|
|
 |
| (GMT+08:00)
2006-04-28 11:18:18
|
 |
|
ຊົມງານວັດທະນະທຳອາຊີອາຟຼິກາໃນໂຮງຮຽນ
cri
|
 ເລີ່ມແຕ່ວັນທີ23ເມສາປີ2006,ມະຫາວິທະຍາໄລພາສາຕ່າງປະເທດປັກກິ່ງໄດ້ຈັດງານວັດທະນະທຳອາຊີອາຟຼິກາເປັນເວລາ7ມື້.ນີ້ບໍ່ພຽງແຕ່ແມ່ນການເຄື່ອນໄຫວໃນໂຮງຮຽນຄັ້ງໜຶ່ງເທົ່ານັ້ນ,ແລະກໍໄດ້ສ້າງໂອກາດສຳລັບຊາວໜຸ່ມນັກສຶກສາບັນດາປະເທດແລກປ່ຽນຄຳຄິດຄຳເຫັນຊຶ່ງກັນແລະກັນ.ໃນລາຍການຊາວໜຸ່ມຈີນພາກນີ້,ຂໍເຊີນທ່ານນຳພວກເຮົາໄປຊອກຮູ້ສະພາບກ່ຽວກັບການເຄື່ອນໄຫວເທື່ອນີ້.
ທີ່ທ່ານຟັງມານັ້ນແມ່ນດົນຕີເບື້ອງຫຼັງຢູ່ສະຖານທີ່ຝຶກຊ້ອມງານລາຕີປິດງານວັດທະນະທຳອາຊີອາຟຼິກາຂອງມະຫາວິທະຍາໄລພາສາຕ່າງປະເທດ, ຕອນຄ່ຳວັນທີ27ເມສາຈະຈັດງານລາຕີດັ່ງກ່າວ,ໃນສອງມື້ມານີ້ນັກສຶກສາທີ່ຈະສະແດງລາຍການທີ່ມາຈາກພະແນກພາສາຕ່າງໆໄດ້ທຸ່ມເຫື່ອເທແຮງເຂົ້າໃນການຊ້ອມການສະແດງສຸດທ້າຍ.
ມະຫາວິທະຍາໄລພາສາຕ່າງປະເທດປັກກິ່ງແມ່ນມະຫາວິທະຍາໄລພາສາຕ່າງປະເທດທີ່ມີປະເພດພາສາຕ່າງປະເທດຫຼາຍກວ່າໝູ່ ມີຂະແໜງວິຊາຄົບຖ້ວນກວ່າໝູ່ພາຍໃນປະເທດຈີນ,ໃນນັ້ນພະແນກພາສາອາຊີອາຟຼິກາໄດ້ໂຮມສູນ12ພາສາຂອງປະເທດອາຊີແລະອາຟຼິກາ,ເຊິ່ງລວມທັງພາສາຂອງປະເທດອາຊຽນ ທັງໝົດເວັ້ນແຕ່ພາສາຟິລິບປິນ.ແຕ່ປີ2002ເປັນຕົ້ນມາ,ແຕ່ລະສອງປີໃດພະແນກ ພາສາອາຊີອາຟຼິກາຂອງມະຫາວິທະຍາໄລພາສາຕ່າງປະເທດປັກກິ່ງກໍເລີ່ມຈັດ ງານວັດທະນະທຳອາຊີອາຟຼິກາເທື່ອໜຶ່ງ,ໃນໜຶ່ງອາທິດ,ນັກສຶກສາທີ່ຮຽນພາສາຕ່າງປະເທດໃນໂຮງຮຽນຈະວາງສະແດງວັດທະນະທຳຂອງປະເທດນັ້ນດ້ວຍຮູບການຕ່າງໆ. ປີນີ້ພໍດີແມ່ນມະຫາວິທະຍາໄລພາສາຕ່າງປະເທດສ້າງຂຶ້ນຄົບຮອບ 65ປີ,ສະນັ້ນ,ງານວັດທະນະທຳໃນປີນີ້ຈຶ່ງຄຶດຄື້ນກວ່າເກົ່າ.
