ໃນລະດູຮ້ອນກິນອາຫານຂົມຈະເປັນຜົນດີຕໍ່ຮ່າງກາຍ
cri
ລະດູຮ້ອນອາກາດອົບເອົ້າທັງຊຸ່ມອຶນ, ພະຍາດຊະນິດຕ່າງໆມັກຈະແຊກເຂົ້າຮ່າງກາຍ. ໃນລາຍການພາກນີ້, ພວກເຮົາຈະແນະນຳອາຫານບາງຢ່າງໃນລະດູຮ້ອນທີ່ມີຜົນປະໂຫຍດຕໍ່ສຸຂະພາບຂອງທ່ານ.
ໃນອາຫານການກິນປະຈຳວັນ, ບໍ່ສູ່ມີຄົນຈະຮູ້ວ່າອາຫານຂົມກໍ ບຳລຸງຮ່າງກາຍໄດ້. ທີ່ຈິງແລ້ວ, ໃນອາຫານຂົມມີອາມີໂນອາສິດ, ວິຕາມິນ, ທາດດັ່ງຊີວະຊາດແລະຈຸນລະທາດເປັນຕົ້ນ, ສາມາດຕ້ານພະຍາດ, ແກ້ອັກເສບ, ແກ້ຮ້ອນໃນ, ເຣັດໃຫ້ສະໝອງຊື່ນແລະແກ້ຄວາມອິດເມື່ອຍເປັນຕົ້ນ. ສະນັ້ນຜູ້ຊ່ຽວຊານຈິ່ງສະເໜີໃຫ້ກິນອາຫານຂົມຫຼາຍແດ່ໃນຍາມຮ້ອນ, ເພາະມີຜົນດີຕໍ່ສຸຂະພາບ.
ໜຶ່ງ, ຕາມການຄົ້ນຄວ້າດ້ານວິທະຍາສາດໄດ້ປະກົດເຫັນວ່າ ອາຫານຂົມປ້ອງກັນແລະຕ້ານໂຣກມະເຮັງໄດ້. ອາຫານຂົມມີວິຕາມິນເບ17ອຸດົມສົມບູນ, ວິຕາມິນປະເພດນີ້ມີຄວາມສາມາດຂ້າຈຸລັງມະເຮັງຢ່າງແຂງແຮງ. ແພດສາດຈີນກໍປະກົດເຫັນວ່າ, ຜູ້ເປັນໂຣກມະເຮັງສ່ວນຫຼາຍເປັນຄົນທາດອ່ອນ, ນີ້ແມ່ນຍ້ອນວ່າເຂົາມັກກິນຂອງເຜັດແຕ່ບໍ່ມັກອາຫານຂົມ, ຈິ່ງພາໃຫ້ຮ່າງກາຍບໍ່ແຂງແຮງ.
ສອງ, ອາຫານຂົມຈະພາໃຫ້ກິນເຂົ້າແຊບ, ນັກໂພຊະນາການສະໄໝປະຈຸບັນເຫັນວ່າ, ອາຫານຂົມສາມາດກະຕຸກໃຫ້ກົດໃນກະເພາະຊຶມອອກ, ແລ້ວເຮັດໃຫ້ຄົນກິນເຂົ້າຊາບ.
ສາມ, ອາຫານຂົມເຮັດໃຫ້ສະໝອງຊື່ນ. ໃນອາຫານຂົມລ້ວນແຕ່ມີເຕໂອໂບຼມິນແລະກາເຟອິນຫຼາຍສົມຄວນ, ເມື່ອກິນອາຫານປະເພດນີ້ແລ້ວ, ຈະເຮັດໃຫ້ສະໝອງຊື່ນ, ມີຄວາມຮູ້ສຶກສະບາຍເບົາຕົນເບົາໂຕ, ຜ່ອນຄາຍຄວາມເຄັ່ງຕຶງທາງຈິດໃຈທີ່ເນື່ອງຈາກອາກາດອົບເອົ້າໃນລະດູຮ້ອນ, ແລ້ວພາໃຫ້ມີກຳລັງວັງຊາຄືນໃໝ່.
