|
|
 |
| (GMT+08:00)
2006-04-25 15:20:11
|
 |
|
ທ່ານລຽນຈັ້ນພ້ອມດ້ວຍຄະນະສິ້ນສຸດການຢ້ຽມຢາມແຜ່ນດິນໃຫຍ່
cri
Author: shuo
ຕາມຂ່າວສານຊິນຮວາ:ວັນທີ25ເມສາ,ທ່ານລຽນຈັ້ນ ປະທານກິຕິມະສັກຂອງພັກກົກມິນຕັງຈີນພ້ອມດ້ວຍຄະນະໄດ້ອອກຈາກຊຽງໄຮ້ກັບຄືນໄຕ້ຫວັນ,ສິ້ນສຸດການຢ້ຽມຢາມແຜ່ນດິນໃຫຍ່ເປັນເວລາ13ມື້.
ວັນທີ13ເມສາ,ທ່ານລຽນຈັ້ນໄດ້ນຳພາບຸກຄົນຝ່າຍໄຕ້ຫວັນມາເຂົ້າຮ່ວມເວທີປາໄສເສດຖະກິດການຄ້າສອງຝັ່ງຊ່ອງແຄບຢູ່ທີ່ປັກກິ່ງ.ວັນທີ14ແລະວັນທີ15ເມສາ,ເວທີປາໄສດັ່ງກ່າວໄດ້ຈັດຂຶ້ນຢູ່ທີ່ປັກກິ່ງ,ຝ່າຍແຜ່ນດິນໃຫຍ່ໄດ້ປະກາດນະໂຍບາຍໃຫ້ຄວາມສະດວກພິເສດແກ່ໄຕ້ຫວັນ15ລາຍ ເຊິ່ງລວມທັງການໄຂຕະຫຼາດຜະລິດຕະພັນກະສິກຳຕໍ່ໄຕ້ຫວັນຕື່ມອີກ.ວັນທີ16ເມສາ,ທ່ານຫູຈິນທ່າວ ເລຂາທິການໃຫຍ່ສູນກາງພັກກອມມູນິດຈີນໄດ້ພົບປະທ່ານລຽນຈັ້ນພ້ອມດ້ວຍຄະນະ,ແລະໄດ້ວາງຂໍ້ສະເໜີກ່ຽວກັບການຊຸກຍູ້ການພົວພັນສອງຝັ່ງຊ່ອງແຄບໃຫ້ຂະຫຍາຍຕົວໂດຍສັນຕິໃນເວລາກ່າວຄຳປາໄສ.
ນອກຈາກປັກກິ່ງແລ້ວ,ທ່ານລຽນຈັ້ນພ້ອມດ້ວຍຄະນະຍັງໄດ້ໄປຢ້ຽມຢາມແຂວງຟູຈ້ຽນ ແຂວງເຈີ້ຈ່ຽງ ແຂວງຈ່ຽງຊູ່ແລະນະຄອນຊຽງໄຮ້ເປັນຕົ້ນ.
|
|
|