 ນາງເວິ້ຍຢິ່ງຈື່ແມ່ນຜູ້ຊີ້ນຳນັກສຶກສາຂອງພະແນກພາສາອາຊີອາຟຼິກາ,ເປັນ ຜູ້ຮັບຜິດຊອບວຽກງານຈັດຕັ້ງການເຄື່ອນໄຫວຄັ້ງນີ້.ນາງແນະນຳວ່າ:ໃນຍາມທຳມະດາ,ການໄປມາຫາສູ່ກັນລະຫວ່າງນັກສຶກສາໂຮງຮຽນພວກເຮົາກັບນັກສຶກສາຕ່າງປະເທດແມ່ນດຳເນີນແບບກະຈັດກະຈາຍ,ຜ່ານຈາກການເຄື່ອນໄຫວແນວນີ້,ຈະສາມາດຊຸກຍູ້ການແລກປ່ຽນລະຫວ່າງພວກເຮົາກັບນັກສຶກສາປະເທດອາຊີອາຟຼິກາທີ່ຮຽນຢູ່ປັກກິ່ງ.ໂດຍສະເພາະແມ່ນຊາວໜຸ່ມແລກປ່ຽນກັນຈຶ່ງຈະພາໃຫ້ເກີດມີປະກາຍແນວຄິດ.
ງານວັດທະນະທຳອາຊີອາຟຼິກາປີນີ້ລວມທັງ ການສາຍຮູບເງົາດີເດັ່ນ ການວາງສະແດງອາຫານ ການວາງສະແດງທິວທັດຂອງບັນດາປະເທດອາຊີອາຟຼິກາແລະການແຂ່ງຂັນກ່າວປາຖະກະຖາຂອງນັກສຶກສາປະເທດອາຊີອາຟຼິກາທີ່ຮຽນຢູ່ປັກກິ່ງ,ຍັງລວມທັງງານລາຕີປິດງານວັດທະນະທຳທີ່ຈະຈັດຂຶ້ນໃນວັນທີ27ເມສາທີ່ພວກເຮົາໄດ້ກ່າວມາຂ້າງເທິງນັ້ນ.
ໃນສະຖານທີ່ຊ້ອມການສະແດງງານລາຕີ,ນັກຂ່າວໄດ້ພົບນັກສຶກສາປີທຳອິດຂອງຫ້ອງພາສາລາວທີ່ພວມຝຶກຊ້ອມລາຍການ,ພວກເຂົາເຈົ້າຈະຮ້ອງເພງລາວແບບລວມໝູ່ໃນງານລາຕີລາວມີປະຫວັດສາດອັນຍາວນານ,ແລະມີວັດທະນະທຳອັນອຸດົມສົມບູນ,ຂ້ອຍຮູ້ວ່າ,ຢູ່ລາວມີມໍລະດົກໂລກ,ເຊັ່ນເມືອງຫຼວງພະບາງແລະວັດພູຈຳປາສັກ.ພວກເຮົາມັກຟັງເພງລາວຫຼາຍ,ໃນການເຄື່ອນໄຫວວັດທະນະທຳເທື່ອນີ້ພວກເຮົາກໍ່ຈະຮ້ອງເພງລາວທີ່ມ່ວນໆເພງໜຶ່ງ.
ເມື່ດໄດ້ເຂົ້າຮ່ວມການເຄື່ອນໄຫວວັດທະນະທຳເທື່ອນີ້,ຂ້ອຍໄດ້ຮູ້ວັດທະນະ ທຳລາວຢ່າງເລິກເຊິ່ງກວ່າເກົ່າ,ແລະຮູ້ວັດທະນະທຳຂອງຫຼາຍປະເທດອາຊີອາຟຼິກາຫຼາຍກວ່າເກົ່າ,ຂ້ອຍຮູ້ສຶກວ່ານີ້ມີຜົນດີຕໍ່ເພິ່ມຄວາມສາມັກຄີແລະມິດຕະພາບລະຫວ່າງຈີນກັບບັນດາປະເທດອາຊີອາຟຼິກາ.
ການແຂ່ງຂັນກ່າວປາຖະກະຖາຂອງນັກສຶກສາປະເທດອາຊີອາຟຼິກາທີ່ຮຽນຢູ່ປັກກິ່ງແມ່ນລາຍການໃໝ່ຂອງງານວັດທະນະທຳປີນີ້.
