ຕາມ​ຂ່າວສານ​ຊິນ​ຮວາ: ວັນ​ທີ 21 ​ເມສາ ​ເຈົ້າໜ້າ​ທີ່​ຜູ່​ໜຶ່ງ​ທີ່​ສັງກັດພັກ​ການ​ເມືອງ​ນິ​ກາຍ​ຊີ​ອິດຂອງ​ອີຣັກ​ໄດ້​ໃຫ້​ສຳພາດ​ຕໍ່​ສື່​ມວນ​ຊົນ​ວ່າ, ບັນດາພັກ​ຝ່າຍ​ການ​ເມືອງ​ຂອງ​ອີ​ຣັກ​ໄດ້​ກ້າວ​ເຖິງ​ຂັ້ນມີ​ຄວາມ​ເຫັນ​ເປັນ​ເອກະສັນ​​ກັນ​ ​ກ່ຽວ​ກັບ​ຜູ່​ສະໝັກ​ຮັບ​ເລືອກ​ຕັ້ງ​ຕຳ​ແໜ່ງ​ສຳຄັນຕ່າງໆ ​ເຊັ່ນ ປະທານາທິບໍດີ​ແລະ​ປະທານ​ລັດຖະສະພາ​ເປັນຕົ້ນ. ​ຄື ​ສະ​ເໜີ​ໃຫ້​ທ່ານ​ທາລາ​ບາ​ນີ ປະທານາທິບໍດີ​ຊຸດ​ປັດຈຸບັນ​ແລະ​ເປັນຊາວ​ເຄີ​ດດຳລົງ​ຕຳ​ແໜ່​ງປະ​ທາ​ນາ​ທິ​ບໍດີ​ອີກ​ຊຸດ​ໜຶ່ງ, ສະ​ເໜີ​ໃຫ້​ທ່ານ​ຮາ​ເຊ​ມີ ​ທີ່​ສັງກັດ​ນິກາຍ​ຊຸນ​ນິດ​ແລະ​ທ່ານ​ມາ​ເຮີ​ດີ​ທີ່​ສັງ​ກັດ​ນິ​ກາຍ​ຊີ​ອິດ​​ເປັນ​ຮອງ​ປະທານາທິບໍດີ. ນອກນີ້, ທ່ານ​ມາສຮາ​ດາ​ນີທີ່​ສັງ​ກັດ​ນິ​ກາຍ​ຊຸນ​ນິດ​ຈະ​ເປັນ​ຜູ່​ສະໝັກຮັບ​ເລືອກ​ຕັ້ງປະທານ​ລັດຖະສະພາ.

​ແຕ່​ພ້ອມ​ກັນນັ້ນ ​ເຈົ້າໜ້າ​ທີ່​ຜູ່​ນີ້​ກໍ່​ກ່າວ​ເນັ້ນວ່າ, ການສະ​ເໜີ​ຊື່​​ເຫຼົ່ານີ້​ຍັງ​ຕ້ອງ​ໄດ້​ຮັບ​ການ​ອະນຸມັດ​ຈາກ​ກອງ​ປະຊຸມ​ລັດຖະສະພາ​ອີຣັກທີ່​ຈະ​ໄຂ​ຂຶ້ນ​ໃນ​ວັນ​ທີ 22 ​ເມສາ.

ນອກ​ນີ້​ຂ່າວ​ແຈ້ງວ່າ, ຕອນ​ເຊົ້າວັນ​ທີ 21 ​ເມສາ, ສະຫະພັນ​ພັກ​ການ​ເມືອງ​ນິກາຍ​ຊີ​ອິດ​ອີ​ຣັກ​ໄດ້​ຕົກລົງ​ສະ​ເໜີ​ທ່ານ​ມາລີ​ກີ​ເປັນ​ຜູ່​ສະໝັກ​ຮັບ​ເລືອກ​ຕັ້ງນາຍົກລັດຖະມົນ​ຕີ​ຜູ່​ໃໝ່ ​ເພື່ອ​ເຂົ້າ​ແທນ​ທ່ານ​ຈາ​ຟາ​ຣີ.