|
ຕາມຂ່າວສານຊິນຮວາ: ວັນທີ 23 ເມສາ ນັກຂ່າວໄດ້ຊາບຈາກງານວາງສະແດງໝາກຜົນການປ້ອງກັນສິດຊັບສິນທາງປັນຍາຂອງຈີນທີ່ພວມຈັດຂຶ້ນຢູ່ທີ່ປັກກິ່ງວ່າ, ໃນປະເທດສະມາຊິກສະຫະພັນປົກປັກຮັກສາພັນພືດຊະນິດໃໝ່ສາກົນ, ປະລິມານສິດພັນພືດທີ່ຈີນຮ້ອງຂໍຕໍ່ປີນັ້ນໄດ້ຂຶ້ນເປັນທີ 4 ຂອງໂລກ ເຊິ່ງຖັດຈາກຝຣັ່ງ ຍີ່ປຸ່ນແລະເຢຍລະມັນ.
ເຈົ້າໜ້າທີ່ທີ່ກ່ຽວຂ້ອງຂອງກະຊວງກະສິກຳຈີນແນະນຳວ່າ, ພາຍຫຼັງໄດ້ເຂົ້າຮ່ວມ "ສົນທິສັນຍາປົກປັກຮັກສາສິດພັນພືດຊະນິດໃໝ່ສາກົນ" ຢ່າງເປັນທາງການໃນວັນທີ 23 ເມສາປີ 1999 ເປັນຕົ້ນມາ, ຈີນຕັ້ງໜ້າຖອດຖອນບົດຮຽນດ້ານເຕັກນິກກວດພັນພືດຊະນິດໃໝ່ສາກົນ, ເພີ່ມທະວີການປະຕິບັດກົດໝາຍໃນການບໍລິຫານ, ໄດ້ກວດກາຊຳລະ 100 ກວ່າຄະດີທີ່ລ່ວງລ້ຳແລະປອມເປັນພັນພືດທີ່ໄດ້ຮັບການມອບສິດ, ອັນໄດ້ປົກປັກຮັກສາສິດແລະຜົນປະໂຫຍດອັນຊອບກົດໝາຍຂອງຜູ່ມີສິດພັນພືດຢ່າງບັງເກີດຜົນ.
ຕາມແນະນຳວ່າ, ປັດຈຸບັນ ຜ່ບົ່ມູເພາະພັນພືດຂອງປະເທດອື່ນມີຄວາມໝັ້ນໃຈຫຼາຍຍິ່ງຂຶ້ນຕໍ່ການປົກປັກຮັກສາສິດພັນພືດຊະນິດໃໝ່ຂອງຈີນ, ປີ 2005, ຜ່ບົ່ມູເພາະພັນພືດຕ່າງປະເທດຮ້ອງຂໍສິດພັນພືດຊະນິດໃໝ່ຢູ່ຈີນມີເຖິງ 77 ລາຍ, ລື່ນກາຍຍອດປະລິມານຂອງ 5 ປີຜ່ານມາ.
|
