|
|
 |
| (GMT+08:00)
2006-04-27 19:28:40
|
 |
|
ຜ່ານການສຳພາດຂອງອາຈານກໍເຂົ້າມະຫາວິທະຍາໄລໄດ້ໂລດ(ສຽງ)
cri
Author: shuo
ຫວ່າງກ່ອນນີ້ບໍ່ດົນ,ໃຕ້ກໍລະນີທີ່ບໍ່ໄດ້ເຂົ້າຮ່ວມການສອບເສັງທີ່ເປັນເອກະພາບຂອງທົ່ວປະເທດ,ນັກຮຽນ300ຄົນຂອງຊຽງໄຮ້ທີ່ຮຽນຈົບຈາກມັດທະຍົມປາຍໄດ້ເສັງເຂົ້າມະຫາວິ ທະຍາໄລຟູ້ຕ້ານ ມະຫາວິທະລາໄລຊື່ດັງແຫ່ງໜຶ່ງຂອງຈີນດ້ວຍຮູບການສຳພາດໜ້າຕໍ່ ໜ້າ.ນີ້ແມ່ນເລື່ອງທີ່ບໍ່ເຄີຍມີມາກ່ອນໃນປະຫວັດການສຶກສາຂອງປະເທດຈີນໃໝ່.
ນາງຈ່າງມໍ້ຢັນແມ່ນນັກຮຽນມ.6ຂອງໂຮງຮຽນມັດທະຍົມຫຼັງໜຶ່ງທີ່ຊຽງໄຮ້.ຫວ່າງກ່ອນນີ້ບໍ່ດົນ,ນາງໄດ້ເຂົ້າຮ່ວມການສຳພາດໜ້າຕໍ່ໜ້າທີ່ຈັດໂດຍມະຫາວິທະຍາໄລຟູ້ຕ້ານ,ແລະໄດ້ຮັບຄະແນນອັນດີເດັ່ນໃນນັກຮຽນຜູ້ເຂົ້າຮ່ວມການສອບເສັງຫຼາຍພັນຄົນ,ແລະຖືກມະ ຫາວິທະຍາໄລຟູ້ຕ້ານຮັບເອົາຢ່າງສະດວກ.ເມື່ອກ່າວເຖິງປະສົບການທີ່ເຂົ້າຮ່ວມການສອບເສັງເທື່ອນີ້,ນາງຈ່າງມໍ້ຢັນເຫັນວ່າ,ເມື່ອທຽບໃສ່ການສອບເສັງທາງລາຍລັກອັກສອນ, ການສຳພາດໜ້າຕໍ່ໜ້າສາມາດກວດສອບຄຸນທາດກວມລວມຂອງນັກຮຽນຍິ່ງບັງເກີດຜົນກວ່າ.
"ນ້ອງຄິດວ່າ,ຖ້າວ່ານັກຮຽນຜູ້ໜຶ່ງເສັງໄດ້ຄະແນນດີໃນການສອບເສັງທາງລາຍລັກອັກ ສອນ,ບໍ່ໝາຍຄວາມວ່າຄຸນທາດກວມລວມຂອງລາວສູງກວ່າຜູ້ອື່ນຢ່າງແນ່ນອນ.ສະນັ້ນ, ດຳເນີນການສຳພາດໜ້າຕໍ່ໜ້າແມ່ນເລື່ອງຈຳເປັນທີ່ສຸດ,ມັນສາມາດກວດສອບວ່າ ໃນເວລາລົມກັບຜູ້ອື່ນ,ຜູ້ອື່ນຈະຮັບເອົາເຈົ້າໄດ້ຫຼືບໍ່,ຖ້າເຈົ້າມີຄວາມເຫັນອັນດີຂໍ້ໜຶ່ງ,ເຈົ້າຈະໃຫ້ຜູ້ອື່ນຮັບເອົາຄວາມເຫັນດັ່ງກ່າວໄດ້ຫຼືບໍ່."
