|
ເຈົ້າໜ້າທີ່ຈີນປະກອບຄຳຄິດຄຳເຫັນກ່ຽວກັບພະລັງງານສະອາດແລະຍຸດທະສາດການລົງທຶນພັດທະນາ
cri
Author: da
ຕາມຂ່າວສານຊິນຮວາ: ວັນທີ 23 ເມສາ ໃນກອງປະຊຸມຄະນະກຳມະການປະສົມເພື່ອການພັດທະນາຂອງທະນາຄານໂລກແລະອົງການກອງທຶນສາກົນທີ່ຈັດຂຶ້ນຢູ່ວໍຊິງຕັນ,ທ່ານຫຼີຢົງ ຮອງລັດຖະມົນຕີກະຊວງການເງິນຈີນໄດ້ປະກອບຄຳຄິດຄຳເຫັນທາງລາຍລັກອັກສອນກ່ຽວກັບຫົວຂໍ້ຕ່າງໆເຊັ່ນພະລັງງານສະອາດກັບໂຄງຮ່າງການລົງທຶນພັດທະນາເປັນຕົ້ນ.
ກ່ຽວກັບບັນຫາພະລັງງານ,ທ່ານຫຼີຢົງເວົ້າວ່າ,ໜຶ່ງ,ການເປີດກວ້າງການສະໜອງພະລັງງານແລະຕອບສະໜອງຄວາມຕ້ອງການຂອງການພັດທະນາຄວນໄດ້ຮັບຄວາມເອົາໃຈໃສ່ກ່ອນໝູ່ຈາກປະຊາຄົມໂລກ.ສອງ,ແມ່ນຊຸກຍູ້ການຜະລິດແລະສະໜອງພະລັງງານສະອາດ,ສະກັດກັ້ນທ່ວງທ່າທີ່ດິນຟ້າອາກາດຮ້ອນຂຶ້ນ.ສາມ,ປະຊາຄົມໂລກຄວນເພີ່ມທະວີການໂອນເຕັກນິກ,ສະໜັບສະໜູນປະເທດພວມພັດທະນາພັດທະນາພະລັງງານສະອາດ.ສີ່,ໃນເວລາຊ່ອຍປະເທດພວມພັດທະນາຮັບມືກັບການປ່ຽນແປງຂອງດິນຟ້າອາກາດນັ້ນ,ປະຊາຄົມໂລກຄວນໂຄລົບສິດພັດທະນາເປັນເຈົ້າຕົນເອງຂອງປະເທດພວມພັດທະນາຢ່າງເຕັມທີ່.
|
|
