|
ຕາມຂ່າວCRI: ວັນທີ 22 ເມສາໃນເວລາພົບປະທ່ານຢູຊຸຟ ຄາລລາ ຮອງປະທານາທິບໍດີອິນໂດເນເຊຍທີ່ມາເຂົ້າຮ່ວມກອງປະຊຸມປະຈຳປີ2006ຂອງເວທີປາໄສອາຊີໂປອໍ,ທ່ານເຈີງຊິງຫົງ ຮອງປະທານປະເທດຈີນກ່າວວ່າ,ປີກາຍນີ້, ຈີນກັບອິນໂດເນເຊຍໄດ້ປະກາດສ້າງການພົວພັນຄູ່ຂາຍຸດທະສາດ,ອັນໄດ້ຍົກການພົວພັນລະຫວ່າງສອງຝ່າຍສູງຂຶ້ນຮອດຄວາມສູງໃໝ່ໃນປະຫວັດສາດ.ສອງປະເທດໄດ້ເຂົ້າໃຈແລະສະໜັບສະໜູນເຊິ່ງກັນແລະກັນໃນບັນຫາສຳຄັນທີ່vພົວພັນເຖິງອະທິປະໄຕແຫ່ງຊາດແລະຜືນແຜ່ນດິນອັນຄົບຖ້ວນ, ແລະໄດ້ດຳເນີນການຮ່ວມມືຢ່າງກວ້າງຂວາງແລະບັງເກີດຜົນໃນຂົງເຂດເສດຖະກິດການຄ້າເປັນຕົ້ນ. ທ່ານເຈີງຊິງຫົງກ່າວວ່າ,ຈີນຍິນດີພ້ອມກັນກັບອິນໂດເນເຊຍ, ເລັ່ງລັດວາງແຜນການເຄື່ອນໄຫວການພົວພັນຄູ່ຂາຍຸດທະສາດລະຫວ່າງສອງປະເທດ,ຊຸກຍູ້ການແລກປ່ຽນແລະຮ່ວມມືໃນທຸກຂົງເຂດເຊິ່ງລວມທັງພະລັງງານນັ້ນຢ່າງແຂງແຮງ.
ທ່ານຢູຊຸຟ ຄາລລາ ກ່າວວ່າ, ອິນໂດເນເຊຍແລະຈີນພວມສຸມກຳລັງເພື່ອເປີດກວ້າງມູນຄ່າການຄ້າສອງຝ່າຍ, ເພີ່ມທະວີການຮ່ວມມືໃນຂົງເຂດພື້ນຖານໂຄງລ່າງ,ຫວັງໃຫ້ການຮ່ວມມືແບບນີ້ຈົ່ງເສີມຂະຫຍາຍບົດບາດອັນຕັ້ງໜ້າຕໍ່ການຊຸກຍູ້ການພົວພັນລະຫວ່າງສອງປະເທດໃຫ້ຂະຫຍາຍຕົວຕື່ມອີກ.
|
