|
ຕາມຂ່າວCRI:ວັນທີ24ເມສາ,ທ່ານຫູຈິນທາວປະທານປະເທດຈີນໄດ້ສິ້ນສຸດການຢ້ຽມຢາມອາລາບີຊາອູດິດທາງລັດຖະກິດແລ້ວຂີ່ຍົນພິເສດອອກຈາກ ດາມານ ເມືອງທ່າພາກຕາເວັນອອກຂອງອາລາບີຊາອູດິດ,ໄປຢ້ຽມຢາມມາລົກ.ຢູ່ເມືອງດາມານ,ທ່ານຫູຈິນທາວໄດ້ທັດສະນາຈອນບໍລິສັດນ້ຳມັນເຊື້ອໄຟອາລາບີຊາອູດິດ,ໄດ້ພົບປະທ່ານໂມຮາມມັດເຈົ້າເອເມຍຂອງເຂດພາກຕາເວັນອອກອາລາບີຊາອູດິດ.
ທ່ານຫູຈິນທາວພົບປະເຈົ້າຊູຕານ
ກ່ອນໜ້ານີ້,ຢູ່ຣີຢັດ,ທ່ານຫູຈິນທາວໄດ້ພົບປະເຈົ້າຊູຕານບິນອັບດຸນອາສິຊ ອົງມຸງກຸດລາຊະກຸມານທັງເປັນນາຍົກລັດຖະມົນຕີອາລາບີຊາອູດິດ,ແລະໄດ້ເຈລະຈາກັບທ່ານຊາເລອັບດຸນລາໂຮມາອິດ ປະທານສະພາປຶກສາອາລາບີຊາອູດິດ.ໃນເວລາພົບປະເຈົ້າຊູຕານ,ທ່ານຫູຈິນທາວກ່າວວ່າ,ອາລາບີຊາອູດິດແມ່ນປະເທດສຳຄັນໃນພາກພື້ນອ່າວທະເລຕາເວັນອອກກາງ.ຈີນໄດ້ອອກແຮງຂະຫຍາຍການພົວພັນຮ່ວມມືຍຸດທະສາດກັບອາລາບີຊາອູດິດ,ຍິນດີນເພີ່ມທະວີການແລກປ່ຽນແລະຄວາມໄວ້ເນື້ອເຊື່ອໃຈກັນດ້ານການເມືອງ,ດຳເນີນການຮ່ວມມືທີ່ຕ່າງຝ່າຍຕ່າງມີຜົນປະໂຫຍດແລະພັດທະນານຳກັນໃນດ້ານເສດຖະກິດ,ຕ່າງເຄົາລົບກັນແລະຖອດຖອນບົດຮຽນເຊິ່ງກັນແລະກັນໃນດ້ານວັດທະນະທຳ.
ທ່ານຫູຈິນທາວພົບປະທ່ານຊາເລອັບດຸນລາໂຮມາອິດ
ໃນເວລາເຈລະຈາກັບທ່ານຊາເລອັບດຸນລາໂຮມາອິດ,ທ່ານຫູຈິນທາວກ່າວເນັ້ນວ່າ,ຈີນແລະອາລາບີຊາອູດິດຄວນຜ່ານຈາກການສົນທະນາແລະແລກປ່ຽນກັນດ້ວຍຫຼາຍຮູບການ,ຊຸກຍູ້ການຂະຫຍາຍການພົວພັນສອງຝ່າຍ,ປະກອບສ່ວນໃໝ່ເຂົ້າໃນການຊຸກຍູ້ອາລະຍະທຳຂອງມວນມະນຸດໃຫ້ມີຄວາມກ້າວໜ້າ,ແລະສ້າງໂລກທີ່ກົມກຽວກັນ.
|