ທີ່ທ່ານຟັງມານັ້ນແມ່ນທ້າວສຸກໃສໃຈ ແກ້ວລາ ນັກສຶກສາລາວທີ່ຮຽນຢູ່ມະຫາວິທະຍາໄລພາສາຕ່າງປະເທດປັກກິ່ງພວມກ່າວປາຖະກະຖາທີ່ມີຫົວຂໍ້ວ່າ "ຂ້າພະເຈົ້າຢູ່ຈີນ".
ທ້າວສຸກໃສໃຈໄດ້ບອກນັກຂ່າວວ່າ:"ຢາກແລກປ່ຽນແນວຄິດແນວເຫັນກັບນັກສຶກສາຊາວໜຸ່ມນານາຊາດ,ຜ່ານການແລກປ່ຽນປະສົບການ,ຕົນກໍເຊື່ອວ່າຈະຂະຫຍາຍຄວາມຮູ້ກ່ຽວກັບຈີນກວ້າງອອກກວ່າເກົ່າ.ກໍໄດ້ຜູ້ໄມຕີຈິດກັບນັກສຶກສາຈີນ,ໄດ້ເຮັດໃຫ້ພວກເຮົາມີຄວາມໃຈຊຶ່ງກັນແລະກັນ,ແລະໄດ້ຮູ້ວັດທະນະທຳຈີນຫຼາຍຂຶ້ນ,ພ້ອມກັນນັ້ນກໍໄດ້ແນະນຳຮີດຄອງປະເພນີຂອງລາວໃຫ້ນັກສຶກສາຈີນ,ແລະຫວັງວ່າໃນພາຍໜ້າ,ຈະເພີ່ມທະວີການແລກປ່ຽນແນວຄິດແນວເຫັນຢ່າງເລິກເຊິ່ງ.ປັດຈຸບັນນີ້,ນັກສຶກສາລາວຢູ່ຈີນກໍນັບມື້ນັບຫຼາຍຂຶ້ນ,ຂ້ອຍເຊື່ອວ່າ,ຜ່ານການແລກປ່ຽນແນວຄິດລະຫວ່າງຊາວໜຸ່ມສອງຊາດ,ສາມາດຊຸກຍູ້ມິດຕະພາບໃຫ້ແໜ້ນແຟ້ນ.ແລະນັກສຶກສາເຫຼົ່ານີ້ເມື່ອກັບຄືນປະເທດກໍຈະປະກອບສ່ວນເຂົ້າໃນພາລະກິດເສີມສ້າງການພົວພັນໄມຕີຈິດລະຫວ່າງສອງຊາດລາວຈີນ.
ທ່ານສາສະດາຈານຈ່າງລຽງມິນແມ່ນອາຈານຜູ້ອາວຸໂສໃນວົງການພາສາລາວຂອງຈີນ,ໄດ້ປະກອບອາຊີບສິດສອນພາສາລາວເປັນເວລາ40ປີແລ້ວ,ທ່ານໄດ້ເລົ່າຄວາມເຫັນຂອງຕົນກ່ຽວກັບການແລກປ່ຽນດ້ານວັດທະນະທຳລະຫວ່າງຊາວໜຸ່ນາໆຊາດຄັ້ງນີ້ໃຫ້ນັກຂ່າວຟັງ.ທ່ານເວົ້າວ່າ:"ຊາວໜຸ່ມແມ່ນອະນາຄົດຂອງປະເທດຊາດ,ທັງແມ່ນທູດສັນທະວະໄມຕີ,ຂ້າພະເຈົ້າເຊື່ອໝັ້ນວ່າໂດຍຄຽງຄູ່ກັບສາຍສຳພັນມິດຕະພາບລະຫວ່າງບັນດາປະເທດອາຊີອາຟຼິກາໄດ້ຂະຫຍາຍຕົວ ຢ່າງບໍ່ຢຸດຢັ້ງ,ມິດຕະພາບແລະການຮ່ວມມືລະຫວ່າງປະຊາຊົນຈະໄດ້ແໜ້ນແຟ້ນກວ່າເກົ່າ,ແລະຈະແຕກດອກອອກຜົນຢ່າງສວຍສົດງົດງາມຕະຫຼອດກາລະນານ.
|
|
|
