|
|
 |
| (GMT+08:00)
2006-04-23 20:14:17
|
 |
|
ທ່ານໂຈ່ວສຽວຊ່ວນຮຽກຮ້ອງໃຫ້ປະຊາຄົມໂລກເອົາໃຈໃສ່ນຳສິ່ງທ້າທາຍທີ່ເສດຖະກິດທົ່ວໂລກພວມປະເຊີນຢູ່
cri
Author: min
ຕາມຂ່າວສານຊິນຮວາ: ວັນທີ 22 ເມສາ, ໃນເວລາກ່າວຄຳປາໄສທາງລາຍລັກອັກສອນຢູ່ທີ່ປະຊຸມຄະນະກຳມະການເງິນຕາແລະການເງິນສາກົນເຊິ່ງເປັນອົງການຕັດສິນຊີ້ຂາດຂອງອົງການກອງທຶນສາກົນ IMF ທີ່ຈັດຂຶ້ນຢູ່ວໍຊິນຕັນ, ທ່ານໂຈ່ວສຽວຊ່ວນ ຜູ້ວ່າການທະນາຄານປະຊາຊົນຈີນຊີ້ອອກວ່າ, ຫຼາຍປີມານີ້, ຢູ່ໃຕ້ເບື້ອງຫຼັງເສດຖະກິດໂລກາພິວັດ, ຄວາມບໍ່ດຸນດ່ຽງກັນຂອງການຄ້າໂລກໄດ້ເປີດກວ້າງຕື່ມອີກ, ທ່ວງທ່າລັດທິປົກປ້ອງ ການຄ້າເພີ່ມຂຶ້ນ, ນີ້ເປັນສິ່ງ ທ້າທາຍການເຕີບໂຕຂອງການຄ້າແລະເສດຖະກິດໃນທົ່ວໂລກ.
ກ່ຽວກັບບັນຫາລາຄານ້ຳມັນເຊື້ອໄຟ, ທ່ານໂຈ່ວສຽວຊ່ວນຮຽກຮ້ອງໃຫ້ບັນດາ ຝ່າຍທີ່ກ່ຽວຂ້ອງສືບຕໍ່ໃຊ້ມາດຕະການ, ຫຼີກເວັ້ນບໍ່ໃຫ້ປັດໄຈພູມສາດການເມືອງນຳຜົນກະທົບທີ່ບໍ່ດີມາໃຫ້ການສະໜອງແລະຄວາມ ໝັ້ນທ່ຽງຂອງລາຄານ້ຳມັນເຊື້ອໄຟ.
ທ່ານໂຈ່ວສຽວຊ່ວນຍັງຊີ້ອອກວ່າ, ຕະຫຼາດການເງິນທົ່ວໂລກພວມປະເຊີນກັບຄວາມສ່ຽງທີ່ແຝງຊ້ອນຢູ່. ທ່ານຮຽກຮ້ອງໃຫ້ບັນດາປະເທດສ້າງຂອບນະໂຍບາຍທີ່ປະສົມປະສານກັນສົມທົບກັນແລະໄວ້ເນື້ອເຊື່ອໃຈເຊິ່ງກັນແລະກັນ, ບັນລຸການສັບຊ້ອນຢ່າງມີລະບຽບໂດຍໄວ.
|
|
|
