|
ຂ່າວສານຊິນຮວາປະກາດບົດຄວາມລົງນາມກ່າວເນັ້ນຄວາມໝາຍສຳຄັນແຫ່ງການພັດທະນາຂອງການພົວພັນສອງຝັ່ງໂດຍສັນຕິ
cri
Author: min
ຕາມຂ່າວສານຊິນຮວາ: ວັນທີ 23 ເມສາ, ຂ່າວສານຊິນຮວາ ເຊິ່ງເປັນຂ່າວສານແຫ່ງລັດຈີນໄດ້ປະກາດບົດຄວາມລົງນາມ, ກ່າວເນັ້ນຄວາມໝາຍອັນສຳຄັນແຫ່ງການພັດທະນາການພົວພັນສອງຝັ່ງໂດຍສັນຕິ.
ບົດຄວາມຂຽນວ່າ, ຕອນເຊົ້າວັນທີ 16 ເມສາ, ໃນເວລາພົບປະທ່ານລຽນຈ້ານ ປະທານກິຕິມະສັກພັກກົກມິນຕັງຈີນແລະບຸກຄົນວົງການຕ່າງໆຂອງໄຕ້ຫວັນທີ່ມາເຂົ້າຮ່ວມເວທີປາໄສເສດຖະກິດການຄ້າສອງຝັ່ງ, ທ່ານຫູຈີນທາວເລຂາທິການໃຫຍ່ສູນກາງພັກກອມມູນິດຈີນໄດ້ກ່າວຄຳປາໄສ, ສະເໜີຂໍ້ສະເໜີ 4 ຂໍ້ກ່ຽວກັບຊຸກຍູ້ການພັດທະນາໂດຍສັນຕິຂອງການພົວພັນສອງຝັ່ງ, ໄດ້ຮັບຄວາມຍ້ອງຍໍຢ່າງກວ້າງຂວາງຈາກມວນຊົນໄຕ້ຫວັນ, ພີ່ນ້ອງຮ່ວມຊາດຮົງກົງແລະມາກາວ, ຊາວຈີນຕ່າງດ້າວຢູ່ພົ້ນທະເລແລະປະຊາຄົມໂລກ.
ບົດຄວາມຂຽນວ່າ, ສະພາບຕົວຈິງໄດ້ຢືນຢັນແລ້ວວ່າ, ພະຍາຍາມສ້າງການພົວພັນສອງຝັ່ງທີ່ພັດທະນາໂດຍສັນຕິແລະໝັ້ນທ່ຽງ, ແມ່ນຄວາມປາຖະໜາຮ່ວມຂອງປະຊາຊົນຈີນ, ກໍ່ແມ່ນຄວາມຄອງຄອຍໂດຍທົ່ວໄປຂອງປະຊາຄົມໂລກ. ຄໍາປາໄສຂອງທ່ານຫູຈີນທາວ, ມີຄວາມໝາຍຕົວຈິງອັນສຳຄັນແລະຜົນສະທ້ອນອັນເລິກເຊິ່ງຍາວໄກຕໍ່ການເລັ່ງບາດກ້າວແລກປ່ຽນແລະຮ່ວມມືກັນລະຫວ່າງສອງຝ່າຍ, ສະກັດກັ້ນການເຄື່ອນໄຫວແບ່ງແຍກໄຕ້ຫວັນອອກເປັນເອກະລາດ, ຊຸກຍູ້ການພົວພັນສອງຝັ່ງພັດທະນາໂດຍສັນຕິແລະໝັ້ນທ່ຽງ, ແລະຊຸກຍູ້ຂະບວນການທ້ອນໂຮມປະເທດຊາດໂດຍສັນຕິ.
|
|
