|
|
 |
| (GMT+08:00)
2006-04-22 18:09:54
|
 |
|
ສື່ມວນຊົນຝຣັ່ງແລະການາດາຕີລາຄາການຢ້ຽມຢາມອາເມລິກາຂອງທ່ານຫູຈິນທ່າວໃນລະດັບສູງ
cri
Author: shuo
ຕາມຂ່າວສານຊິນຮວາ:ຫວ່າງມໍ່ໆນີ້,ສື່ມວນຊົນຂອງຝຣັ່ງແລະການາດາໄດ້ທະຍອຍກັນລາຍງານການຢ້ຽມຢາມອາເມລິກາຂອງທ່ານຫູຈິນທ່າວ ປະທານປະເທດຈີນ,ແລະໄດ້ຕີລາຄາໃນລະດັບສູງ.
ໜັງສືພິມນູແວນເດີຣົບຂອງຝຣັ່ງສະບັບວັນທີ21ເມສາໄດ້ພິມບົດຄວາມຂອງນັກວິຈານໂດຍຂຽນວ່າ,ການຢ້ຽມຢາມຂອງທ່ານຫູຈິນທ່າວໄດ້ສະແດງອີກເທື່ອໜຶ່ງໃຫ້ເຫັນໂສມໜ້າຂອງປະເທດໃຫຍ່ທີ່ຮັບຜິດຊອບຕໍ່ໜ້າປະຊາຊົນອາເມລິກາ,ລັກສະນະທ່າທາງອັນເປີດເຜີຍຂອງທ່ານຫູຈິນທ່າວໄດ້ສ່ອງແສງໃຫ້ເຫັນໂສມໜ້າຂອງຈີນທີ່ນັບມື້ນັບໄຂປະຕູສູ່ພາຍນອກແລະວາດຊົງການຕ່າງປະເທດທີ່ຄ່ອງແຄ້ວ ບໍ່ຕາຍຕົວ.ບົດຄວາມຂຽນວ່າ,ປະເທດໃດໆທີ່ຮັບຜິດຊອບລ້ວນແຕ່ບໍ່ຫ່ອນຊິອະນຸຍາດໃຫ້ຜືນແຜ່ນດິນຂອງຕົນຖືກຕັດແຍກອອກ.ທ່າທີຕໍ່ບັນຫາໄຕ້ຫວັນຂອງທ່ານຫູຈິນທ່າວໃນເວລາພົບປະທ່ານບຸສ ປະທານາທິບໍດີອາເມລິການັ້ນແມ່ນພຽງພໍທີ່ເຮັດໃຫ້ຄົນອາເມລິກາໄປຊາບຊຶມເຂົ້າໃຈຕໍ່ອີກດ້ານໜຶ່ງຂອງປະເທດໃຫຍ່ທີ່ຮັບຜິດຊອບ.
ວັນທີ19ເມສາ,ໜັງສືພິມຊ້ຽນໄຕ້ຢຶ້ປ້າວ ເຊິ່ງເປັນໜັງສືພິມລາຍວັນສະບັບພາສາຈີນຂອງການາດາແລະສະຖານີໂທລະພາບການາດາກໍໄດ້ລົງເລິກລາຍງານການຢ້ຽມຢາມອາເມລິກາຂອງທ່ານຫູຈິນທ່າວເທື່ອນີ້.
|
|
|
