|
ອົງການຮາມັສກ່າວວ່າພວມພິຈາລະນາຮັບເອົາຂໍ້ລິເລີ່ມສັນຕິພາບຂອງອາຣາບ ອິສຣາແອນປະຕິເສດຂໍ້ສະເໜີຈັດການເຈລະຈາຂອງຝ່າຍປາເລັສຕີນ
cri
Author: min
ຕາມຂ່າວCRI: ວັນທີ 26 ເມສາ, ສະຖານະການປາເລັສຕີນອິສຣາແອນປະກົດມີການປ່ຽນແປງໃໝ່. ອົງການຮາມັສປາເລັສຕີນທີ່ຄອງອຳນາດກ່າວວ່າ, ພວມພິຈາລະນາຮັບເອົາຂໍ້ລິເລີ່ມສັນຕິພາບຂອງອາຣາບ. ອີສຣາແອນໄດ້ປະຕິເສດຂໍ້ສະເໜີຂອງທ່ານອາບັສປະທານອົງການອຳນາດແຫ່ງຊາດປາເລັສຕີນ ທີ່ໃຫ້ຈັດກອງປະຊຸມສຸດຍອດສັນຕິພາບຜູ້ນຳປາເລັສຕີນແລະອິສຣາແອນ.
ວັນທີ 26 ເມສາ, ທ່ານນັດເຊລີດິນ ອານ ຊາອີເອີ ຮອງນາຍົກລັດຖະມົນຕີລັດຖະບານປາເລັສຕີນປົກຄອງຕົນເອງເວົ້າຢູ່ອິນເຕິເນັດຂອງອົງການຮາມັສວ່າ, ອົງການຮາມັສຫວັງໃຫ້ສິ້ນສຸດການປະທະກັນລະຫວ່າງປາເລັສຕີນກັບອິສຣາແອນ, ອົງການຮາມັສຈະຮັບເອົາຂໍ້ລິເລີ່ມສັນຕິພາບທີ່ສັນນິບາດປະເທດອາຣາບສະເໜີອອກມາໃນປີ 2002 ບົນພື້ນຖານທີ່ຊອບກົດໝາຍ.
ນອກນີ້, ວັນທີ 26 ເມສາ, ທ່ານອາບັສ ປະທານອົງການອຳນາດແຫ່ງຊາດປາເລັສຕີນທີ່ພວມຢ້ຽມຢາມຢູ່ນອກແວໄດ້ສະເໜີໃຫ້ຈັດກອງປະຊຸມສາກົນກ່ຽວກັບບັນຫາຕາເວັນອອກກາງໃນທັນທີ, ແລະຫວັງເຈລະຈາກັບຜູ້ນຳອິສຣາແອນໂດຍກົງພາຍໃນໄລຍະປະຊຸມ, ເຊັນສັນຍາສັນຕິພາບບົນພື້ນຖານສັນຍາທີ່ມີຢູ່ແລ້ວລະຫວ່າງສອງຝ່າຍແລະມະຕິທີ່ກ່ຽວຂ້ອງຂອງອົງການສະຫະປະຊາຊາດ. ຕໍ່ເລື່ອງນີ້, ເຈົ້າໜ້າທີ່ຜູ້ໜຶ່ງຂອງຝ່າຍປາເລັສຕີນເວົ້າວ່າ, ທ່ານອາບັສຕ້ອງໂຈມຕີການເຄື່ອນໄຫວກໍ່ການຮ້າຍກ່ອນ, ກ່ອນນີ້, ອິສຣາແອນຈະບໍ່ເຈລະຈາກັບປາເລັສຕີນຢ່າງແນ່ນອນ.
|
|
