|
ໃນການປະຕິຮູບຂອງຂະແໜງການທະນາຄານ, ຈີນຖືໜັກການຮຽນບົດຖອດຖອນກ້າວໜ້າຂອງທະນາຄານຕ່າງປະເທດທີ່ພັດທະນາ
cri
Author: min
ຕາມຂ່າວສານຊິນຮວາ: ວັນທີ 22 ເມສາ, ທ່ານຈຽງຕິ້ງຈື່ ຮອງປະທານຄະນະກຳມະການຕິດຕາມຄຸ້ມຄອງການທະນາຄານຈີນເວົ້າວ່າ, ຈຸດພິເສດຈຸດໜຶ່ງຂອງການປະຕິຮູບແລະຈັດຕັ້ງຄືນໃໝ່ຂອງທະນາຄານຈີນແມ່ນນຳເຂົ້າຜູ້ລົງທຶນຍຸດທະສາດຂອງພາຍໃນປະເທດແລະຕ່າງປະເທດຢ່າງກ້າຫານ, ຖອດຖອນແລະນຳເຂົ້າທັດສະນະຄະຕິບໍລິການແລະລະບອບຄຸ້ມຄອງອັນກ້າວໜ້າຂອງທະນາຄານຕ່າງປະເທດທີ່ພັດທະນາ.
ແຕ່ປີ 2003 ເປັນຕົ້ນມາ, ຈີນເລີ່ມປະຕິຮູບທະນາຄານການຄ້າລະບອບຫຸ້ນສ່ວນທີ່ລັດຄວບຄຸມ, ປະຈຸບັນ, 4 ທະນາຄານການຄ້າໃຫຍ່ຂອງລັດໄດ້ມີ 3 ທະນາຄານໄດ້ສຳເລັດການປະຕິຮູບເປັນລະບອບຫຸ້ນສ່ວນແລ້ວ. ໃນກອງປະຊຸມເວທີປາໄສໂປອາວທີ່ຈັດຂຶ້ນຢູ່ແຂວງໄຫຫຼໍາຈີນ, ທ່ານຈຽງຕິ້ງຈື່ເວົ້າວ່າ, ການນຳເຂົ້າຜູ້ລົງທຶນຍຸດທະສາດສາມາດປ່ຽນແປງອົງປະກອບສິດຊັບສິນທະນາຄານການຄ້າແຫ່ງລັດຈີນມີແຕ່ທຶນຂອງລັດຈາກກົກຮາກ, ບັນລຸການຫັນອົງປະກອບສິດຫຸ້ນສ່ວນມີຫຼາຍເຄົ້າ, ຍົກສູງຄວາມສາມາດແຂ່ງຂັນແກນກາງຂອງທະນາຄານຈີນຢ່າງວ່ອງໄວ.
|
|