ອາຫານຂົມທີ່ມັກກິນເລື້ອຍໆ
ມີໝາກຮະ, ໝາກຮະມີທາດບຳລຸງອຸດົມສົມບູນ, ຄືມີໂປຼຕິນ, ໄຂມັນ, ທາດນ້ຳຕານ, ການຊີອົມ, ທາດນາຕຼີ, ທາດເຫຼັກ, ກາໂລຕິນແລະອື່ນໆ. ໝາກຮະອ່ອນເອົາມາຂົ້ວ, ຕົ້ມແກງ, ຫຼືຍຳກິນດິບກໍໄດ້, ຫຼືແຕ່ງໃສ່ຊີ້ນໃສ່ປາ, ກໍມີລົດຊາດດີພິເສດ, ມີຄຸນປະໂຫຍດທີ່ພາໃຫ້ກິນເຂົ້າແຊບ, ຊ່ອຍລະລາຍອາຫານ, ແກ້ຮ້ອນໃນແກ້ຄວາມອິດເມື່ອຍ, ເຮັດໃຫ້ຫູແຈ້ງຕາໃສແລະມີເຫື່ອແຮງ.
ດອກແຂ້ວສີງແມ່ນພືດຕະກຸນເບັນຈາມາດ. ຕົ້ນດອກແຂ້ວສີງທັງກົກທັງຮາກກິນຕາງຜັກກໍໄດ້, ທັງເປັນຢາ, ກິນຫຼາຍກໍ່ບໍ່ມີຜົນຮ້າຍຫຍັງຕໍ່ສຸຂະພາບ, ຍັງແກ້ຮ້ອນໃນ, ແກ້ພິດ, ເຊົາຖອກທ້ອງ, ດີບີ, ຕັບແລະບຳລຸງກະເພາະ, ຫຼຸດຄວາມດັນຂອງເລືອດ, ເຮັດໃຫ້ສະໝອງຊື່ນ, ຕ້ານເຊື້ອແລະຕ້ານມະເຮັງ. ຕາມໄດ້ຊາບ, ປະຈຸບັນ, ຍີ່ປຸ່ນໄດ້ເອົາຕົ້ນດອກແຂ້ວສີງມາຄົ້ນຄວ້າຜະລິດເປັນເຄື່ອງດື່ມແລະອາຫານບຳລຸງຕ່າງໆແລ້ວ.
ວັດຖຸດິບຕົ້ນຕໍຂອງເຫຼົ້າເບຍແມ່ນເຂົ້າເບຼກັບໃບເບຍ, ເມື່ອໝັກໃສ່ເຊື້ອໝັກແລ້ວເຮັດເປັນເບຍ. ໃນເບຍມີອາມີໂນອາສິດ, ໂປຼຕິນ, ທາດນ້ຳຕານ, ທາດແຮ່ຕ່າງໆອຸດົມສົມບູນເຊິ່ງມີຜົນດີຕໍ່ຮ່າງກາຍ, ສະນັ້ນຈິ່ງມີຄົນເອີ້ນເຫຼົ້າເບຍເປັນເຂົ້າຈີ່ນ້ຳ. ລົດຂົມໃນເຫຼົ້າເບຍຊ່ອຍລະລາຍອາຫານແລະບຳລຸຮ່າງກາຍ. ດື່ມເບຍຢ່າງເໝາະສົມຈະມີບົດບາດບຳລຸງກະເພາະ, ດີຕາ, ແກ້ຣ້ອນໃນ, ແກ້ຫິວນ້ຳ, ຫຼຸດຄວາມດັນເລືອດ, ແກ້ໄອ, ພາໃຫ້ຍ່ຽວສະດວກ, ລະງັບປະສາດ, ແກ້ຄວາມອິດເມື່ອຍແລະຟື້ນຟູເຫື່ອແຮງເປັນຕົ້ນ.
ນອກນີ້, ໃນລະດູຮ້ອນອາຫານລົດຂົມອື່ນໆເຊັ່ນ: ຊາ, ກາເຟ, ໂຊໂກລາແລະກາກາວເປັນຕົ້ນ, ກໍໃຫ້ເລືອກກິນຫຼາຍແດ່. ແຕ່ກໍຄວນລະວັງ, ອາຫານຂົມເທື່ອໜຶ່ງບໍ່ຄວນກິນຫຼາຍໆ, ເພາະບາງທີຈະເຮັດໃຫ້ເມົາ, ແລ້ວເກີດມີອາການປຸ້ນທ້ອງ, ຮາກຫຼືບໍ່ຢາກກິນອາຫານເປັນຕົ້ນ.
|
|