|
ຄະນະກຳມະການເລືອກຕັ້ງຂອງໄທປະກາດຢຸດຕິການເລືອກຕັ້ງເພີ່ມຕື່ມທີ່ຈັດຂຶ້ນໃນວັນທີ 29 ເມສານັ້ນຊົ່ວຄາວ
cri
Author: cai
ຕາມຂ່າວCRI:ຕອນຄ່ຳວັນທີ 28 ເມສາ,ຄະນະກຳມະການເລືອກຕັ້ງຂອງໄທໄດ້ປະກາດຢຸດຕິການເລືອກຕັ້ງເພີ່ມຕື່ມຄັ້ງທີ 2 ຂອງການເລືອກຕັ້ງສະພາຜູ້ແທນລາຊະດອນທີ່ແຕ່ເດີມຈະຈັດຂຶ້ນໃນວັນທີ 29 ເມສານັ້ນຊົ່ວຄາວ.
ມື້ດຽວກັນ,ຄະນະກຳມະການເລືອກຕັ້ງຂອງໄທໄດ້ຈັດກອງປະຊຸມດ່ວນພາຍຫຼັງສານບໍລິຫານໄດ້ອອກຄຳສັ່ງຮຽກຮ້ອງໃຫ້ຄະນະກຳມະການດັ່ງກ່າວຢຸດຕິການເລືອກຕັ້ງເພີ່ມຕື່ມທີ່ຈັດຂຶ້ນໃນວັນທີ 29 ເມສານັ້ນຊົ່ວຄາວແລ້ວ,ຫຼັງກອງປະຊຸມ,ທ່ານປະລີນຍາ ກຳມະການການເລືອກຕັ້ງຂອງໄທປະກາດຕໍ່ນັກຂ່າວວ່າ,ຄະນະກຳມະການເລືອກຕັ້ງໄດ້ອອກແຈ້ງການໃຫ້ 14 ເຂດເລືອກຕັ້ງທີ່ແຕ່ເດີມຈະຈັດການເລືອກຕັ້ງເພີ່ມຕື່ມໃນວັນທີ 29 ເມສານັ້ນໃຫ້ຢຸດຕິການເລືອກຕັ້ງເພີ່ມຕື່ມຊົ່ວຄາວ,ຈົນຮອດສານໄດ້ທຳການຕັດສິນໃໝ່.ນອກນີ້,ຄະນະກຳມະການເລືອກຕັ້ງຂອງໄທໄດ້ອຸທອນຕໍ່ສານລັດຖະທຳມະນູນກ່ຽວກັບການຕົກລົງດັ່ງກ່າວຂອງສານບໍລິຫານ,ເພາະວ່າ,ກ່ອນນີ້,ສານລັດຖະທຳມະນູນເຄີຍຕັດສິນວ່າ"ຄະນະກຳມະການເລືອກຕັ້ງແຫ່ງຊາດມີສິດຈັດຕັ້ງການເລືອກຕັ້ງ".
|
|
