|
ຕາມຂ່າວສານຊິນຮວາ: ວັນທີ 23 ເມສາ ໃນກອງປະຊຸມປະຈຳປີ 2006 ຂອງເວທີປາໄສອາຊີໂປອາວ, ທ່ານສະເຕແຟນ ໂຣເຊ ນັກເສດຖະສາດຜູ່ທີໜຶ່ງຂອງບໍລິສັດໂມເກນ ສະຕານໄລ ເຊິ່ງແມ່ນທະນາຄານລົງທຶນໃຫຍ່ທີສອງຖະໜົນວອນກ່າວວ່າ, ຈີນພວມເລັ່ງລັດຊຸກຍູ້ການປ່ຽນແປງຮູບການເຕີບໂຕເສດຖະກິດ ນີ້ຈະຮັບປະກັນການພັດທະນາອັນໝັ້ນທ່ຽງແລະສະໝ່ຳສະເໝີຂອງເສດຖະກິດຈີນຕື່ມອີກ, ແລະມີຜົນສະທ້ອນອັນເລິກເຊິ່ງຍາວໄກຕໍ່ເສດຖະກິດທົ່ວໂລກ.
ໃນແຜນກຳນົດພັດທະນາເສດຖະກິດແຫ່ງຊາດແລະສັງຄົມໃນ 5 ປີຂ້າງໜ້າ, ລັດຖະບານຈີນໄດ້ສະເໜີວ່າ ຈະປ່ຽນເບົ້າແບບການເຕີບໂຕເສດຖະກິດເຊິ່ງຖືການສົ່ງອອກແລະການລົງທຶນເປັນການນຳທາງມາເປັນການເຕີບໂຕທີ່ຖືການບໍລິໂພກເປັນການນຳທາງ. ທ່ານໂຣເຊເຫັນວ່າ, ມາດຕະການຊັກນຳການບໍລິໂພກຂອງຈີນຈະເພີ່ມຄວາມຕ້ອງການນຳເຂົ້າ, ນີ້ຈະສະໜອງການສະໜັບສະໜູນດ້ານການພັດທະນາໃຫ້ແກ່ຄູ່ຂາການຄ້າສຳຄັນໃນອາຊີ ເຊັ່ນ ຍີ່ປຸ່ນແລະສາທາລະນະລັດເກົາຫຼີເປັນຕົ້ນ, ແລະຈະຜ່ອນຄາຍການພົວພັນອັນເຄັ່ງຕຶງກັບອາເມລິກາແລະສະຫະພາບເອີລົບໃນດ້ານເງິນຕາແລະການຄ້າ. ຄວາມຕ້ອງການດ້ານການບໍລິໂພກຂອງຈີນຈະເພີ່ມຂຶ້ນຢ່າງວ່ອງໄວ, ເວົ້າສຳລັບເສດຖະກິດທົ່ວໂລກແລ້ວ ນີ້ອາດຈະແມ່ນໜຶ່ງໃນໂອກາດການພັດທະນາໃຫຍ່ກວ່າໝູ່.
|
