|
|
 |
| (GMT+08:00)
2006-04-28 11:42:19
|
 |
|
ການແລກປ່ຽນວັດທະນະທຳກັບຕ່າງປະເທດຂອງຈີນທີ່ນັບມື້ນັບຄຶກຄັກ
cri
Author: shuo
ເວົ້າສຳລັບຄົນທັງຫລາຍທີ່ຢູ່ຕົວເມືອງໃຫຍ່ຂອງຈີນຄືປັກກິ່ງແລະຊຽງໄຮ້ເປັນຕົ້ນ, ການໄປຊົມງານສະແດງຂອງຄະນະສິນລະປະກຳຕ່າງປະເທດທີ່ມີລະດັບສູງໃນທ້າຍສັບປະດານັ້ນ, ບໍ່ແມ່ນເລື່ອງຍາກຫຍັງ.ປະຈຸບັນ, ມີສິນລະປິນຕ່າງປະເທດນັບມື້ນັບຫລາຍມາຈີນຕາມຄຳເຊີນ. ໃນຂະນະດຽວກັນ, ສິນລະປິນຈີນຫລາຍກວ່າເກົ່າກໍ່ໄດ້ນຳເອົາວັດທະນະທຳແລະສິນລະ ປະກຳຂອງຈີນໄປສູ່ຕ່າງປະເທດ.
ທີ່ທ່ານພວມຟັງຢູ່ນີ້ແມ່ນຕອນຫນຶ່ງຂອງການສະແດງຟ້ອນບາເລຂອງ ສິນລະປິນໂຮງລະຄອນແບບຢ່າງແຫ່ງຊາດຣັດເຊຍທີ່ສະແດງໃນບຸນວັດ ທະນະທຳຣັດເຊຍທີ່ຈັດຂຶ້ນຢູ່ປັກກິ່ງໃນຫວ່າງກ່ອນນີ້ບໍ່ດົນ.ການສະແດງອັນຍອດຢ້ຽມຂອງພວກເຂົາເຈົ້າໄດ້ເຮັດໃຫ້ຜູ່ຊົມຕື່ນຕາຕື່ນໃຈທີ່ສຸດ.
ປັກກິ່ງໃນຖານເປັນໃຈກາງວັດທະນະທຳຂອງຈີນ, ມື້ໃດກໍ່ໄດ້ຈັດງານສະແດງແລະງານວາງສະແດງທີ່ມີລະດັບສູງສິບກວ່າເທື່ອຈົນກະທັ້ງຫລາຍສິບເທື່ອ. ການສະແດງຂອງຄະນະສິນລະປະກຳທີ່ມີລະດັບສູງຄືໂຮງລະ ຄອນແບບຢ່າງແຫ່ງຊາດຣັດເຊຍນີ້,ປີໃດ ຜູ່ຊົມປັກກິ່ງກໍ່ໄດ້ຊົມຫລາຍເທື່ອ.
ຊູ່ມື້ນີ້,ງານດົນຕີສາກົນປັກກິ່ງແລະການເຄື່ອນໄຫວມ່ວນຊື່ນລື່ນເລີງທີ່ມີຊື່ວ່ານັດພົບຢູ່ປັກກິ່ງທີ່ຈັດຂຶ້ນປີລະເທື່ອໄດ້ກາຍເປັນບຸນສິນລະປະກຳສາກົນທີ່ມີອິດທິພົນສົມຄວນ.ປີກາຍນີ້, ງານດົນຕີສາກົນປັກກິ່ງໄດ້ດຶງດູດ ສິນລະປິນເກືອບພັນຄົນທີ່ມາຈາກສິບກວ່າປະເທດຄືຝຼັ່ງ ເຢຍລະມັນ ເຊັກແລະອາເມລິກາເປັນຕົ້ນ.ໃນນັ້ນ, ສິ່ງທີ່ເຮັດໃຫ້ວົງການດົນຕີຈີນກະຕຸ້ນໃຈກວ່າຫມູ່ນັ້ນກໍ່ແມ່ນການສະແດງລະຄອນຮ້ອງຊື່ແຫວນຂອງນີເບລັງຂອງທ່ານວັກນາ ນັກແຕ່ງນົດເພງເຢຍລະມັນທີ່ສະແດງໂດຍໂຮງລະຄອນແຫ່ງຊາດເນລັນບວກແຫ່ງເຢຍລະມັນ.
