|
ວັນທີ25ເມສາປີນີ້ແມ່ນວັນລະລຶກຈີນລາວ ປະເທດບ້ານໃກ້ເຮືອນຄຽງສ້າງສາຍສຳພັນທາງການທູດຄົບຮອບ45ປີ,ໃນລາຍການ"ຢ່ອນອາລົມໃນວັນເສົາ"ມື້ນີ້,ພວກເຮົາຈົ່ງມາຟັງເພງນຳກັນ,ພ້ອມກັນລະລຶກ"ເຫດການຄັ້ງປະຫວັດສາດທີ່ສຳຄັນ"ຂອງສອງຊາດຈີນລາວ.
ທີ່ທ່ານຟັງມານັ້ນແມ່ນ"ເພງມິດຕະພາບລາວຈີນ"ທີ່ທ່ານສີຊະນະ ສີສານແລະທ່ານປະເສີດ ສີຊະນົນ ນັກແຕ່ງເພງລາວ ແຕ່ງເມື່ອປີ1977.ເພງນີ້ໄດ້ບັນທຶກມິດຕະພາບອັນມີມູນເຊື້ອໄມຕິຈິດທີ່ມາແຕ່ບູຮານນະການລະຫວ່າງຈີນກັບລາວ.
ວັນທີ25ເມສາປີ1961 ຈີນກັບລາວໄດ້ສ້າງສາຍສຳພັນການທູດຢ່າງເປັນທາງການມາຮອດ ວັນທີ25ເມສາປີ2006ທີ່ຫາກໍ່ຜ່ານໄປນ,ສອງຊາດຈີນລາວໄດ້ເກາະແຂນກັນເດີນຜ່ານມາ45ປີແລ້ວ.
ຫວ່າງມໍ່ໆນີ້,ໃນເວລາໃຫ້ສຳພາດຕໍ່ນັກຂ່າວວິທະຍຸcriພວກເຮົາ,ທ່ານສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີທັງເປັນລັດຖະມົນຕີກະຊວງການຕ່າງປະເທດລາວແລະທ່ານລີວຢົງຊີ່ງ ເອກອັກຄະລັດຖະທູດຈີນປະຈຳລາວລ້ວນແຕ່ກ່າວວ່າ,ແຕ່ຈີນກັບລາວສ້າງສາຍສຳພັນການທູດເປັນເວລາ45ປີມານີ້,ໂດຍສະເພາະແມ່ນໃນ10ກວ່າປີມານີ້,ມິດຕະພາບອັນເປັນມູນເຊື້ອແລະການພົວພັນຮ່ວມມືດ້ວຍໄມຕິຈິດຖານບ້ານໃກ້ເຮືອນຄຽງທີ່ດີຕໍ່ກັນລະຫວ່າງຈີນກັບລາວໄດ້ຂະຫຍາຍຕົວຢ່າງຫຼວງຫຼາຍ.ໂດຍສະເພາະແມ່ນໃນປີ2000,ຫຼັງຈາກທ່ານຈ່ຽງເຈີມິນ ປະທານປະເທດຈີນແລະທ່ານຄຳໄຕ ສີພັນດອນ ປະທານປະເທດລາວໄດ້ຢ້ຽມຢາມເຊິ່ງກັນແລະກັນແລ້ວ,ການພົວພັນລະຫວ່າງຈີນກັບລາວໄດ້ກ້າວຂຶ້ນຂັ້ນໄດໃໝ່.ຄວາມໄວ້ເນື້ອເຊື່ອໃຈທາງການເມືອງລະຫວ່າງສອງປະເທດໄດ້ເລິກເຊິ່ງກວ່າເກົ່າ,ການແລກປ່ຽນແລະຮ່ວມມືກັນໃນຂົງເຂດການເມືອງ,ເສດຖະກິດການຄ້າແລະວັດທະນະທຳການສຶກສາເປັນຕົ້ນໄດ້ເພິ່ມຂຶ້ນຢ່າງບໍ່ຢຸດຢັ້ງ.ມູນຄ່າການຄ້າລະຫວ່າງຈີນກັບລາວໄດ້ລື່ນກາຍ100ລ້ານໂດລາສະຫະລັດ3ປີລຽນຕິດ,ໄດ້ເພິ່ມຂຶ້ນເກືອບ3ເທົ່າເມື່ອທຽບກັບ10ປີກ່ອນ.ຄືດັ່ງພາກເພິ່ນເວົ້ານັ້ນວ່າ,ປັດຈຸບັນ,ການພົວພັນລະຫວ່າງຈີນກັບລາວພວມຢູ່ໃນໄລຍະທີ່ດີທີ່ສຸດໃນປະຫວັດສາດ.