ສອງເດືອນປາຍກ່ອນ,ມະຫາວິທະຍາໄລຟູ້ຕ້ານໄດ້ປະກາດຂ່າວທີ່ຮັບເອົານັກສຶກສາໃໝ່ດ້ວຍຮູບການສອບເສັງ.ເນື່ອງຈາກມະຫາວິທະຍາໄລຟູ້ຕ້ານແມ່ນມະຫາວິທະຍາໄລທີ່ຊື່ດັງຫຼາຍຢູ່ຈີນ,ພໍໄດ້ປະກາດຂ່າວທີ່ຈະຮັບເອົານັກສຶກສາດ້ວຍຮູບການສຳພາດໜ້າຕໍ່ໜ້າແລ້ວ,ກໍມີນັກຮຽນ6ພັນກວ່າຄົນສະເໜີຊື່.ກ່ອນການສຳພາດ,ມະຫາວິທະຍາໄລຟູ້ຕ້ານຍັງໄດ້ຈັດການສອບເສັງທາງລາຍລັກອັກສອນອັນງ່າຍດາຍຄັ້ງໜຶ່ງ,ເນື້ອໃນສອບເສັງກວມລວມຫຼາຍວິຊາ ເຊັ່ນວິຊາພາສາແລະໜັງສື ຄະນິດສາດ ພາສາອັງກິດແລະຄອມພິມເຕີເປັນຕົ້ນ,ແລະໄດ້ຕົກລົງລາຍຊື່ນັກຮຽນພັນກວ່າຄົນທີ່ຈະເຂົ້າຮ່ວມການສຳພາດໜ້າຕໍ່ໜ້າຕາມຄະແນນໃນການສອບເສັງທາງລາຍລັກອັກສອນ.
ໃນຂະນະດຽວກັນນີ້,ມະຫາວິທະຍາໄລແຫ່ງນີ້ໄດ້ຈັດຕັ້ງຄະນະຜູ້ຊ່ຽວຊານສຳລັບການສຳພາດໜ້າຕໍ່ໜ້າທີ່ປະກອບດ້ວຍສາດສະດາຈານ100ກວ່າຄົນ.ສາດສະດາຈານເຫຼົ່ານີ້ລ້ວນແຕ່ແມ່ນອາຈານຂອງມະຫາວິທະຍາໄລຟູ້ຕ້ານ,ຕ່າງໄດ້ມີຊື່ສຽງດົງດັງໃນຂົງເຂດວິ ຊາສະເພາະຕ່າງໆ ເຊັ່ນ:ວັດທະນະທຳມະນຸດ ວິທະຍາສາດສັງຄົມ ເຕັກນິກ ທຳມະຊາດແລະການສຶກສາຄຸນສົມບັດເປັນຕົ້ນ.ໃນມື້ທີ່ຈັດການສຳພາດໜ້າຕໍ່ໜ້າ,ນັກຮຽນຜູ້ເຂົ້າຮ່ວມການສອບເສັງໄດ້ເລືອກເອົາຜູ້ຊ່ຽວຊານຫ້າຄົນເປັນຜູ້ສຳພາດຕົນດ້ວຍວິທີຈົກສະຫຼາກ,ແລ້ວແຍກກັນລົມກັບຜູ້ຊ່ຽວຊານຫ້າຄົນດັ່ງກ່າວຜູ້ລະ15ນາທີ.ໃນທີ່ສຸດ,ຜູ້ຊ່ຽວຊານທັງຫຼາຍໄດ້ເລືອກເຟ້ນຜູ້ດີເລີດ300ຄົນເປັນນັກສຶກສາໃໝ່ຂອງມະຫາວິທະຍາໄລຟູ້ຕ້ານຕາມສະພາບການສອບເສັງໜ້າຕໍ່ໜ້າ.
ຕາມນັກຮຽນທີ່ໄດ້ເຂົ້າຮ່ວມການສອບເສັງໜ້າຕໍ່ໜ້າເທື່ອນີ້ເຜີຍໃຫ້ຮູ້ວ່າ,ຄຳຖາມຂອງສາດ ສະດາຈານທັງຫຼາຍໃນການສອບເສັງເທື່ອນີ້ລວມທັງ: "ຂໍຍົກຕົວຢ່າງມາຢັ້ງຢືນວ່າເຈົ້າແມ່ນຄົນທີ່ຮັບຜິດຊອບ" "ຖ້າວ່າເຈົ້າເປັນເຈົ້າຄອງນະຄອນຊຽງໄຮ້,ເຈົ້າຈະແກ້ໄຂບັນຫາລົດຕິດກັນຂອງຊຽງໄຮ້ແນວໃດ?" "ຖ້າເປີກເງິນກ້ອນໜຶ່ງໃຫ້ເຈົ້າວາງແຜນການເຄື່ອນໄຫວຂະໜາດໃຫຍ່ຄັ້ງໜຶ່ງ,ເຈົ້າຈະເຮັດແນວໃດ?"ແລະອື່ນໆ.
