|
ແບກແດັດເກີດເຫດການລະເບີດຫຼາຍເທື່ອ ຢ່າງໜ້ອຍມີ 45 ຄົນເສຍຊີວິດແລະບາດເຈັບ
cri
Author: da
ຕາມຂ່າວສານຊິນຮວາ: ວັນທີ 24 ເມສາ ຝ່າຍຕຳຫຼວດຂອງອີຣັກເວົ້າວ່າ,ມື້ດຽວກັນ ໄດ້ເກີດເຫດການລົດຍົນລະເບີດຫຼາຍເທື່ອຢູ່ກາງເມືອງແບກແດັດ,ຢ່າງໜ້ອຍເຮັດໃຫ້ 5 ຄົນຕາຍແລະ 40 ຄົນບາດເຈັບ.
ບຸກຄົນຜູ້ສັນທັດກໍລະນີຂອງຝ່າຍຕຳຫຼວດກ່າວວ່າ,ມື້ດຽວກັນ ຢູ່ບ່ອນມໍ່ກະຊວງສາທາລະນະສຸກອີຣັກທີ່ກາງເມືອງແບກແດັດ,ກອງລົດຕຳຫຼວດກອງໜຶ່ງໄດ້ຖືກຫຼອນໂຈມຕີດ້ວຍລະເບີດຢູ່ແຄມທາງ,ຕາຍ 3 ຄົນ,ບາດເຈັບ 25 ຄົນ.ຫຼັງຈາກນັ້ນ,ຢູ່ບ່ອນມໍ່ມະຫາວິທະຍາໄລມຸສຕັນຊິລີຢາ ພາກຕາເວັນອອກຂອງແບກແດັດ,ໄດ້ເກີດເຫດການລົດຍົນລະເບີດສອງເທື່ອ,ເຮັດໃຫ້ 2 ຄົນຕາຍ, 15 ຄົນບາດເຈັບ.
ຫາງສຽງທ້ອງຖິ່ນເຫັນວ່າ,ເຖິງວ່າການເລືອກຕັ້ງບຸກຄົນຕຳແໜ່ງສຳຄັນເຊັ່ນປະທານາທິບໍດີແລະນາຍົກລັດຖະມົນຕີເປັນຕົ້ນ ເປັນຂີດໝາຍສະແດງໃຫ້ເຫັນວ່າ ສະພາບແຂງກະດ້າງໃນການຈັດຕັ້ງລັດຖະບານທີ່ຍືດເຍືອມາເປັນເວລາ 4 ເດືອນປາຍນັ້ນໄດ້ຖືກທັບມ້າງແລ້ວກໍຕາມ,ແຕ່ເຫດການລະເບີດທີ່ເກີດຂຶ້ນລຽນຕິດພັດສະແດງໃຫ້ເຫັນວ່າ,ເຫດການລະເບີດກຳລັງຮຸນແຮງແລະການປະທະກັນຢ່າງນອງເລືອດຢູ່ອີຣັກຈະຢຸດເຊົາລົງຍັງເປັນເລື່ອງຍາກຢູ່ຊົ່ວຄາວ.
|
|
