|
ຜັກໃບຂຽວແຕ່ງກິນແນວໃດຈຶ່ງມີທາດບຳລຸງ
cri
 ໃນຊີວິດປະຈຳວັນຂອງພວກເຮົາ,ມື້ໃດກໍຕ້ອງກິນຜັກສີຂຽວແລະຄົນສ່ວນຫຼາຍເຫັນວ່າ ຜັກໃບເອົາມາຂົ້ວກິນມີທາດບຳລຸງທີ່ສຸດ. ທີ່ຈິງແລ້ວ,ຜັກໃບຂຽວນອກຈາກຂົ້ວກິນຈຶ່ງມີທາດບຳລຸງແລ້ວ, ຍັງມີຄວາມຮູ້ບາງຢ່າງທີ່ຕ້ອງເວົ້າສູ່ຟັງ
ກ່ອນອື່ນ,ແມ່ນພວກເຮົາຕ້ອງຮູ້ວ່າ,ຜັກໃບຂຽວສົດທໍ່ໃດແຮ່ງມີວິດຕາມິນເຊຫຼາຍ,ຖ້າເອົາໄວ້ດົນໂພດ,ວິດຕາມິນເຊຈະຖືກທຳລາຍ
ສອງ,ຜັກທີ່ຈະອົາມາແຕ່ງກິນຄວນລ້າງໃຫ້ສະອາດກ່ອນ,ແລ້ວຈຶ່ງຊອຍຫຼືເດັດ,ຖ້າຊອຍກ່ອນ ແລ້ວຈຶ່ງລ້າງ,ວິດຕາມິນທີ່ຊຶມອອກກໍຈະລະລາຍໃນນ້ອແລ້ວ ຖືກລ້າງຖິ້ມລ້າໆ,ຜັກທີ່ຊອຍແລ້ວຕ້ອງແຕ່ງກິນໄວໆ, ຖ້າປະໄວ້ດົນໂພດ,ວິດຕາມິນເຊກໍຈະເສຍຫາຍ.
ສາມ:ຂົ້າຜັກຄວນໃສ່ແປ້ງສິງກະໂປຫນ້ອຍຫນຶ່ງ,ສາມາດເຮັດໃຫ້ຜັກອ່ອນ,ຫນ້າກິນ,ທັງຮັກສາວິດຕາມິນເຊໄດ້ອີກ.
ສີ່:ຜັກບາງຢ່າງຖ້າຈະຍຳກິນ,ຕ້ອງລວກກ່ອນ,ເພື່ອຂ້າກິ່ນຂິວ ໃນເວລາລວກຜັກທີ່ນ້ຳຕ້ອງຫຼາຍ,ໄຟຕ້ອງແຮງ,ເມື່ອນ້ຳຟົດ,ເອົາຜັກລົງໃສ່,ຄົນຈັກສອງສາມບາດ,ກໍໃຊ້ຕະແກງຕັດອອກໂລດ,ແລ້ວລ້າງນ້ຳເຢັນ,ຜັກກໍຂະສີຂຽວງາມ,ແລະກອບ.ວິດຕາມິນເຊໃນຜັກກໍເສຍຫາຍຫນ້ອຍ.
ໃນເວລາຂົ້ວຜັກໃບຂຽວ,ຕ້ອງໃຊ້ໄຟແຮງ,ຕ້ອງຂົ້ວໄວ,ຂົ້ວຜັກຖ້າຂົ້ວດົນຫຼາຍ,ວິດຕາມິນເຊຈະຖືກທຳລາຍ,ໄຟແຮງເຖິງວ່າກະທະຮ້ອນຫຼາຍ,ແຕ່ຍ້ອນຂົ້ວໄວ້ໃຊ້ເວລາສັ້ນ,ວິດຕາມິນເຊຈຶ່ງເສຍຫາຍຫນ້ອຍ.
ຂົ້ວຜັກໃບຂຽວຢ່າໃສ່ນ້ຳສົ້ມ,ຖ້າບໍ່ແມ່ນຜັກສີຂຽວ,ໃສ່ນ້ຳສົ້ມຈັກຫນ້ອຍ,ສາມາດຮັກສາວິດຕາມິນໃນຜັກ,ແຕ່ຖ້າແມ່ນຜັກໃບຂຽວ,ໃສ່ນ້ຳສສົ້ມຈະເຮັດໃຫ້ສານສີຂຽວໃນຜັກຖືກທຳລາຍ,ເຮັດໃຫ້ໃບຜັກເຫຼືອງແລະເສຍທາດບຳລຸງ.
|
|
