|
ຕາມຂ່າວCRI: ວັນທີ 21 ເມສາ, ທ່ານຫູຈີທ່າວ ປະທານປະເທດຈີນໄດ້ກ່າວປາຖະກະຖາຢູ່ມະຫາວິທະຍາໄລເຢວສ໌ອາເມລິກາ, ໄດ້ແນະນຳຍຸດທະສາດພັດທະນາແລະທິດທາງກ້າວຂຶ້ນຂອງຈີນໃນສະໄໝປັດຈຸບັນຈາກແງ່ການປ່ຽນແປງປະຫວັດສາດແລະການພັດທະນາຕົວຈິງຂອງອາລະຍະທຳຈີນ.
ທ່ານຫູຈີນທ່າວກ່າວວ່າ, ປະຊາຊາດຈີນໄດ້ມີມູນເຊື້ອອາລະຍະທຳທີ່ມີເອກະລັກພິເສດໃນການພັດທະນາປະຫວັດສາດອັນຍາວນານ. ໃນຈີນປັດຈຸບັນເນັ້ນໜັກການທີ່ຖືຄົນເປັນກົກ ກ້າວໄປໜ້າຕາມຍຸກສະໄໝ ໃຫ້ສັງຄົມກົມກຽວກັນແລະພັດທະນາໂດຍສັນຕິ, ທັງມີຮາກຖານອັນເລິກເຊິ່ງຂອງອາລະຍະທຳຈີນ, ຍັງໄດ້ສະແດງໃຫ້ເຫັນນ້ຳໃຈກ້າວໜ້າຂອງການພັດທະນາຍຸກສະໄໝ.
ທ່ານຫູຈີນທ່າວກ່າວເນັ້ນວ່າ, ຈີນອາເມລິກາມີຄວາມແຕກຕ່າງກັນຍ້ອນມີເບື້ອງຫຼັງປະຫວັດສາດແລະສະພາບແຫ່ງຊາດຕົວຈິງທີ່ຕ່າງກັນ, ທັງນີ້ມີຜົນດີຕໍ່ສອງຝ່າຍຖືເປັນແວ່ນແຍງຂອງກັນແລະເອົາຈຸດດີຕາບຈຸດອ່ອນ. ຈີນອາເມລິກາເພີ່ມທະວີການຮ່ວມມືນັ້ນສອດຄ່ອງກັບຜົນປະໂຫຍດກົກຮາກຂອງສອງຊາດແລະປະຊາຊົນສອງປະເທດ, ກໍມີຜົນສະທ້ອນອັນໃຫຍ່ຫຼວງຕໍ່ສັນຕິພາບແລະການພັດທະນາຂອງໂລກອີກດ້ວຍ.
ທ່ານຫູຈີນທ່າວຊີ້ອອກວ່າ, ຄວາມແຕກຕ່າງກັນດ້ານຮູບຖານຈິດສຳນຶກ ລະບອບສັງຄົມແລະເບົ້າແບບພັດທະນາບໍ່ຄວນເປັນສິ່ງຂີດຂວາງການແລກປ່ຽນອາລະຍະທຳຂອງມວນມະນຸດ, ຄວນຕັ້ງໜ້າຮັກສາລັກສະນະຫຼາຍຢ່າງຫຼາຍແນວຂອງໂລກ, ຊຸກຍູ້ໃຫ້ອາລະຍະທຳຕ່າງກັນນັ້ນສົນທະນາແລະເຊື່ອມໂຍງເຂົ້າກັນ, ເຮັດໃຫ້ມະນຸດປອງດອງກັນແລະມີຄວາມສຸກຫຼາຍກວ່າເກົ່າ.
ວັນທີ 21 ເມສາ, ທ່ານປະທານຫູຈິນທ່າວໄດ້ສິ້ນສຸດການຢ້ຽມຢາມທາງລັດຖະກິດຕໍ່ອາເມລິກາ, ແລ້ວຂີ່ຍົນພິເສດເດີນທາງໄປຢ້ຽມຢາມອາລາບີຊາອູດິດສືບຕໍ່ການຢ້ຽມຢາມ. ຫຼັງຈາກນັ້ນ, ທ່ານຍັງຈະໄປຢ້ຽມຢາມມາລົກ ນີເຊເລຍແລະເກນຢາ.
|