ທ່ານໄຊ້ຕາເຟີ່ງ ຮອງອະທິການບໍດີມະຫາວິທະຍາໄລຟູ້ຕ້ານເວົ້າວ່າ,ໃນຖານເປັນຜູ້ຄຸ້ມຄອງໂຮງຮຽນຊັ້ນສູງ,ເພິ່ນບໍ່ພຽງແຕ່ຢາກຮູ້ຈັກລະດັບຄວາມຮູ້ແລະຄວາມສາມາດດ້ານວິ ຊາສະເພາະຂອງນັກສຶກສາທໍ່ນັ້ນ,ຍັງຢາກຮູ້ຈັກພວກເຂົາເຈົ້າແມ່ນຄົນແນວໃດ,ປະສົບການເຕີບໃຫຍ່ໃສ່ໂຕແລະທັດສະນະແນວຄິດຂອງພວກເຂົາເຈົ້າເປັນແນວໃດ,ສ່ວນປະ ສົບການເຕີບໃຫຍ່ໃສ່ໂຕແລະທັດສະນະແນວຄິດແມ່ນຮັບຮູ້ບໍ່ໄດ້ຈາກການສອບເສັງທີ່ເປັນເອກະພາບຂອງທົ່ວປະເທດ.
"ຄວາມຮຽກຮ້ອງອັນພື້ນຖານບາງຢ່າງຂອງພວກເຂົາເຈົ້າແມ່ນບັນລຸເປັນຈິງໄດ້ດ້ວຍຮູບການສຳພາດໜ້າຕໍ່ໜ້າ.ໜຶ່ງຄື ພວກຂ້າພະເຈົ້າຫວັງຊອກຮູ້ແນວຄິດແລະຄຸນສົມບັດຂອງນັກສຶກສາ,ໂດຍສະເພາະແມ່ນທັດສະນະສັງຄົມແລະຄວາມຮັບຮູ້ຕໍ່ໜ້າທີ່ຮັບຜິດຊອບຕໍ່ສັງຄົມຂອງນັກສຶກສາ;ສອງ,ພວກຂ້າພະເຈົ້າຫວັງຮູ້ຈັກກຳລັງບົ່ມຊ້ອນຂອງນັກສຶກສາໃນດ້ານຄົ້ນຄວ້າວິຊາສະເພາະ,ຢາກຮູ້ວ່າລາວມີສະຕິຕິຕຽນຫຼືວ່າສະຕິສົງໄສຫຼືບໍ່.ອີກດ້ານ ໜຶ່ງ,ພວກຂ້າພະເຈົ້າກໍເອົາໃຈໃສ່ນຳປະສົບການຂອງນັກສຶກສາໃນການເຄື່ອນໄຫວສັງ ຄົມ."
ຢູ່ຈີນ,ແຕ່ໃດມາ,ຖ້າຢາກເຂົ້າຮຽນຢູ່ມະຫາວິທະຍາໄລຕ້ອງເສັງໄດ້ການສອບເສັງທີ່ເປັນເອກະພາບຂອງທົ່ວປະເທດ.ການສອບເສັງນີ້ຕົ້ນຕໍສອບເສັງສະພາບການກຳຄວາມຮູ້ໃນປື້ມແບບຮຽນຂອງນັກຮຽນ.ສະນັ້ນ,ເພື່ອເອົາຄະແນນສູງໃນການສອບເສັງນີ້,ມີຫຼາຍນັກ ຮຽນເອົາໃຈໃສ່ແຕ່ຄະແນນການຮຽນ,ແລະໄດ້ປະໝາດການພັດທະນາຢ່າງຮອບດ້ານ.
