|
|
 |
| (GMT+08:00)
2006-05-02 15:33:23
|
 |
|
ຜູ້ຟັງໂທລະສັບມາຂໍຟັງເພງ(ສຽງ)
cri
Author: cai
ມື້ນີ້ແມ່ນວັນກຳມະກອນສາກົນປີລະເທື່ອ,ໃນວັນບຸນຂອງຜູ້ອອກແຮງງານທົ່ວໂລກນີ້,ຂ້າພະເຈົ້າຂໍຕາງໜ້າພະນັກງານທັງຫລາຍຂອງພະແນກພາສາລາວວິທະຍຸCRIຝາກຄວາມຖາມຂ່າວໃນຍາມບຸນມາຍັງຜູ້ອອກແຮງງານທັງຫລາຍທີ່ເຮັດວຽກຢ່າງດຸໝັ່ນຂະຫຍັນໃນທຸກຂະແໜງວຽກຂອງລາວ.ໃນການສ້າງສາປະເທດຊາດຂອງລາວ,ຖັນແຖວຄູອາຈານໄດ້ມີບົດບາດສຳຄັນທີ່ສຸດ,ຖັນແຖງຜູ້ອອກແຮງງານກອງນີ້ໄດ້ເຮັດວຽກຢູ່ໜ້າທີ່ຕຳແໜ່ງຂອງຕົນຢ່າງມິດໆແລະລຳບາກ,ຫາບແບກໜ້າທີ່ໜັກໜາບຳລຸງສ້າງກອງໜູນແລະຜູ້ມີຄວາມຮູ້ຄວາມສາມາດໃຫ້ແກ່ການສ້າງສາສັງຄົມນິຍົມຂອງລາວ,ພວກເຂົາເຈົ້າເໝືອນດັ່ງທຽນໄຂ,ຈູດເຜົາຕົນເອງເພື່ອເຍືອງຮຸ່ງໃຫ້ຜູ້ອື່ນ,ກໍ່ແມ່ນໃນຂະບວນການດັ່ງກ່າວນີ້,ພວກເຂົາເຈົ້າຮູ້ສຶກພໍໃຈຕົນເອງ,ມັນເໝືອນດັ່ງຄຳເວົ້າທີ່ວ່າ,ມອບດອກກຸຫລາຍໃຫ້ຜູ້ອື່ນ,ມືຂອງຕົນກໍ່ໄດ້ກິ່ນຫອມຍ້ອນ.
ຫລາຍມື້ກ່ອນ,ທ່ານສົມລົດ ສຸລິຍົງ ຄູສອນຢູ່ມັດທະຍົມສົມບູນເມືອງນ້ຳປາກແຂວງຫລວງພະບາງໄດ້ໂທມາຫາຂ້າພະເຈົ້າວ່າ,ເພິ່ນກັບທ່ານທອງກ່ຳ ອຸທິດາ ໝູ່ຂອງຜູ້ຮ່ວມງານຂອງທ່ານທີ່ເປັນແຟນລາຍການຂອງພວກເຮົາໄດ້ຮັບຟັງແລະມັກລາຍການພາກພາສາລາວຂອງວິທະຍຸພວກເຮົາຕະຫລອດມາ,ຈາກລາຍການຂອງພວກເຮົາ,ທ່ານໄດ້ຮຽນຄວາມຮູ້ໃໝ່ຢ່າງຫລວງຫລາຍ,ແລະໄດ້ຊ່ອຍວຽກງານການສິດສອນຂອງເພິ່ນຫລາຍທີ່ສຸດ,ທ່ານຍັງໄດ້ຜ່ານໂທລະສັບເຂົ້າຮ່ວມການເຄື່ອນໄຫວຮັບຟັງລາຍການຊິງລາງວັນກ່ຽວກັບຈີນລາວສ້າງສາຍສຳພັນການທູດຄົບຮອບ 45 ປີຂອງພະແນກພາສາລາວພວກເຮົາ,ພ້ອມກັນນັ້ນ,ທ່ານຍັງຢາກຂໍເພງໜຶ່ງມອບໃຫ້ທ່ານທອງກ່ຳ ໝູ່ຂອງທ່ານ,ແລະມອບໃຫ້ຕົນເອງອີກດ້ວຍ,ຕໍ່ໄປພວກເຮົາກໍ່ຈະມອບເພງຈີນເພງໜື່ງທີ່ມ່ວນໆໃຫ້ທ່ານຜູ້ຟັງສອງທ່ານດັ່ງກ່າວ,ເພງນີ້ຊື່ວ່າ:ຊິນຂູເລິ ຫລາວຊື່ ແປວ່າ ນາຍຄູ ເມື່ອຍບໍ່,ຜູ້ຟັງທັງຫລາຍຢູ່ຕໍ່ໜ້າວິທະຍຸ,ພວກເຮົາຈົ່ງມາພ້ອມກັນຖາມຂ່າວນຳຄູອາຈານຂອງຕົນໃນທ່າມກາງສຽງເພງນີ້.
(ເປີດເພງ)
|
|
|