ໃນຊູ່ມື້ນີ້,ຢູ່ແຄມຝັ່ງແມ່ນ້ຳຂອງທີ່ສວຍງາມ,ຫໍວັດທະນະທຳແຫ່ງຊາດລາວ,"ສວນສາທາລະນະປະຕູໄຊ"ແລະ"ຖະໜົນເລກ2"ທີ່ຈີນຊ່ວຍສ້າງໄດ້ກາຍເປັນທິວທັດອັນສວຍງາມຂອງນະຄອນຫຼວງວຽງຈັນ,ສິ່ງກໍ່ສ້າງເຫຼົ່ານີ້ກໍ່ແມ່ນສັນຍະລັກແຫ່ງມິດຕະພາບຈີນລາວ45ປີ.
ເພື່ອນມິດຈີນທີ່ເຄີຍໄປເມືອງລາວໃຜກໍ່ຮູ້ວ່າ,ດອກຈຳປາແມ່ນດອກໄມ້ປະຈຳຊາດຂອງລາວ,ປີ1995,ໃນເວລາຄະນະສິລະປາກອນກົມໃຫຍ່ການເມືອງກອງທັບປົດປ່ອຍປະຊາຊົນຈີນມາຢ້ຽມຢາມລາວ, ທ່ານເຊີນຈຸ່ນ ນັກເສບຊໍອູ້ໄດ້ເສບດ້ວຍ"ຊໍອູ້"ມະໂຫລີດັ້ງເດີມຂອງຈີນ.
ໃນຫຼາຍປີມານີ້,ການໄປມາຫາສູ່ກັນຝ່າຍປະຊາຊົນລະຫວ່າງຈີນກັບລາວນັບມື້ນັບຫຼາຍຂຶ້ນ,ແຕ່ປີ2002ເປັນຕົ້ນມາ,ຈີນໄດ້ແຕ່ງຄະນະຊາວໜຸ່ມອາສາສະໝັກ5ງວດລວມ50ກວ່າຄົນໄປຮັບໃຊ້ຢູ່ນັ້ນຮາກຖານຂອງລາວ, ຊາວໜຸ່ນທີ່ເປັນຕົວແທນໃຫ້ແກ່ອະນາຄົດຂອງສອງປະເທດພວມແຕ່ງບົດໃໝ່ແຫ່ງມິດຕະພາບຈີນລາວດ້ວຍຄວາມກະຕືລືລົ້ນຂອງພວກເຂົາເຈົ້າ. ໃນເວລາຢູ່ລາວ,ນາງຫຼີລີນຫຼິງ ຊາວໜຸ່ມອາສາສະໝັກຊຽງໄຮ້ຈີນງວດທີ2ທີ່ຮັບໃຊ້ຢູ່ລາວ,ເຄີຍແຕ່ງກອນ"ສັນລະເສີນມິດຕະພາບຊາວໜຸ່ມຈີນລາວ"ດັ່ງນີ້ວ່າ:
ພວກເຮົານຳເອົາຄວາມກະຕືລືລົ້ນມາຮອດແຄມຝັ່ງແມ່ນ້ຳຂອງ
ພວກເຮົານຳເອົາອຸດົມຄະຕິອັນສູງສົ່ງ,ເດີນທາງມາເຖິງແດນແຫ່ງມິດຕະພາບ
ໃນປ່າພ້າວທີ່ລົມເຢັນພັດເຊີຍ,ໃຕ້ຮົ່ມກົກໂພທີ່ທາດຫຼວງ,ພິທີບາສີທີ່ອຳນວຍພອນ,ດວງດອກຈຳປາທີ່ສົ່ງກິ່ນຫອມຫວນ