ທ່ານໄຊ້ຕາເຟິ່ງ ຮອງອະທິການບໍດີຊີ້ອອກວ່າ,ເຖິງວ່າເບົ້າແບບການສອບເສັງດັ້ງເດີມດັ່ງ ກ່າວເຮັດໃຫ້ນັກຮຽນທັງຫຼາຍຂອງຈີນຮຽນຮູ້ສີໄມ້ລາຍມືທີ່ຮັບມືກັບການສອບເສັງກໍຕາມ,ແຕ່ກໍເຮັດໃຫ້ພວກເຂົາເຈົ້າຂາດເຂີນຄວາມສາມາດທີ່ຮ່ຳຮຽນຢ່າງເປັນເຈົ້າການແລະນຳໃຊ້ຄວາມຮູ້ໃນຊີວິດຕົວຈິງ,ແລະປະກົດມີບັນຫາທີ່ຄຸນສົມບັດຕົກຕ່ຳລົງ,ແລະລື້ງກັບສັງ ຄົມຍາກເປັນຕົ້ນ.ຍ້ອນເຫດນີ້,ມະຫາວິທະຍາໄລຟູ້ຕ້ານຫວັງໃຊ້ຮູບການທີ່ຮັບເອົານັກສຶກ ສາດ້ວຍການສອບເສັງໜ້າຕໍ່ໜ້າ,ຊັກນຳນັກຮຽນທີ່ຮຽນຢູ່ໂຮງຮຽນປະຖົມແລະມັດທະຍົມຫັນປ່ຽນທັດສະນະຮ່ຳຮຽນ,ແລະເອົາໃຈໃສ່ບຳລຸງສ້າງຄວາມສາມາດປະດິດສ້າງແລະພຶດຕິກຳຂອງຕົນ.
ທ້າວວາງທ່ຽນຢູທີ່ຮຽນຈົບມັດທະຍົມປາຍໃນປີນີ້ກໍໄດ້ເຂົ້າຮ່ວມການສຳພາດໜ້າຕໍ່ໜ້າຂອງມະຫາວິທະຍາໄລຟູ້ຕ້ານເທື່ອນີ້.ເຖິງວ່າລາວບໍ່ໄດ້ເສັງເຂົ້າມະຫາວິທະຍາໄລຟູ້ຕ້ານ,ແຕ່ລາວເຫັນວ່າ,ປະສົບການເທື່ອນີ້ເຮັດໃຫ້ລາວມີຄວາມຮັບຮູ້ອັນໃໝ່ຕໍ່ການສອບເສັງເຂົ້າມະຫາວິທະຍາໄລຈົນເຖິງວິທີການຮ່ຳຮຽນຂອງຕົນ.ລາວບອກນັກຂ່າວວ່າ,ຖ້າຢາກເສັງໄດ້ການສອບເສັງໜ້າຕໍ່ໜ້າແບບນີ້,ພຽງແຕ່ອາໄສການກະກຽມກ່ອນການສອບເສັງບໍ່ໄດ້,ຄຳຖາມຂອງສາດສະດາຈານແມ່ນຊອກຄຳຕອບບໍ່ໄດ້ໃນປື້ມແບບຮຽນ,ສາດສະດາຈານທັງຫຼາຍມີເຈດຈຳນົງກວດສອບທ່າທີການຮ່ຳຮຽນຂອງນັກຮຽນທີ່ຈໍ່ຕົວຂຶ້ນໃນສິບກວ່າປີ.
