|
|
(GMT+08:00)
2006-04-24 18:08:00
|
|
ສອງຝ່າຍຂອງປາເລັດສະຕິນເຫັນດີຢຸດຕິສະຖານະການເຄັ່ງຕຶງລະຫວ່າງສອງຝ່າຍ
cri
Author: shuo
ຕາມຂ່າວສານຊິນຮວາ:ວັນທີ23ເມສາ,ອົງການອານຟາຕາແລະອົງການຮາມາສກ່າວວ່າ,ເຫັນດີໃຊ້ມາດຕະການ,ຢຸດຕິສະຖານະການອັນເຄັ່ງຕຶງພາຍໃນປາເລັດສະຕິນທີ່ນັບມື້ນັບແຮງຂຶ້ນຍ້ອນຜູ້ສະໜັບສະໜູນຂອງສອງຝ່າຍເກີດການປະທະກັນນອງເລືອດໃນຫວ່າງມໍ່ນີ້.
ວັນທີ23ເມສາ,ໃນເວລາອ່ານຖະແຫຼງການຮ່ວມສະບັບໜຶ່ງຫຼັງການເຈລະຈາລະຫວ່າງສອງຝ່າຍ,ເຈົ້າໜ້າທີ່ອົງການອານຟາຕາເວົ້າວ່າ,ສອງຝ່າຍເຫັນດີຮຽກຮ້ອງໃຫ້ຜູ້ສະໜັບ ສະໜູນຂອງໃຜລາວຢຸດຕິການກະທຳໃດໆທີ່ອາດຈະພາໃຫ້ສະຖານະການເຄັ່ງຕຶງຂຶ້ນ,ກ່າວເນັ້ນວ່າຕ້ອງໃຊ້ມາດຕະການເພີ່ມທະວີຄວາມສາມັກຄີຊາດ.
ໂຄສົກອົງການຮາມາສເວົ້າວ່າ,ສອງຝ່າຍຕ່າງໄດ້ອອກຄຳສັ່ງຢູ່ພາຍໃນ,ຮຽກຮ້ອງບໍ່ໃຫ້ເກີດການປະທະກັນອີກ.ສອງຝ່າຍຍັງຈະຈັດຕັ້ງຄະນະກຳມະການປະສົມ,ຫາລືກົນໄກແກ້ໄຂຄວາມເຫັນຂັດກັນທີ່ອາດຈະເກີດຂຶ້ນລະຫວ່າງສອງຝ່າຍໃນພາຍໜ້າ.
ຕາມຂ່າວແຈ້ງວ່າ,ໃນການເຈລະຈາໃນວັນທີ23ເມສາ,ອົງການຮາມາສແລະອົງການອານຟາຕາບໍ່ໄດ້ກ້າວເຖິງຂັ້ນມີຄວາມເຫັນເປັນເອກະສັນກັນກ່ຽວກັບບັນຫາສິດຄວບຄຸມກອງປ້ອງກັນຄວາມປອດໄພປາເລັດສະຕິນ.
|
|
|