ການສະແດງລະຄອນຮ້ອງເລື່ອງແຫວນຂອງນີເບລັງຢູ່ປັກກິ່ງຖືກຖືເປັນເຫດການໃຫຍ່ເທື່ອຫນຶ່ງໃນວົງການດົນຕີຂອງຈີນ.ລະຄອນຮ້ອງເລື່ອງນີ້ແບ່ງອອກເປັນສີ່ພາກສ່ວນ,ແຕ່ລະພາກຕ້ອງສະແດງເປັນເວລາສີ່ຊົ່ວໂມງ, ຕ້ອງໃຊ້ເວລາສີ່ມື້ຈິ່ງສະແດງຫມົດໄດ້.ເວົ້າສຳລັບຜູ່ຊົມປັກກິ່ງແລ້ວ, ການໄປຊົມລະຄອນຮ້ອງດັ່ງກ່າວແມ່ນຕ້ອງມີຄວາມຮູ້ແລະກຳລັງແຮງພໍສົມຄວນ.ແຕ່ວ່າ, ສິ່ງທີ່ເຮັດໃຫ້ຜູ່ຈັດຕັ້ງຕົກສະເງີ້ນັ້ນແມ່ນ, ການສະແດງສີ່ເທື່ອຢູ່ປັກກິ່ງບໍ່ພຽງແຕ່ມີຜູ່ຊົມມາຊົມເຕັມໂຮງລະຄອນທໍ່ນັ້ນ, ຜູ່ຊົມເກືອບຫມົດທຸກຄົນ ຍັງໄດ້ຍຶດຫມັ້ນຊົມເຖິງປິດສາກໃນຕອນດຶກດ້ວຍຄວາມຫ້າວຫັນ,ແລ້ວຈິ່ງກັບເມືອ.
ພາຍຫລັງການສະແດງລະຄອນຮ້ອງເລື່ອງແຫວນຂອງນີເບລັງສີ່ພາກສ່ວນສິ້ນສຸດລົງແລ້ວ,ທ່ານນາງຢາງທີ່ມາຈາກມະຫາວິທະຍາໄລຊິງຮວາເວົ້າຕໍ່ນັກຂ່າວດ້ວຍຄວາມກະຕຸ້ນໃຈວ່າ:
ລະຄອນເລື່ອງນີ້ ຂ້າພະເຈົ້າໄດ້ເບິ່ງຫມົດສີ່ພາກສ່ວນ,ຮູ້ສຶກວ່າດີຫລາຍ.ພວກເຮົາຊື້ປີ້ຍາກຫລາຍ,ແຕ່ໂຊກດີມີໂອກາດໄດ້ຮູ້ວ່າ,ລະຄອນຮ້ອງຂອງຝ່າຍຕາເວັນຕົກແມ່ນຫຍັງ,ດຽວນີ້ຮູ້ດີແລ້ວ.
ນອກຈາກງານມະຫະກຳດົນຕີຂອງຝ່າຍຕາເວັນຕົກແລ້ວ, ການສະແດງສິນ ລະປະກຳຂອງອາຟາລິກາແລະອາຊີກໍ່ໄດ້ມີສ່ວນແບ່ງໃນຕະຫລາດການສະແດງຂອງຈີນຄືກັນ.
