ຕາມ​ຂ່າວ​​ສານ​ຊິນ​ຮວາ:ຫວ່າງ​ມໍ່ໆ​ນີ້,ນັກ​ຂ່າວ​ໄດ້​ຊາບ​ຈາກ​ກະຊວງ​ການ​ຄ້າ​ຈີນ​ວ່າ,ພາຍຫຼັງ​ຈີນ​ຍົກ​ເລີກການ​ຈຳກັດ​ສິດ​ຖື​ຫຸ້ນຂອງວິ​ສາ​ຫະກິດ​ຂາຍຍ່ອຍ​ທຶນ​ຕ່າງປະ​ເທດທີ່ລົງທຶນ​ຢູ່​ຈີນ​ແລ້ວ,ວິ​ສາ​ຫະກິດທຶນ​ຕ່າງ​ປະ​ເທດຢາກ​ລົງທຶນທຸລະ​ກິດ​​ຝ່າຍ​ດຽວ​​ໄດ້​ສູງ​ກວ່າ​ເກົ່າ,ປີ2005,​ໃນ​ວິ​ສາ​ຫະກິດ​ຂາຍຍ່ອຍ​ທຶນ​ຕ່າງປະ​ເທດທີ່​ຈີນ​ອະນຸມັດ​ໃໝ່,ມີ​ວິ​ສາ​ຫະກິດ​ທຶນ​ຕ່າງປະ​ເທດຝ່າຍ​ດຽວ124​ແຫ່ງ,ກວມ​ຫຼາຍ​ຫວ່າ60%.

ຕາມ​ຊາບ​ວ່າ,ປະຈຸ​ບັນ,​ແບບ​ວິ​ທີທຸລະ​ກິດ​ຢູ່​ຈີນ​ຂອງ​ວິ​ສາ​ຫະກິດ​ຂາຍຍ່ອຍ​ທຶນ​ຕ່າງປະ​ເທດ​ພວມ​​ເກີດ​ມີ​ການປ່ຽນ​ແປງ,ການ​ຂາ​ຍຍ່ອຍ​ໄດ້​ພັດທະນາ​ໄປ​ສູ່​ຫຼາຍ​ຂະ​ແໜງ​ການຄືຮ້ານ​ຄ້າ​ວິ​ຊາສະ​ເພາະ,ຮ້ານ​ຄ້າ​ສະດວກ,ຮ້ານ​ຄ້າຫຼຸດ​ເປີ​ເຊັນ​ເປັນ​ຕົ້ນ;​ໃນດ້ານ​ເຂດ​ແຄວ້ນ,ການລົງທຶນ​ຂອງນັກ​ທຸລະ​ກິດ​ຕ່າງປະ​ເທດ​ໄດ້​​ຈາກຕົວ​ເມືອງ​ພາກ​ຕາ​ເວັນ​ອອກຂະຫຍາຍ​ໄປ​ສູ່ຕົວ​ເມືອງ​ພາກ​ຕາ​ເວັນ​ຕົກ​ຕອນກາງ;​ໃນດ້ານ​ຍຸດ​​ໂທ​ບາຍ​ທຸລະ​ກິດ,ວິ​ສາ​ຫະກິດ​ຂາຍຍ່ອຍ​ທຶນ​ຕ່າງປະ​ເທດ​ຍິ່ງ​​ເອົາ​ໃຈ​ໃສ່​ຊອກ​ຮູ້​ສະພາບ​ແຫ່ງ​ຊາດ​ຂອງ​ຈີນ,ປະຕິ​ບັດ​ການ​ທຸລະ​ກິດ​ແບບ​ພື້ນ​ເມືອງ,ສອດຄ່ອງ​ກັບ​ຄວາມ​ຕ້ອງການ​ຂອງ​​ໄທເມືອງ.