ້າໂລກທີ່ມີຕໍ່ໂຄງປະກອບ ນະໂຍບາຍແລະມາດຕະການອັນລະອຽດດ້ານເສດຖະກິດການຄ້າຂອງຈີນ, ແລະໄດ້ໃຫ້ຄຳຕອບທາງລາຍລັກອັກສອນໂດຍແບ່ງເປັນສອງເທື່ອຕໍ່ 500 ກວ່າບັນຫາໃນຂົງເຂດເສດຖະກິດການຄ້າຂອງຈີນເປັນຕົ້ນທີ່ບັນດາສະມາຊິກສະເໜີອອກມາ.
ທ່ານອີ້ສຽວເຈິນ ຫົວໜ້າຄະນະຜູ່ແທນ ຮອງລັດຖະມົນຕີກະຊວງການຄ້າຈີນກ່າວວ່າ, ການສຳຫຼວດພິຈາລະນາເທື່ອນີ້ ໄດ້ເສີມຂະຫຍາຍບົດບາດອັນຕັ້ງໜ້າຕໍ່ບັນດາສະມາຊິກເພີ່ມຄວາມເຂົ້າໃຈຕໍ່ໂຄງປະກອບເສດຖະກິດການຄ້າຂອງຈີນ.
|