ໃນຂະນະທີ່ຄະນະສິນລະປະກຳຕ່າງປະເທດເຂົ້າມາຈີນນັ້ນ,ສິນລະປິນທັງຫລາຍຂອງຈີນກໍ່ໄດ້ໄປສະແດງຢູ່ແຫ່ງຕ່າງໆທົ່ວໂລກ, ນຳເອົາວັດທະນະ ທຳແລະສິນລະປະກຳຂອງຈີນໄປສູ່ພົ້ນທະເລ.ທ່ານພຸທົງ ຮອງຫົວຫນ້າກົມພົວພັນກັບຕ່າງປະເທດຂອງກະຊວງວັດທະນະທຳຈີນແນະນຳວ່າ,ໃນຫລາຍປີມານີ້,ການແລກປ່ຽນວັດທະນະທຳລະຫວ່າງຈີນກັບຕ່າງປະເທດໄດ້ປະກົດມີສະພາວະຄຶກຄັກຢ່າງບໍ່ເຄີຍມີມາກ່ອນ,ນີ້ມີສ່ວນກ່ຽວຂ້ອງຫລາຍສົມຄວນກັບການໄຂປະຕູສູ່ພາຍນອກຂອງຈີນແລະວົງການສິນລະປະວັດທະນະທຳຫວັງຢາກແລກປ່ຽນກັບພາຍນອກ.ທ່ານເວົ້າວ່າ:
ພວກເຮົາຕ້ອງໄປມາຫາສູ່ກັນກັບໂລກຫລາຍກວ່າເກົ່າ.ການໄປມາຫາສູ່ກັນແບບນີ້ມີຂົງເຂດການເມືອງ ເສດຖະກິດ,ທາງດ້ານວັດທະນະທຳກໍ່ຂາດເຂີນບໍ່ໄດ້.ການໄປມາຫາສູ່ກັນດ້ານວັດທະນະທຳເປັນການໄປມາຫາສູ່ກັນເພື່ອເພີ່ມຄວາມເຂົ້າໃຈກັນລະຫວ່າງຄົນທັງຫລາຍ, ແລະເຮັດໃຫ້ຄົນສະ ຫນິດສະຫນົມເຂົ້າ.ມັນຈະເຮັດໃຫ້ການໄຂປະຕູສູ່ກັນກັບພາຍນອກຂອງຈີນໄດ້ຮັບຄວາມເຂົ້າໃຈແລະຮັບຮອງຈາກໂລກງ່າຍກວ່າເກົ່າ.ເພາະວ່າວັດ ທະນະທຳຂອງຈີນແມ່ນວັດທະນະທຳທີ່ສັນຕິພາບ,ແມ່ນວັດທະນະທຳທີ່ອະນຸໂລມ,ການແລກປ່ຽນວັດທະນະທຳສາມາດເຮັດໃຫ້ຄົນທັງຫລາຍເຂົ້າໃຈແນວຄິດຂອງປະຊາຊາດຈີນ, ແລະຮີດຄອງປະເພນີອັນດີເລີດຂອງປະຊາຊາດຈີນ.
ກຸ່ມບໍລິສັດວັດທະນະທຳຕໍ່ຕ່າງປະເທດຂອງຈີນແມ່ນບໍລິສັດທີ່ດຳເນີນ ການເຄື່ອນໄຫວແລກປ່ຽນສິນລະປະວັດທະນະທຳຕໍ່ຕ່າງປະເທດທີ່ມີຂະ ຫນາດໃຫຍ່ກວ່າຫມູ່ຂອງຈີນ,ແຕ່ກ່ອນມັນແມ່ນບໍລິສັດສະແດງຕໍ່ຕ່າງປະເທດຂອງຈີນແລະສູນວາງສະແດງສິນລະປະກຳຕໍ່ຕ່າງປະເທດຂອງຈີນທີ່ມີປະຫວັດເຄິ່ງສະຕະວັດແລ້ວ.ປະຈຸບັນ, ກຸ່ມບໍລິສັດດັ່ງກ່າວໄດ້ຈັດງານສະແດງແລະງານວາງສະແດງຢູ່ຕ່າງປະເທດເກືອບ 90% ຂອງຈີນ.
ເມື່ອກ່າວເຖິງສະພາບການແລກປ່ຽນວັດທະນະທຳຕໍ່ຕ່າງປະເທດຂອງຈີນໃນຫລາຍປີມານີ້, ທ່ານຈ່າງອີ ຜູ່ອຳນວຍການໃຫຍ່ກຸ່ມບໍລິສັດດັ່ງກ່າວໄດ້ບອກຕົວເລກພວງສູ່ນັກຂ່າວຟັງວ່າ:
ພາຍໃນເວລາສອງປີເຄີ່ງແຕ່ເດືອນມິຖຸນາປີ 2003 ຮອດທ້າຍປີ 2005,ກຸ່ມບໍລິສັດພວກເຮົາກໍ່ໄດ້ຈັດລາຍການສະແດງແລະວາງສະແດງຢູ່ຕ່າງປະເທດ 256 ລາຍການຢູ່ 51 ປະເທດແລະເຂດແຄວ້ນໃນໂລກ,ໃນນັ້ນ, ໄດ້ແຕ່ງ 210 ກວ່າຄະນະສິນລະປະກຳໄປສະແດງ 13 ພັນ ກວ່າຮອບ,ຜູ່ຊົມຕ່າງປະເທດໃນສອງປີເຄິ່ງນີ້ບັນລຸເຖິງ 19 ລ້ານກວ່າເທື່ອ ຄົນ.
