|
|
 |
| (GMT+08:00)
2006-04-23 18:32:51
|
 |
|
ສະພາແຫ່ງຊາດອີຣັກໄດ້ເລືອກຕັ້ງຜູ່ນຳຜູ່ໃໝ່ແຫ່ງລັດ
cri
ຕາມຂ່າວCRI: ວັນທີ 22 ເມສາ, ສະພາແຫ່ງຊາດອີຣັກໄດ້ປະຊຸມກັນຕົກລົງຜູ່ນຳຕົ້ນຕໍແຫ່ງລັດ, ໄດ້ຢ່ວງບາດກ້າວຂໍກະແຈກ້າວໜຶ່ງໃນການສຳເລັດການປະກອບລັດຖະບານສາມັກຄີຊາດ. ທ່ານຈາລາ ທາລາປານີ ປະທານາທິບໍດີຊຸດປັດຈຸບັນຂອງອີຣັກໄດ້ດຳລົງຕຳແໜ່ງຕໍ່ໄປອີກວາລະໜຶ່ງ, ທ່ານໄດ້ແຕ່ງຕັ້ງທ່ານ ຈາວາດ ໂອ-ມາລີກີ ບຸກຄົນນິກາຍຊີອິດເປັນນາຍົກລັດຖະມົນຕີຜູ່ໃໝ່, ແລະໄດ້ຣັບການອະນຸມັດຂອງສະພາແຫ່ງຊາດ. ຕາມກົດໝາຍອີຣັກ, ທ່ານໂອ-ມາລີກີຕ້ອງສຳເລັດການປະກອບຄະນະລັດຖະບານໃນ30ວັນແລະສະເໜີລາຍຊື່ໃຫ້ຮັບຮອງໃນສະພາແຫ່ງຊາດ. ວັນທີ20ສະພາແຫ່ງຊາດອີຣັກຍັງໄດ້ເລືອກຕັ້ງທ່ານມາມຸດ ໂອ-ມາສ໌ຮາດານີ ເຈົ້າໜ້າທີ່ນິກາຍຊຸນເປັນປະທານສະພາ.
ວັນທີ 22 ເມສາ,ທ່ານນາງໄລສ໌ ລັດຖະມົນຕີການຕ່າງປະເທດອາເມລິກາຊົມເຊີຍອີຣັກໄດ້ເລືອກຕັ້ງຜູ່ນຳໃໝ່ແລະແຕ່ງຕັ້ງນາຍົກລັດຖະມົນຕີຜູ່ໃໝ່, ກ່າວວ່ານີ້ແມ່ນ"ຫຼັກໝາຍທາງສຳຄັນ"ອັນໜຶ່ງໃນຂະບວນການປະກອບສ້າງລັດຖະບານສາມັກຄີຊາດອີຣັກ. ມື້ດຽວກັນ, ທ່ານແມັກເລເລັນ ໂຄສົກທຳນຽບຂາວອາເມລິກາກໍ່ກ່າວສະແດງວ່າ, ປະທານາທິບໍດີບຸສຮູ້ສຶກລະດົມໃຈຢ່າງເລິກເຊິ່ງຕໍ່ຄວາມຄືບໜ້າທີ່ປະຊາຊົນອີຣັກຍາດມາໄດ້ໃນຂະບວນວິວັດປະຊາທິປະໄຕ.
ບຸກຄົນວິເຄາະຊີ້ອອກວ່າ, ຜູ່ດຳລົງຕຳແໜ່ງປະທານາທິບໍດີແລະນາຍົກລັດຖະມົນຕີເປັນຕົ້ນໄດ້ມີການຕົກລົງນັ້ນເປັນຂີດໝາຍສະແດງໃຫ້ເຫັນວ່າສະພາບແຂງກະດ້າງຂອງການປະກອບລັດຖະບານໃໝ່ທີ່ແກ່ຍາວມາ4ເດືອນນັ້ນໄດ້ຮັບການການແກ້ໄຂໃຫ້ຕົກແລ້ວ.
|
|
|