ດິນແດນທີ່ສວຍງາມ,ປະຊາຊົນຜູ້ດຸໝັ່ນ,ແມ່ນ້ຳຂອງທີ່ເກົ່າແກ່,ເສີມຂະຫຍາຍກຳລັງໃໝ່
ສາຍພູແມ່ນ້ຳຕິດຈອດກັນ,ດວງໃຈເພິ່ງພາອາໄສກັນ,ເພງມີດຕະພາບເຜີຍແຜ່ກັນໄປທຸກເຊັ່ນ
ຄົນທູດມິດຕະພາບ,ຂົວແຫ່ງການຮ່ວມມື,ເຮົາເກາະແຂນກັນບຸກເບີກອະນາຄົດອັນດີງາມ,
ເມືອງລາວ ເມືອງພຸດທະສາສະໜາໄດ້ເຮັດໃຫ້ຊາວຈີນທຸກຄົນທີ່ເຄີຍມາມີພາບປະທັບໃຈຢ່າງເລິກເຊິ່ງ,ມິດຕະພາບລະຫວ່າງປະຊາຊົນສອງຊາດກໍ່ ສວຍສົດງົດງາມ ຄືກັບດອກຈຳປາແລະດອກບົວທອງ.
ຫວ່າງມໍ່ໆນີ້,ນັກຂ່າວໄດ້ໄປສຳພາດທ່ານຈ້າວເຈ່ຍຮວາ ອະດີດເອກອັກຄະລັດຖະທູດຈີນປະຈຳລາວ.ທ່ານເວົ້າວ່າ,ເຖິງວ່າໄດ້ກັບມາແຕ່ລາວຫຼາຍປີແລ້ວ,ແຕ່ຊີວິການເປັນຢູ່ຢູ່ລາວທ່ານຍັງຈື່ໄດ້ດີທີ່ສຸດ,ທ່ານຍັງຄິດຮອດໄລຍະທີ່ເຮັດວຽກຢູ່ລາວ,ຄິດຮອດເພື່ອນລາວແລະດິນແດນອັນສວຍງາມແຫ່ງນັ້ນ.
ວັນທີ25ເມສາ,ນາງອະພິລະຊະນີ ເດັກລາວທີ່ເຄີຍຕິດຕາມພໍ່ແມ່ມາຮຽນຢູ່ທີ່ປັກກິ່ງໄດ້ໂທລະສັບມາຍັງວິທະຍຸcriພວກເຮົາ,ນາງເວົ້າວ່າ,ນາງມີຄວາມປາຖະໜາອັນໜຶ່ງ,ກໍ່ຄື,ຢາກໄດ້ຮັບທຶນສຶກສາຂອງລັດຖະບານ ແລ້ວໄປຮຽນມະຫາວິທະຍາໄລຢູ່ຈີນ.
ທ້າວສຸກສາຍໃຈ ນັກສຶກສາລາວທີ່ຮຽນຢູ່ຈີນກໍ່ບອກນັກຂ່າວວ່າ,ເມື່ອໄດ້ກັບຄືນປະເທດແລ້ວ,ນ້ອງຢາກປະກອບສ່ວນເຂົ້າໃນການເພິ່ມທະວີມິດຕະພາບລະຫວ່າງສອງຊາດລາວຈີນ.
ພວກເຮົາຈົ່ງຈື່ຈຳໄວ້ວ່າວັນທີ25ເມສາແມ່ນມື້ບຸນຂອງສອງຊາດຈີນລາວ,ໃນມື້ທີ່ພິເສດນີ້,ພວກເຮົາກໍອວຍພອນໃຫ້ມິດຕະພາບຈີນລາວຈົ່ງໝັ້ນຄົງຂະໜົງແກ່ນຊົ່ວຟ້າດິນສະຫຼາຍ.
|
