|
ອະດີດເລຂາທິການລັດຖະບານຍີ່ປຸ່ນຕິຕຽມທ່ານໂຄອີຈູມີຈູນີຊີໂລນະມັດສະການວັດຢາຊືຄູນີ
cri
ຕາມຂ່າວສານຊິນຮວາ,ວັນທີ25ເມສາ,ຢູ່ທີ່ໂຕກຽວ,ທ່ານຟູຄູດາ ຢາຊູໂອ ອະດີດເລຂາທິການລັດຖະບານຍີ່ປຸ່ນໄດ້ກ່າວປາຖະກະຖາ,ຕິຕຽນທ່ານໂຄອີຈູມີຈູນີຊີໂລ ນາຍົກລັດຖະມົນຕີຍີ່ປຸ່ນໄປນະມັດສະການວັດຢາຊືຄູນີເລື້ອຍໆ.
ທ່ານຟູຄູດາຢາຊູໂອກ່າວເນັ້ນວ່າ,ການປົວແປງການພົວພັນກັບປະເທດໃກ້ຄຽງຢູ່ອາຊີແມ່ນໜ້າທີ່ຮີບດ່ວນອັນດັບໜື່ງໃນສະເພາະໜ້ານີ້ຂອງຍີ່ປຸ່ນ.ທ່ານກ່າວວ່າ,ຍີ່ປຸ່ນຖົກຖຽງກັບຈີນແລະຍີ່ປຸ່ນບໍ່ມີຜົນດີຈັກເມັດ.ນັກການເມືອງຍີ່ປຸ່ນໃນເມື່ອກ່ອນລ້ວນແຕ່ລະມັດລະວັງທີ່ສຸດໂດຍຕະຫຼອດໃນບັນຫາວັດຢາຊືຄູນີ.ເຖິງວ່າທ່ານໂຄອີຈູມີຈູນີຊີໂລອະທິບາຍ ວ່າ,ການໄປນະມັດສະການວັດຢາຊືຄູນີແມ່ນການກະທຳຂອງສ່ວນບຸກຄົນກໍຕາມ,ແຕ່ເວົ້າສຳລັບຜູ່ໜຶ່ງແລ້ວ,ໄປນະມັດສະການຊ້ຳແລ້ວຊ້ຳອີກ,ມັນກໍເປັນບັນຫາ.
ນອກນີ້,ຂ່າວແຈ້ງວ່າ,ວັນທີ25ເມສາ,ທ່ານຄາໂທໂຄອີຊິ ອະດີດປະທານພັກເສລີປະຊາທິປະໄຕຍີ່ປຸ່ນກໍໄດ້ກ່າວປາຖະກະຖາຢູ່ໂຕກຽວ.ທ່ານຊີ້ອອກວ່າ,ມູນເຫດທີ່ພາໃຫ້ການຕ່າງປະເທດຂອງຍີ່ປຸ່ນຢູ່ອາຊີ ປະສົບຄວາມປະລາໄຊກໍແມ່ນຍ້ອນບັນຫາຮັບຮູ້ປະຫວັດສາດທັງນັ້ນ.ຖ້າບໍ່ສະຫຼຸບປະຫວັດສາດແລ້ວ,ຍີ່ປຸ່ນຈະບໍ່ສາມາດຢ່ວງບາດກ້າວອັນໜັກແໜ້ນໄດ້.
|
|
