|
ທ່ານຫູຈິນທ່າວກ່າວວ່າ,ການສ້າງໂລກທີ່ກົມກຽວກັນຕ້ອງສຸມກຳລັງໃຫ້ບັນລຸຄວາມກ້າວໜ້າຢ່າງກົມກຽວກັນຂອງອາລະຍະທຳທີ່ຕ່າງກັນ
cri
Author: shuo
ຕາມຂ່າວCRI:ວັນທີ23ເມສາ,ໃນເວລາກ່າວປາຖະກະຖາຢູ່ສະພາປຶກສາຂອງອາລາບີຊາອູດິດ,ທ່ານຫູຈິນທ່າວ ປະທານປະເທດຈີນທີ່ພວມຢ້ຽມຢາມຢູ່ອາລາບີຊາອູດິດທາງລັດຖະກິດກ່າວວ່າ,ການສ້າງໂລກທີ່ກົມກຽວກັນຕ້ອງສຸມກຳລັງໃຫ້ບັນລຸຄວາມກ້າວໜ້າຢ່າງກົມກຽວກັນຂອງອາລະຍະທຳທີ່ຕ່າງກັນ.
ທ່ານຫູຈິນທ່າວກ່າວວ່າ,ບັນດາປະເທດຄວນປົກປັກຮັກສາຄວາມຫຼາກຫຼາຍຂອງໂລກແລະຄວາມຫຼາກຫຼາຍຂອງເບົ້າແບບການພັດທະນາ;ຄວນຮັບຮອງເອົາຄວາມແຕກຕ່າງກັນລະຫວ່າງບັນດາປະເທດໃນດ້ານມູນເຊື້ອວັດທະນະທຳ ລະບອບສັງຄົມ ທັດສະນະຄະດີຄຸນແລະເສັ້ນທາງພັດທະນາ,ຖືຄວາມແຕກຕ່າງກັນດັ່ງກ່າວເປັນຂໍ້ອ້າງແລ້ວເວົ້າຈັ່ງຊັ້ນຈັ່ງຊີ້ຕໍ່ວຽກງານພາຍໃນຂອງປະເທດອື່ນບໍ່ໄດ້,ແລະກ່າວວ່າບັນຫາແລະຂໍ້ຂັດແຍ່ງຈຳນວນໜຶ່ງຄົງຕົວໃນໂລກແມ່ນຍ້ອນອາລະຍະທຳໃດໜຶ່ງ ຊົນຊາດໃດໜຶ່ງແລະສາສະໜາໃດໜຶ່ງນັ້ນຍິ່ງບໍ່ໄດ້;ຄວນພະຍາຍາມເຮັດໃຫ້ທຸກອາລະຍະທຳທັງໝົດແລະທຸກຊົນຊາດໃນໂລກເກາະແຂນກັນ,ພ້ອມກັນຊຸກຍູ້ພາລະກິດອັນສູງສົ່ງ ຄືສັນຕິພາບແລະການພັດທະນາຂອງມະນຸດ.
|
|