"ນ້ອງເຫັນວ່າ,ການກະກຽມທີ່ສຳຄັນກວ່າໝູ່ສຳລັບການສຳພາດໜ້າຕໍ່ໜ້າຕ້ອງເລີ່ມແຕ່ມ.1ຫຼືມ.2,ເລີ່ມແຕ່ອາທິດໜຶ່ງກ່ອນການສອບເສັງແມ່ນເປັນໄປບໍ່ໄດ້.ຖ້າຢາກຮັບໄຊໃນການສອບເສັງໜ້າຕໍ່ໜ້າ,ໃນຂະນະທີ່ເອົາໃຈໃສ່ການຮ່ຳຮຽນຂອງຕົນ,ຍັງຕ້ອງເຂົ້າຮ່ວມການເຄື່ອນໄຫວສາທາລະນະທຸກຮູບທຸກແບບຢ່າງຕັ້ງໜ້າ,ຕົວຢ່າງຄືການຮັບໃຊ້ສາມທາລະນະສັງຄົມ ເຊັ່ນອົງການຈັດຕັ້ງນັກຮຽນແລະສະຫະພັນນັກຮຽນຄະນະຊາວໜຸ່ມເປັນ ຕົ້ນ,ພ້ອມດ້ວຍການແຂ່ງຂັນຕ່າງໆ.ໄປເຂົ້າຮ່ວມການເຄື່ອນໄຫວເຫຼົ່ານີ້,ບໍ່ພຽງແຕ່ແມ່ນເພື່ອຊິງໄດ້ກຽດສັກສີທໍ່ນັ້ນ,ຫາກແມ່ນຍ້ອນວ່າ,ຄວາມສາມາດຂອງເຈົ້າອາດຈະຮັບການຍົກສູງຂຶ້ນຢ່າງຫຼວງຫຼາຍໃນການຝຶກແອບເທື່ອແລ້ວເທື່ອອີກ."
ວິທີໃໝ່ທີ່ຮັບເອົານັກສຶກສາຂອງມະຫາວິທະຍາໄລຟູ້ຕ້ານໄດ້ຮັບຄວາມເຫັນດີເຫັນພ້ອມຈາກບຸກຄົນວົງການສຶກສາ ສື່ມວນຊົນ ນັກຮຽນແລະພໍ່ແມ່ຢ່າງຫຼວງຫຼາຍ,ພວກເພິ່ນເຫັນວ່າ,ທັງນີ້ເຮັດໃຫ້ວິທີຮັບເອົານັກສຶກສາຂອງການສຶກສາຊັ້ນສູງຫັນເປັນຫຼາຍຮູບຫຼາຍແບບ,ພ້ອມກັນນັ້ນ,ກໍມີບົດບາດຊີ້ນຳຕໍ່ໂຮງຮຽນປະຖົມແລະມັດທະຍົມເພີ່ມທະວີການສຶກສາຄຸນ ທາດ.
ແຕ່ມີບາງຄົນເຫັນວ່າ,ຖ້າໃຊ້ວິທີເຊັ່ນດຽວກັນມາກວດສອບນັກຮຽນຊົນນະບົດທີ່ມີເງື່ອນໄຂເສດຖະກິດແລະສະພາບແວດລ້ອມຊີວິດການເປັນຢູ່ຂ້ອນຂ້າງຊົ່ວຮ້າຍ,ອາດຈະແມ່ນບໍ່ຍຸດຕິທຳປານໃດ.ທ່ານໄຊ້ຕາເຟີ່ງ ຮອງອະທິການບໍດີເວົ້າຢ່າງຈິງໃຈວ່າ,ການຮັບເອົານັກສຶກສາດ້ວຍການສຳພາດໜ້າຕໍ່ໜ້າເທື່ອນີ້ພຽງແຕ່ແມ່ນການທົດລອງຄັ້ງໜຶ່ງທີ່ມະຫາວິທະຍາໄລຟູ້ຕ້ານດຳເນີນການປະຕິຮູບຕໍ່ການສອບເສັງເຂົ້າມະຫາວິທະຍາໄລ,ມີຂອບເຂດຈຳກັດທີ່ສຸດ.ຕາມຊາບວ່າ,ແຫ່ຼງນັກຮຽນທີ່ເຂົ້າຮ່ວມການສອບເສັງເທື່ອນີ້ພຽງແຕ່ຈຳກັດຢູ່ເຂດຊຽງໄຮ້ທໍ່ນັ້ນ,ຈຳນວນນັກຮຽນທີ່ເສັງເຂົ້າມະຫາວິທະຍາໄລດ້ວຍການສຳພາດໜ້າຕໍ່ ໜ້າກໍກິນພຽງແຕ່ປະມານ10%ຂອງຍອດຈຳນວນນັກສຶກສາທີ່ມະຫາວິທະຍາໄລຟູ້ຕ້ານຮັບເອົາໃນປີນີ້.
|
|
|