ສິນລະປະວັດທະນະທຳທີ່ມາຈກາປະເທດເກົ່າແກ່ຕາເວັນອອກໄດ້ຈັບໃຈຜູ່ຊົມພົ້ນທະເລຢ່າງເລິກເຊິ່ງ.ໃນການເຄື່ອນໄຫວແລກປ່ຽນວັດທະນະທຳທຸກລາຍທີ່ກຸ່ມບໍລິສັດຕໍ່ຕ່າງປະເທດຂອງຈີນຈັດຂຶ້ນນັ້ນ, ມີສອງລາຍການ ແມ່ນມີຊື່ລືນາມທີ່ສຸດຄືຫນຶ່ງແມ່ນປີວັດທະນະທຳທີ່ຈີນແລະຝຼັ່ງຕ່າງຈັດຂຶ້ນຢູ່ ປະເທດຝ່າຍກົງກັນຂ້າມເປັນເວລາສາມປີ, ສອງປະເທດລວມໄດ້ຈັດງານສະ ແດງແລະລາຍການວາງສະແດງ 700 ກວ່າລາຍການ,ໄດ້ເກີດມີປະຕິກິລິ ຍາຢ່າງມະຫາສານ;ອີກອັນຫນຶ່ງແມ່ນເດືອນຕຸລາປີກາຍ, ໄດ້ຈັດບຸນວັດທະ ນະທຳຈີນຢູ່ວໍຊິງຕັນແຫ່ງອາເມລິກາ, ພາຍໃນເວລາຫນຶ່ງເດືອນອັນສັ້ນໆ, ສູນສິນລະປະກຳແກນນີດີວໍຊິງຕັນໄດ້ຈັດ ການສະແດງແລະງານວາງສະແດງກ່ຽວກັບຈີນປະເພດຕ່າງໆຢ່າງລຽນຕິດ,ໄດ້ກໍ່ກະແສເຫີ່ຈີນຢູ່ໃນສັງຄົມກະແສຫລັກຂອງອາເມລິກາ.
ທີ່ທ່ານຟັງຢູ່ນີ້ແມ່ນດົນຕີຊື່ແມງກະເບື້ອຍດົມດອກໄມ້ທີ່ເສບໂດຍວົງ ດົນຕີຊິມໂຟນີກວາງໂຈວໃນບຸນວັດທະນະທຳຈີນທີ່ຈັດຂຶ້ນຢູ່ອາເມລິກາໃນປີກາຍ.ດົນຕີຊິມໂຟນີນີ້ຍ້ອນມີຈັງວະດົນຕີຊົນເຜົ່າຂອງຈີນ, ຈິ່ງມີລີລາອັດສະ ຈັນທີ່ສຸດ,ເຮັດໃຫ້ຜູ່ຊົມອາເມລິກາບໍ່ຫນ້ອຍນີຍົມຫລາຍ.ທ່ານຜູ່ຊົມດອນ.ວາລາສບອກນັກຂ່າວວ່າ:
ການຟັງດົນຕີຈີນ,ຊອກຮູ້ວັດທະນະທຳຈີນແມ່ນເລື່ອງທີ່ດີທີ່ສຸດ, ໂດຍສະເພາະແມ່ນດົນຕີທີ່ຟັງມາມື້ກີ້ນີ້ພິເສດຫລາຍ, ແມ່ນດົນຕີຊິມໂຟນີທີ່ຂ້າພະເຈົ້າບໍ່ເຄີຍຟັງມາກ່ອນ,ຂ້າພະເຈົ້າກະຕຸ້ນໃຈຫລາຍ.ຂ້າພະເຈົ້າຈະໄປຊອກອ່ານເອກະສານທີ່ກ່ຽວຂ້ອງ, ເພື່ອຊອກຮູ້ດົນຕີເຫລົ່ານີ້ແລະຜູ່ແຕ່ງດົນຕີເຫລົ່ານີ້ຕື່ມອີກ.
|
|
|
